¹ Ita bi sala mazbah min kasab ta samugh, kamsa metir tuwil wa kamsa wasie. Al mazbbaha bi kun murabah wa tala meti ali. ² Ita bi amulu towsie le arba zawaya al ze guruun ta thor. Al guruun bi salawu zejuzu wahid ma mazbaha, wa ita bi kati huwomon ma bronze. ³ Ita bi sala mueadat le mazbbaha.gurumat le rumaat, wa kaman muksasa, teshit, laham alshuk, wa nar tou. Ita bi sala afashad del ma bronze. ⁴ Ita bi sala bab ta nar le mazbbaha, shabaka ta bronze. sala katim ta bronze le kulu bab ta arba zawaya. ⁵ Ita bi kutu al bab tihit nihaya ta mazbbaha, fi nus wa le tihit. ⁶ Ita bi sala amida le mazbbaha, amida min kasab ta samugh, wa ita bi kati huwomon ma bronze. ⁷ Al amida bi kutu fi katim, wa al amida lazim bi kun fi etnin tijahat ta al mazbbaha, ashan bi arufawo. ⁸ Ita bi sala al mazbbaha fadi, min loha. Ita bi sala huwo fi teriga al kan beinu le inta fi jebel. ⁹ Ita bi sala medan le kaima. bi haligu fi tija junub ta medan, bi haligu malabis al mabrum tul mia metir. ¹⁰ al halagat lazim bi kun indo marakis ishiriin markaz, ma ishiriin bronze asasi. Hinak kaman bi kun sinara mulasak le marakis del, wa amida tou min fida. ¹¹ Kaman fi tija shamal, bi kun fi halaga mia metir tuwil ma ishiriin marakis, ishiriin bronze asas, sinara mulasak fi marakis del, wa amud min fida ¹² Fi medan ta mazbbaha fi tija garib bi kun fi hinak sitara kamsiin metir tuwil. Bi kun fi hinak ashara marakis wa ashara asas. ¹³ Al medan ta mazbbaha bi kun kaman kamsiin metir tuwil fi tija shirik. ¹⁴ Al halag ta tija ta madkal bi kun kamstashar. Huwomon bi kun indo talat marakis ma talat asas. ¹⁵ Al tija al tani kaman bi indo halaga kamstashar metir. Huwomon bi kun indo talata marakis wa talata asas. ¹⁶ Al bab ta medan bi kun indo sitara ishiriin metir. Al sitara bi kun azrak, arujuwani, wa mawad ahmar wa malabis mabrum, shokul ta al mutraz. huwo bi kun indo arba marakis ma arba asas. ¹⁷ Kulu medan ta marakis bikun indo amida ta fida, sinara min dahab, wa asas min bronze. ¹⁸ Al tul ta medan bi kun mia metir, al urud kamsiin metir, wa al tul kamsa metir ma malabis al mabrum al halagu, wa asas ta bronze. ¹⁹ Kulu mueadt bi istakdimu fi kaima, wa kulu ashara awtad ta kama wa medan bi kun min bronze. ²⁰ Ita bi amiru nas ta Israel ashan bi jibu zeit ta zeitun nedif wa mudghut le lamba ashan huwomon bi wala bi istimrar. ²¹ Fi kaima ta al ijtima, bara min sitara al fi gedam ta kaima al indo tabuud ta shihada, Haron wa iya tou bi hafizu lamba muwala gedam ta Yahwa, min ashiya le sabah almutallibat bi kun fadulu ta asnum fi kulu ajiyal ta nas ta Israel.