¹ Le sabab de, Ana, Bulus, musjun ta Mesih Yesu ashan intum al umamiin- ² Ana fekri intum asuma an wekala ta neima ta allah al wodi le ana ashan intum. ³ Ana bi katibu hasab siir al beinu le ana. de yau al hagiga al dusu al ana kan katibu le intum. ⁴ Kan intum agara (resala de), intum bi agder fahimu hikma tai fi hagiga al dusu an al Mesih de. ⁵ Fi ajiyal taniin hagiga de ma beinu le iyal ta insan. lakin hasa beinu bi wasat Rohu le rusul wa anbiya al ikhtaru umon le shokol de. ⁶ Hagiga al dusu de huwo inu nas umamiin del umon gi warisu, wa umon aada fi jisim, wa umon bi shariku waad al fi Mesih Yesu bi wasat injil. ⁷ Leanu ana biga kadam ta injil bi wasat hadia ta neima ta Allah al wodi le ana bi wasat ta shokol ta guwa tou. ⁸ Allah wodi hadia de le ana, salla kan ana yau suker min kulu nas ta Allah al mukadisin. Hadia de inu ana keli alinu le nas al umamiin injil al ganiyan al ma dusu ta al Mesih. ⁹ Hadia ta Allah le ana inu keli ana tala huwo fi nur le ai zol khuta ta Allah de shunu. Khuta de kan dusu. Khuta de kan zamaan dusu le sanawat towil bi wasat ta Allah, ali kalagu hajat. ¹⁰ Khuta de kan alinu bi wasat ta kenisa ashan hukkam wa sultat al fi samawat bi arufu hikma ta Allah al barau. ¹¹ De hasil hasab khuta al abadi al temu fi al Mesih Yesu Rabuna. ¹² Fi al Mesih nina indu shujaa wa bi ja bi sigha ashan iman ta nina fi huwo. ¹³ Le sabab de ana bi asalu intum keli ma tala tabaniin bi sabab taab tai ashan intum, al huwo mejid takum. ¹⁴ Ashan kida ana bi dengir rukuba tai le Al ab, ¹⁵ Min huwo ali wodi isim le kulu usura al fi sama wa al ard. ¹⁶ Ana gi seli inu keli huwo wodi le intum, hasab ghina tou fi mejid, Ashan intum bi kun gowiin bi guwa wasat Roho, al fi intum. ¹⁷ Ana gi seli inu Yesua keli ish fi gulob takum bi wasat ta iman, ashan intum bi kun indu juzor wa asas gowe fi mohaba tou. ¹⁸ Keli intum wa muminiin kulu kun indu gudra ashan bi fahim shunu huwo al ard, al tool, al aali, Wa al umgh, ¹⁹ wa ashan intum bi arufu muhaba ta al Mesih, al fok le maarafa, ashan bi mala intu ma kulu kamal ta Allah. ²⁰ Hasa le zol ali bi agder amulu aktar bi ketiir min kulu al nina asalu au fekir, hasab guwa tou al gi ishtakal fi nina, ²¹ Keli mejidu huwo fi kenisa wa fi Mesih Yesu. le kulu ajial ilal abaad wa al abadiin. Ami.