¹ Yesu ekwi zo Rubanga di ni gasi langwe, pi ada Mure ga, ba anda lenile ri evo ki anda dri zo Rubanga di sile ete dere, ² Longwi ai ni anyinde nga dii kwici du ra ya? Majo anyini mbwa du oni alusa lesi oni zini dige ku, nga di kwici du enzia ra. ³ Anda rire ga be oliveti drigeri rii, ba anda le nile rii evoki anda dii mugu mugu du, anda ni zire ga: etede amani ngadi kedero adung ni. Adu kete’de ni nya engwika ni, ni? Pi adu ketede ni odu vu’ ni ti lokozo rii. ⁴ Yesu a’i anyi’ba mi okpo kule mo’di zina kulunzwa anyi ku: ⁵ Amala ba amgbu kevo ma ru si pi kujo ki: ma Kristo i, pi kulu azwaki ba amgbu. ⁶ De anyeri nga oja drige yaya dra ori kuko anyi ku, adusi’di nga kule kedero ri’i ki ngadi ede di si ku. ⁷ Amala naninga suru kudiru’di suru to, Opi karu di opi’to. Vico koloko’ra pi vu koyoru kare kwici ga. ⁸ Dii dria’do ecandi kedo’i. ⁹ A’di ko adi anyi lezi mgbwale pi dile pkwo, pi suru cidro kuga anyo ma ru si imgbe ¹⁰ A’i’ba amgbu rii dri kenziru ra, ba kelzi aia ba zi ba pi leruku kwa mbombo dru. ¹¹ Profeta enzo r kevo amgbu pi kaki ba lunzua yaya’dro. ¹² Cara nit a mbaka ku ni enzaka si, le ku’e ba amgbu, ni asi ge. ¹³ Ki de lami eandi pkwi lokore ga wa kalari ra. ¹⁴ Ofu loso Opi dri ange vu kwici du ga sandeni du kpa. Nani vuga o’du ngani ti ti lesi zo rii kudi esa. ¹⁵ De anyinde nga amgbu go du kenziru asi lasa nza ezire profeta Daniele nga jore dilea ru ada mbare kare okole ole rig a rii Kule modi lare rii keri ekwi na ni, ¹⁶ Kule’ba Yedea ga ri kufe be aga, ¹⁷ De modi andani oru zodri ge, kule kesi kwire zo ga kule ku okozo etare ga ku, ¹⁸ De modi omvu aga kule kengwi vule anda bongu zire ga ku. ¹⁹ O’du na kemu kolu uku bonzi to a'ga, kusa uku bonzi'ciri enduka ri ni inzi! ²⁰ Anyelegi ayo si du angu anyidi kuko anyi ayi si, kusa Sabato si ku. ²¹ adusiku dikiri njagodu ovi'na ezesi vu a edonga kpi endu sa ederu kuru ri kemu kude ba'di ge ra, ungu emu de idi ku. ²² De odu na kenduru ra lee'i, kudu modi lararire ra na kolu iya. ²³ Ongu de modizi kujo nyini, "Nde, Cristo ni dii!' kusaa, 'Cristo ni nalenaa!' akegeni ku. ²⁴ Adusiku Cristo enjo ri pi profetaa enjo ri to kevokii raa ongu kede kii nyuma pi nga bani au'zo ri to, dudu 'ba ni di bazo legbere, de esu kumaakii wa, a'i kulunjwa du ba lupele ra ri pi sa to. ²⁵ Anyinde, majo ngadi anyini adi saa na olu andaga du. ²⁶ Disidu, de 'jokii anyini, 'Anyinde, Andaani kwesikwesi aga,' anyivo kwesikwesi aga naa ku. Kusa, 'Anyinde, Andaa ni zuga iti'lele,'Anyegeni ku. ²⁷ Adusiku ii lovi'a nga mgbakaa ajire ga ongu andaa lagukaa bwi undwelaga ri ani, Burangwa 'Ba di a engika sa kemu kolu andaa ani. ²⁸ De tesaa anyukwa kpo ri aa, muku kutaru kare na ni ga ra. ²⁹ Ki mgbwesaa icandi ezesi ri ni vuga, vu mudi kube itu ni mi cwi, imba saa sa ngwe ku, lelego kejo rubu'ge si pi mori rubu di koyoru ra. ³⁰ Di avuga, Burangwa 'Ba di kefu oru rubu ge si, pi suru vudige ri borodu kowu kii ra. Kundekii 'Burangwa 'Ba di kemu lofu rubuge ri ni aga si okpo to pi eku njago ri to. ³¹ Andaa kezwe anjeli Andaadi teretu ni uduku okposi ri to, pi kevo kulutakii 'ba Andaa di lupele ra ri pi kare alu ga vu ndutu ga si. ³² "Anyeleni nga eleu ni kwe ga si. De anyinde eleu ni bi endo ludukaa idi du na ni ga si ra, kulea anyini na ketedea ayi ire i. ³³ Disidu de anyisaa anyinde nga dipi kederu, kelee anyi ama Andaa ni koti ge ire. ³⁴ Gba-gbadu Majo anyini, ba abi diadu diniga ri pi sa lokore tuwa ku kesua nga di pi ederu ra. ³⁵ Rubu pi vu to koloko ra, ki lejo Madi lokoku. ³⁶ Ki odu kusaa saa nga di pi di modi nire ra na iyo, de kolu angeli rubu ge ri i, kusaa ngwa'a i saa i, ki te Ataa i. ³⁷ Kelende odu Nuwe ninga ri ani, engwika Ago ni Bura di ri isaa kolu na ani. ³⁸ Adusiku kalande odu nasi ri di ani duluvioa esazo esu adi kuru rii, ba ri nga lunya're pi rumvu'ka to, uku dukaa to pi ago dukaa to, bwi fu sa odu Nuwe a kwi'zo ibbo aga ri si, ³⁹ ongu ni kii aduninga kemu kederu ni ya ni ku kwa bwi duluvio di fu esa pi ta ai twadu pi- engwika Ago ni Bura di rii saa kemu kolu na ani. ⁴⁰ Ongu ago eri kesuo amvuaga-adu alu ri azi'a pi, ongu ebe alu ri ra. ⁴¹ Uku eri kevo ku'i kii nga oni di ge- alu ri azi'a pi, ongu ebe alu ri ra. ⁴² Disidu anyolu 'ba'ba, adusiku anyini odu anya Opi kengwi du ri ingo i ya ni ku. ⁴³ Ki kulee anyi nga di, ama de kesu zo ni ata kuni saa ogu a emuzo iniaga ri ingo i ya ni ra, esu mi na kolu mgbo ongu ebe ogu ni andaa goti nguzo bolongo zuga to ni ku. ⁴⁴ Disidu kulea anyisaa anyolu 'ba'ba, adusiku Ago ni Bura kemu saa anya nile ku ri si. ⁴⁵ "Diadu, modi ibu di cir to pi igeni to andaa amba a ba'le ibu edere andaa di boru linya lukere aini saa anda si ri adi i? ⁴⁶ Anda loso modi ibu di andaa amba kemu kesua nga ile ni edereaga ri ni. ⁴⁷ Gwagbwadu amajo anyini amba di kemu kuba andaa ni nga andaa di twadu ri ni di ndere ga. ⁴⁸ Ki de modi ibu di asi injwi ri kujo asi-asi ni, "Maa amba ekalaru para," ⁴⁹ ongu edo andaa ibu baazi mgbale, pi kulunya nga pi kulunvu nga lamvu'ba to, ⁵⁰ ongu amba modi ibu di na di kemu odu andaa nile ku ri si ongu saa andaa nile ku ri si. ⁵¹ Amba andaadi di kure andaa ni ciri-ciri ongu kudu kube andaa ni kare ba lunjwa-lunjwa di ri pi ni lubare ri ni ga, laka naa owu'kaa pi si sikaa to kolu aa.