¹ D’I laki ile tuwadu ngakii pi ezikii yesu ni Pilatu andaga. ² E’dokii yesu ni esikika, ku’jokii, “Amesu ago ‘di kenji vu amadi, kuluga ‘ba musoro lokwerega cesari ni ongu ku’joo andaa ni andaa ngasi andaa ni kristu, opi’i. ³ Pilatu zi andaa ni ku’jo, “nyi opi yudei’ba di’i?” yesu aka andaa ni ku’jo, “nyi’jo anda.” ⁴ Pilatu ‘jo amba’ba lazi azi’ba Rubanga ni ri pi ni laki’ba di to, “mesu nga zi injwi mo’di ‘di ni ruge kuru.” ⁵ Ti enjarukii ‘jore na ni ga, “Andaa kuluto’ba ni bi lele andaa’ba lenire gas i yudaya aga si tuwadu, e’doru Galilaya esa ko’dia.” ⁶ De Pilatu keri ‘di, andaazi ‘di mo’di Galilaya ga si ya? ⁷ De andaa kesu a’jo yesu ni kare Erode kuzwa ni ri ni gas i, andaa zwe andaa ni Erode di, esu Erode saa aa yerusaleme ga o’du ileni ga. ⁸ Da Erode kunde yesu ni, andaa olu anjo to, a’dusiku andaa le opkosi yesu ni ndele. Andaa eri le’jo yesu a rug era pi andaa ta asi nosi andaa kumu kunde nyuma nyuma zi’ba yesu kedee na ra. ⁹ Erode luzi yesu ni le’jo karako si, ti yesu aka andaa ni nga zi alu saa kuru. ¹⁰ Amba ‘ba lazi azire Rubanga ni ri pi karania cara musa di ni leni’ba ri to edekii, esikikii yesu ni nga karako si. ¹¹ Erode ni andaa asekerea to lu’dakii yesu ni pi edekii andaa ni. ‘Di a vuga lusukii andaa ni bongu loso ri si kudikii zwee Pilatu di. ¹² Mgbesa o’du ilesi Erode pi Pilatu to ecorukii rozi, esu revuka aa a’ia lelega. ¹³ Pilatu lungwe amba ‘ba lazi azi’ba Rubanga ni ri pi amba ‘ba ni di du ri pi to ‘ba ni laki tuwadu kare aluga. ¹⁴ Pi ‘jo a’ini, “Anyezi madi mo’di ‘di kende mo’di ‘ba ni di sere nga injwi ri ni ederega rii, ti nde, ma’i maa ngasi, maluzi andaa ni anya andaga si, mesu nga zi injwi mo’di ‘di ni ruge kuru le’jo ovi anya andaa ni esikizo ri ni ga. ¹⁵ Nga zi iyo, kesu erode ‘i saa esu le’jo zi alu saa kuru, a’dusiku andaa ezwe andaa ni vule amadi, pi nde, nga zi atere da ni mo’di ‘di a edele na iyo. ¹⁶ ‘Disi mamu mamgba andaa ni pi mayu andaa ni ra” ¹⁷ Esu Pilatu ni kulee kayu mo’di alu yudei’ba ni ra o’du karama di si. ¹⁸ Ti ojwaki tuwadu kare aluga ku’jokii, “Akelegwe mo’di ‘di ra, ayu amani baraba’i!” ¹⁹ baraba ni esu a’ba mabusu ge andaa tika avoro du si pi’ba ‘dika to. ²⁰ Pilatu ‘jo a’ini idi, esu andaa le yesu ni ayule. ²¹ Ti ojwakii ku’jokii, “Epa andaa ni kuruce dige, epa andaa ni kuruce dige.” ²² Andaa ‘jo a’ini vu nazo ri si, “A’dusi, mo’di ‘di ede nga injwi ingo’i? mesa nga zi injwi da lizo andaa dige na kuru. ‘Disidu de amgba andaani ra, mayuo pi.” ²³ Ti enjarukii ojwaka to u’duku oru ri si, kulekii akepa andaa ni kuruce dige. U’duku a’idi epi Pilatu ni ndi. ²⁴ ‘Disi Pilatu a’i le’jo a’idi ra. ²⁵ Andaa ayu mo’di a’ia a’ile ‘bale mabusu ge avoro si’ba ‘dika to ile ra. Ti andaa ke yesu ni nga a’ia lele ri ni edezo laka. ²⁶ Lele a’ia andaa ni zire pi ri si, kokii ago zi runa simoni’i. andaa ni mo’di engare vu lungwele cirene gas i rii, esu kemu andaa nga leti si, kokii andaa ni pi’bakii kuruce yesu di andaa dige kungi, kuko yesu a vu. ²⁷ Laki ‘ba di karako, pi uku owu’ba andaa sir i to kokii andaa vu. ²⁸ Ti yesu lufuru a’idi ku’jo, “injonji yeruusaleme di, anyowa masi ku, rari anyowu anyisi pi anya ‘bonji to. ²⁹ A’dusiku nde, o’du kumu kemu vo ku’jokii laka, “A’i anda losoto ondo pi ‘a ti’ba kuru ripi, pi ba lundule kuru ripi.” ³⁰ Ongu vo ku’jokii ‘be ni, anyi’de amadige, pi ‘be ciri ciri ri ni, “anyaku ama cwi.” ³¹ A’dusiku de kedekii nga dipi kwe ebi ri a ruge, kumu kolu ingoni kwe a’ui ri a ruge?” ³² ‘Ba zi ri, a’i’ba nga injwi ri ni ede’ba rii, a’i saa azi a’ikare alu ga yesu to ‘dile. ³³ De kusakii kare lungwele “ban i di nikwa” ri ni ga, epakii yesu ni kuruce dige, ‘ba injwi ile to-mo’di alu andaa di anda ga lele pi aluzo ri andaa di legige lele. ³⁴ Yesu ku’jo, “Mata, ede a’ini kiza, a’dusiku nikii ku nga a’ia edele rii.” ‘Di a vuga ‘bekii coro, pi lapikii andaa bongu. ³⁵ ‘Ba ede kundeekii pi amba ‘ba di kulu’dakii andaa ni ku’jookii, “andaa lari ‘ba zi. Kalari andaa ni andaa nga si de andaa ni kristu ni Rubanga di ri’i na’i, mo’di Rubanga a ovile ri’i.” ³⁶ Asikeria saa edekii andaa ni, evokii ire andaa to, kekii andaa ni vino upka rii, ³⁷ Ku’jokii, “De nyi opi yudei’ba dii, lari nyi nyaa nga si.” ³⁸ Epakii nga cwile ri andaa dige lele oru ku’jo, “Di andaa ni opi yuderi’ba di’i.” ³⁹ Mo’di injwi alu epale kuruce dige ri ‘da andaa ni ku’jo, “nyi kristu’i ku? Lari nyi nyaangasi amato saa. ⁴⁰ Ti mo’di injwi luzo ri e’ja andaa ni ku’jo, “Nyori Rubanga ku, azi nyisa ali le’jo nyaa dige ra? ⁴¹ Ama ‘dia gbadu anda a’dusiku alukwe amani nga injwi ama edele risi. Ti mo’di ‘di le ede nga injwi kuru.” ⁴² ‘Di a vuga andaa ku’jo, “yesu, era ma de nyemu nyaa keri ni ga na’i.” ⁴³ Yesu aka andaa ni, “Gbadu ma’joo nyini, andu nyolu mato kare alu ga paradise aga.” ⁴⁴ Saa esu esa aziya, vu ini aku vu tuwadu sa ko saa dicalu ⁴⁵ Itu’ji vu kuru. ‘Di a vuga bongu lalale zo Rubanga di ni aga ri aga ri cwi pka. ⁴⁶ Yesu owu u’duku si ku’jo ’dini andaa ekoru ra, ⁴⁷ De asekeria ni amba kunde nga redere’di, andaa ke yayi Rubangani, ku’jo, “gbagbadu mo’di ‘di mo’di ri’i.” ⁴⁸ De ‘ba laki evo’ba nga dipi ni ndere ri kundekii nga rede’ba ‘dipi, ngwikii vule aga luudika to. ⁴⁹ Ti a’i tuwadu andaa ni ni’ba ra ri, pi uku andaa ni vu oko’ba enga’ba Galilaya gas i ripi, edekii baraga kundedkii nga redere ‘di pi. ⁵⁰ Nde, ago zi runa yozefu’i, andaa ni vurago. Andaa ni mo’di loso pi mo’di anda. ⁵¹ Ago’di esu a’i le’jo vuru a lile yesu a dige ri kuru pi nga a’ia edele yesu ni ri to. Andaa ni ’ba yudaya di lungwele Arimatea ri ni ga si, andaa ni kulute keri Rubanga di a emuka. ⁵² Ago’di mu Pilatu di, zi yesu a ru andaa di si. ⁵³ Andaa e’du yesu a ru kuruce ga si, libongu dabalani ingwe sure su ri si, kudi laa ’budi u’di gale oni agar i ni ga, esu adi ase mo’di zi gbu laka kuru. ⁵⁴ O’du ile esu o’du redezo rii, sabatu ire re’dore ga. ⁵⁵ Uku yesu a vu ni oko’ba enga’ba Galilaya ga si ri kokii yojefu pi a vu pi ndekii ‘budi yesu a ru ni ‘barega ile to. ⁵⁶ Ngwikii vule, edekii odu andaa run i efuzo. Lovukii o’du sabatu di si cara a’jojo ri ani.