¹ Esu karama mugati akukwe ako ri di esa ire, lungwele paska kusa lalika rii. ² ‘Ba amaba lazi azi’ba Rubanga ni ri karania cara musa di leni’ba ri to emukii ti ovi yesu ni ‘dizo ri a ruge, a’dusiku esu korikii’ba. ³ Sitani kwi yuda ni lungwele iskariota ri a sige, andaa ni mo’di alu maju mudi a limbi ri ni lelega. ⁴ Yuda mu’ba amba lazi azi’ba Rubanga ni ile pi di amba mundara ni di se’ba ri pi to pi erirukii a’ito ovi andaa kumu kukedu yesu ni a’idi ri a ruge. ⁵ Asinapi evo i’bwe pi olukii anjo to ongu a’ikii rubiya keka andaa ni ra. ⁶ Andaa saa a’ira pi e’do leti nduka ovidu andaa kukue yesu ni a’idi kesuo’ba ni laki iyo. ⁷ O’du mugati akukwe ako ri di esa, o’du bilo Paska di ni lizo rii. ⁸ ‘Disidu yesu zwe Petero pi yoani to, ‘jo a’ini, “anyivo anyede amani lonya paska di, dulu amanya.” ⁹ ‘Jokii andaa ni, “nyile amide ingua?” ¹⁰ Andaa aka a’ini, “anyeri, de anyitoru ‘boru ile’dia anyivo anyesu mo’di ago kungi lukudo iyi dii. Anyiko vu naka zo andaa kwire gar i ga. ¹¹ Anyi’jo mo’di amba zo iledi ni, ‘laponyi ku’jo, “kare omudi ingo, mamu manya paska laka maa majuto to rii?” ¹² Andaa kumu ke’dete anyini zo sile oru zo dige rii, ‘a na epka o’ba baba. Anyede lonya ‘di laka.” ¹³ ‘Disi du vokii esukii nga tuwadu andaa ‘jozo a’ini ri ani. Edekii onya paska di ile laka. ¹⁴ De saa onyudi esara andaa ri vuru onyaga andaa moju to. ¹⁵ Ongu andaa ‘jo a’i ni, “male opkosi paska ‘di ni nyale anyito adi mecandiru kuru du. ¹⁶ A’dusiku ma’joo anyini, “mamu manya onya ‘di idi ku kusa ko andaa ro’binga keri Rubanga di ni ga.” ¹⁷ ‘Di a vuga, yesu ‘du kubanya, de andaa kuke anjo ra, andaa ku’jo, “anyi’du ‘di, anyalami anya lelega. ¹⁸ A’dusiku ma’joo anyini, mamu mamvu vino’di idi ku kusa ko keri Rubanga di a emunga.” ¹⁹ ‘Di a vuga andaa ‘du mugati, de andaa kuke anjo, andaa ngu’ana, pi ke a’ini, ku’jo, “Di maa ru’i kele anyisi rii. Anyede ‘di anyira si ma du.” ²⁰ Andaa ‘du kubaya ovi alua ri ani onya vuga, ku’jo, “kubaya’di andaa ni lalu u’di rii maa eri ni ga, ocure anyisi rii. ²¹ Ti anyekukaru, mo’di mani esikire ri aa mato meja ga ‘dia. ²² A’dusiku ori mo’di ni kumu gbadu kende o’ba tina andaa ni ra ri ani. Ti icandi kolu mo’di andaa ni esikire ri ni!” ²³ E’dokii luruzika a’ia’ini a’di’i a’ia lelega mure nga ‘di ni edere rii. ²⁴ Ongu kipele e’doru a’ia lelega a’di ni amba ni a’ia lelega ruge. ²⁵ Andaa ku’jo a’ini, “opi juru di amba pi kuzwakii a’ia’ba mori si, ongu a’i'ba a’idi ni wa’da mori si alungwe a’i'ba loso ‘ba a’idi ni ripi’i. ²⁶ Ti kulee kolu ‘di ni ku anyito. Rari mo’di amba anya lelega ri kulee kolu’bura ani, pi kulee mo’di amba rule anya lelega ri kolu kende opigo anyidii ani. ²⁷ A’dusiku a’di ni amba ni, mo’di rire meja ga onyaga rii de mo’di onya lukere ‘bani rii? Mo’di rire meja ga onyaga rii ku? Ti nde, ma anya lelega kende mo’di onya lukere ri ani. ²⁸ Ti anyi’ba renja’ba olurega mato maa lo’bilo’bi aga si tuwadu rii. ²⁹ Make anyini keri, kende ma ata a keri kezo mani ri ani, ³⁰ Dudu anyinya aga pi anyimvu nga maa meja maa keri di ni ga, pi anyivo anyori komi keri di ni dige anyoli lejo suru mudi limbi ri Israeli di ni dige. ³¹ Simoni, simony, ekukaru, sitani a’i a’jo andaa le nyi’i, dudu andaa kulu’bi nyi anya lu’bizo ri ani. ³² Ti melegi nyisi ra, dudu nyaa a’i ke’de ku. De nyimu nyulufuru idi ra, emba nyaa adinji ni. ³³ Petero aka andaa ni, “opi, ma baba mure ga nyito mabusu ge ko da ga saa.” ³⁴ Yesu longwi laka, “ma’joo nyini Petero, a’u logo sa sira sore ga andu ku kesuo nyiga ma imgbe vu na nyi’joo nyini maku.” ³⁵ ‘Di a vuga yesu’jo a’ini, “anda mazwe anyi jujulani ako, kubegu onya di ako, deku mvuka, nga zi zwa anyi ra? “akaki, “iyo.” ³⁶ Ongu andaa’jo a’ini, “Ti diadu, mo’di jujulani to ri, kuzi to, ongu saa kubegu onya di to. Mo’di iligo belengu ako ri kulee kelezi andaa jelebiya pi kuge du iligo belengu cwi. ³⁷ A’dusiku ma’joo anyini, nga cwile maa ruge ri kulee ko’biru andaa kare ni ga, ‘Ala andaa ni ‘ba injwi ri to.’ ‘A’dusiku nga ‘jole ra maa ruge ri wo kumu redesi.’ ³⁸ ‘Jokii andaa ni, “opi, nde! Iligi belengu ri aa’dia.” Andaa aka a’ini, “ile ate ra.” ³⁹ Yesu mu, kende dosi andaa lawezo ri ani ‘be oliveti di ni ga, pi andaa maju kokii andaa vu to. ⁴⁰ De kusakii ra, andaa ‘jo a’ini, “Anyelegi dudu anyitoru lu’bilu’bi aga ku.” ⁴¹ Andaa mu andaga a’idi si lolu na kende mo’di a oni vizo ri nioi, pi andaa wo vuru elegi, ⁴² Ku’jo “mata, de nyile ra, ‘du kubaya’di pi madi si. Ti rari nga maa lele ma rii ku, ti lale nyidi kederu ni.” ⁴³ Anjeli enga ru’buge si lende andaa ni, opko kere ga andaa ni. ⁴⁴ Esu andaa asi kalajwa ambamba, andaa elegi opkosi, pi andaa ori emu kende eri ani kuti vuru anda nan i gasi. ⁴⁵ De andaa kunga oru elegi ga si, andaa emu andaa maju di pi esu kuko’dukii a’ia asi lajwa si, ⁴⁶ Pi andaa zi a’i, “anyiku’du o’dusi? Anyinga oru anyelegi, dudu anyidi kwi lo’bil’bi aga ku.” ⁴⁷ Lele adi andaa kolo’joru rii, nde, laki’ba si evo yuda pito, andaa ni mo’di alu maju mudi limbi ri ri a lelega, ese’ba ile adi ni. Andaa emu ire yesu to andaa elemvu ni njurega, ⁴⁸ Ti yesu ku’jo andaa ni, “yuda, nyesiki ori mo’di ni elemvu njuka si?” ⁴⁹ De a’i'ba yesu a bara ga ile kundekii nga redere ile, ku’jokii, “opi, amaga ai iligo belengu si?” ⁵⁰ Mo’di alu a’ia lelega sig a opigo amba’ba nga azi’ba Rubanga ni ri a bi di andaga ri tu iligo si. ⁵¹ Yesu ku’jo, “ile ate ra!” andaa lo opigo ile a bi pi lebi bina andaa kare ni ga. ⁵² Yesu ku’jo amba’ba nga azi’ba Rubanga ni ilepi ni, pi amba mudara zo Rubanga di ilepi ni amba zi’ba evo’ba a;ito, “anyervo kende mo’di ogu kore ani, iligo to bele to? ⁵³ Anda de ma anyito o’du tuwadu si zo Rubanga di ni aga, anyiko ma kuru. Ti diadu ‘di anya saa ‘i, pi mori vu ini di’i.” ⁵⁴ Kokii andaa ni, zikii pi amba ‘ba nga azi’ba Rubanga ni ri di zoga. Ti Petero ko andaa vu vulega. ⁵⁵ De kudukii asi foro aga pi orikii yure na ni ga, Petero ‘i saa emu ri a’ia lelega. ⁵⁶ Zangwa zi i’bu edere ile’dia nan de andaa ni ri’ba ile a lelega asi yure ga, nde andaa ni opko ku’jo, “Ego ‘di saa andaani mo’di ile to.” ⁵⁷ Ti Petero ga imgbe ku’jo, “izi di, mani andaa ni ku” ⁵⁸ Ga ‘dini mo’di zi nde andaa ni pi ku’jo, “nyi sa nyi a’ito.” Ti Petero ku’jo, “Ego’di, ma’iku.” ⁵⁹ Saa ni mi alu vuga, mo’di zi embaru ku’jo, “gba gbadu ego’di saa andaa to, asudiku andaa ni saa Galilaya go.” ⁶⁰ Ti Petero ku’jo, “Ego’di, mani ku nga nya ‘jole ile’i" mgbesa andaa loro’jore gas i ‘a’u logo so sira ra. ⁶¹ Opi lufuru nde Petero ni, pi Petero era le’jo opi di andaa ‘jole andaa ni, “A’u logo sa sira sorega ku du andu kesuo nyiga ma imgbe vu na.” ⁶² Petero fu laangwe pi owu opko si. ⁶³ ‘Di a vuga a’i'ba yesu ni bara lute’ba ile edekii andaa ni, pi mgbakii andaa ni. ⁶⁴ Akukii nga zi andaa dige cwi kudikii andaa ni luzi ku’jokii, “E’dete amani! A’di mgba nyi ni?” ⁶⁵ lu’jokii le’jo ziba karako yesu a ruge andaa ni lu’dazo. ⁶⁶ De vu kowi ra, amba’ba di emuru kare alu ga, amba’ba lazi azi’ba Rubanga ni ri pi a’i karania cara musa di ni leni’ba ri pito. Zikii andaa ni vura andaga ⁶⁷ Pi ku’jokii, ‘De nyi kristu ‘i, ‘jo amani.” Ti andaa’jo a’i ni, “De kesu ama’jo anyini saa, anya’i ku, ⁶⁸ Pi de amazi anyi saa anyivo anyaka maa tiku.” ⁶⁹ Ti e’doru andu, ori mo’di kumu kuri di anda mori Rubanga dini ga.” ⁷⁰ Ku'jokii,"nyi ori Rubanga ii ya?" Pi anda jo a'i ni "anyi jo ma a'anda ii. ⁷¹ Ku’jokii, “Amale sadeni zi a’duni? A’dusiku ameri amanga andaa ni gba ri a tige si.”