^{1 2 3 4} 1 A'dusiku cara ni eno nga loso mure emure andaga ri dii, andaa ni nga gba ile'i ku, ateku nga azile Rubanga ni saa tuwadu si kinya kinya ilesi 'ba nga ilepi ni azi'ba ripi ni edeka okole. 2 A'dusiku tebe'dii e'bekii nga ilepi ni azika kuru ? A'i evo'ba Rubanga ni rure ile, de kesu akelembe a'ira vu atizo risi, tebe 'dii lara zi enji di iyo a'idi. 3 Ti a'ia lazi ileni azirega kinya tuwadu si ri kera a'ini a'ia enji. 4 A'dusiku eri ti moni di pi indi di to ate enji 'dure ga pi ku. ^{5 6 7} 5 'Disidu de Kristo kemu vu dige , Andaa ku'jo, " Nyile nga azile ripi kuru, ti nyede mani ru ayo, 6 nga dule asi si ripi nga zipi azile enji si ripi to Nyaa asi i'bwe laka ku. 7 Pi ma'jo, " Nde, ma 'di - kende nga cwile maa ruge buku aga ri ani - memu ra nga nyaa lele ri ni ederega, A,Opi Rubanga." ^{8 9 10} 8 Atisi Andaa ku'jo, " Nga azile pi kele, nga azile adua asi si ripi nga azile enji si ri nyile kuru, pi nyaa asi i'bwe laka ku ( nga 'dipi azia cara a 'jozo ri ani ). 9Ongu Andaa ku'jo, " Nde, memu ra nga Nyaa lele ri ni ederega, A< Rubanga.". Andaa ku'du aluzo ri pi dudu Andaa ku'ba rizo rii. 10 Nga Andaa lele ilesi alembe ama ra Yesu Kristo a ru ni azika vu alu papala 'ba tuwadu si ri si, ^{11 12 13 14} 11 Pi mo'di nga azire Rubanga ni ri kede pasi o'du tuwa nga azile Rubanga ni ri ni azirega vu karako si, ti nga azile ile ate enji 'durega pi ku. 12 TI Mo'di 'dii, de Andaa kazi nga azile enji si ri vu alu papala ate ra 'bo'bo du rii, Andaa ri vuru di anda Rubanga di niga, 13 e'doru saa nasi Andaa kute Andaa avi'ba ni 'baka vuru Andaa paga. 14 A'dusiku lazi alu ri si Andaa atera 'bo'bodu 'ba tuwadu ri ni edeka anda, a'i ovile ra olurega 'ba andadu ripi 'i. ^{15 16} 15 Ti Endi Okole ri saa kungee amani; a'dusi de Andaa ku'jo atisi ra, 16 'di andaani ra'ika ma mule edele a'ito o'u 'dipi a vuga rii, Opi ku'jo: Mamu ma'ba Maa cara a'ia 'aga , pi mamu macwi a'i a'ia lara niga." ^{17 18} 17 ongu Andaa enjaru ku'jo, " A'ia enji pi a'ia i'bu cara nguzo ra ripi mamu mera idi ku." 18 Kare nga 'dipi ni e'berega ra ri ni ga nga zi idi azile enji e'bezo na iyo. ^{19 20 21 22} 19 'Disidu, maa adiinji, ama asidi ni okpo to rutorega Kare Okole ri niga eri Yesu di si, 20 leti lidi pi u'di Andaa edele amani rii, fure bongu 'ile ile ni agasi rii,, andaa ni Andaa ru 'i rii, 21 pi ama oluka Mo'di Amba 'ba nga azi'ba Rubanga ni ri ni di'i ri to si, 22 kulee ametoru ire asi gba risi pi igeni tuwadu a'i aga ri ni aga dudu akuluyi ama asi lara andi ri niga si ra pi ama ru saa akujwe ra iyi pelere ri si. ^{23 24 25} 23 Akukokii okpo sadeni ama geni di royoka ako, a'dusiku Mo'di nga 'di ni ecarare ri Andaa ni kegeniru wa. 24 Pi kulee akeraki amadi amamani dudu akenjaruki le aga pi i'bu loso ri ni edeka to, 25 ake'beki remuka kare aluga elegi ga ni ku, kende 'ba zipi a edezo ri ani, ti akelenirukii ama amani a'dusiku anya ndezo ri ani, o'du Opi a engwizo ri wo ititi. ^{26 27} 26 A'dusiku de amede enji akaka du ama nga gba ri ni nika vuga nga zi lesire azile Rubanga ni enji ile ni e'bezo na iyo, 27 ti rari ru a 'dika ori si le'jo lalika si rii, pi anga asi mure 'ba Rubanga ni ori'ba ku ri ni dure ri ni teka to. ^{28 29} 28 Mo'di Musa a cara ni di ature ra ri kuda kiza ako le'jo sadenia ri kusaa na di si. 29 Aniraa lamgba ni injwi na kumu kolu ingonipi 'bale mo'di eri Rubanga a Ngwa di ni ture vuru andaa paga pi lufu eri ra'izo anda ajwe andaa ni du pelere ri ecoru nga isa rii, pi lu'da Endi kiza di ri a ruge rii ? ^{30 31} 30 A'dusiku amani Andaa ni ra, 'jore, "Nga ni ti lokweka ni Madi'i, Malokwe nga ni ti Ma'i," Opi ku'jo. Pi ongu, "Opi kuli le'jo Andaa 'ba di ni." 31 'Deka Opi Rubanga ni lidi ri a diga andaa ni nga orile rii. ^{32 33 34} 32 Ti anyera o'du lagare pi vule ri, anda de anyini nga ra pa du, anyepi asi icandi karako aga, 33 ake anyini icandi pi ede anyi, te 'ba karako ri a andaga papala ku, rari anyemuru alu 'ba zi'ba icandi nde'ba anya ani ripito. 34 Anyecandiru mato kare aluga maa mabusi niga, pi anyazi anya limi asi i'bwe si masi, anyita asi anya limi loso lagare pi, pi olure tadu ru'buge ri a ruge ayo. ^{35 36 37} 35 'Disidu anyiwa anya igeni mure nga loso ri ni ezire anyini ri pi ku. 36 A'dusiku asi epika leru anyini ra, dudu de anyede nga Rubanga a lele ri ra, anyesu du nga ecarale ra ile. 37 A'dusiku lesi ga, pi Andaa ni mure emure ile kemu ra, ekalaru ku. ^{38 39} 38 Diadu a'i 'ba anda ri kuvo kadikii a'i si, ti de mo'di kungwi vule , mani asi olu i'bwe andaa ni ku." 39 Ti ama 'ba ngwi'ba vule legwerega rii ku, rari 'ba a'i'ba endi larizo ripi 'i.