¹ Paulo ni majugo - le 'ba di si ku kesu 'ba a ovile ni rii saa ku, ti le Yesu Kristo pi Rubanga Ata Yesu ni enjire pi da aga si ri di si - ² pi adiinji aa mato kare aluga ripito, macwi waraga 'di ekelezia mgbimgbi Galatia ga ri ni. ³ Kiza kolu nyini pi i'bwe to engare Rubanga ni ama Ata 'i ri di si pi Opi Yesu Kristo di si rii, ⁴ Andaa azi Andaa lidi ama enji si dudu Andaa kalari ama vu injwi 'di niga si, le ama Rubanga pi ama Ata di si, ⁵ Andaa ni kolu eku tadu tadu. ⁶ Ma'u cwi de ameri a'jo anyulufuru pi ezeze 'dini na'i Andaa ni anyini lungwere kiza Kristo di si ri di si. Ma'u cwi de anyulufuru ofu loso zi mgbi na di na'i, ⁷ ti gba rii ofu loso zina iyo, rari 'ba zi vo anyini ecandirega pi Ofu Loso Kristo di 'di ni ecorega letzi mgbi nasi. ⁸ Ti de ama'i, deku malaika engare ru'buge si na'i kunge anyini ofu loso zi mgbi ama ngele anyini ri to, kulee akalu ra. ⁹ Ama 'jozo ra atisi ri ani, diadu saa ma'joo idi, " De mo'di zi kunge anyini ofu loso zi mgbi anya esule ra ri to, kulee akalu mo'di ile ra." ¹⁰ 'Di ke'detee a'jo diadu male 'ba kecu ma'i ? Iyo, rari maa lele ri Rubanga kecu ma ni. Mandu anjo anjo keka 'bani ayo ya ? De adi mandu anjo keka 'bani ayo, ku'joru ma Kristo a opigo 'i ku. ¹¹ A'dusiku male anyini, maa adiinji, a'jo Ofu Lofo maa ngele anyini ri enga 'baga si ku. ¹² Mo'di zi ke mani ofu 'di ni ku, pi saa mo'di zi leni ma du ni ku. Rari mesu Yesu Kristo a re'deteka mani si. ¹³ Anyeri ra lidi madi a ovi anda maa oluzo dini Yudei 'ba di niga rii, esu mecandi ekelezia Rubanga di ambamba pi esu mo'bi enjile ra, ¹⁴ moko cara dini ama a'bi di ni vu tuwa pi 'ba dini Yudei di niga ripi ni lelega malaga ati ma'i. 'Di ovi maa asi tazo okposi ama a'bi a leti ni vu okorega rii. ¹⁵ Ti de Rubanga mani lupere mende a 'aga si, pi mani lungwere Andaa kiza si ri a'ira ¹⁶ dudu Andaa ke'dete Andaa Ngwa ni mani, e'bedu amange le'jo Andaa di 'ba juru ri ni lelega, malari lara esuka 'ba di si kurukuru du kuru. ¹⁷ Mamu saa Yerusaleme ga kuru 'ba alungwe a'i maju du mani ati ripi di. Rari mamu ati Arabia, pi 'di a vuga mangwi Damasiko. ¹⁸ Ongu kinya na a vuga mamu Yerusalemu ga Petero ni zirega, pi molu andaa to o'du mudilimbi tou. ¹⁹ Ti mande maju zi'ba ripi kuru, rari Yakobo ni Opi adozi 'i. ²⁰ Nga maa cwile anyini 'diniga, ma'joo anyini gbadu, ma'jo enjo ku., ²¹ 'Di a vuga mamu kare Siria pi di Kilikia to ri niga. ²² Esu adi ekelezia Yudaya ga Kristo ni aga ri nikii ma ku. ²³ Erikii eri papala a'jo, " Mo'di anda amani ecandire ri diadu ku'joo, a'i anda andaa lele enjile ra 'di andisi ofu loso rii". ²⁴ 'Disidu kekii eku Rubanga ni masi.