¹ Diadu maa adiinji, anyelegi amasi, dudu le'jo Opi di kenjaru pi akuke eku laka, kende anyidi ile'dia ri ani, ² pi dudu akalari ama 'ba anda ku pi injwi ri ni diga si, a'dusiku 'ba tuwa a'i to ku. ³ TI Opi ni egenile wa 'i,, Andaa kumu kuke anyini okpo pi kekuka anyi mo'di injwi ile di si ra. ⁴ Ama igeni to Opi ni aga anyisi, a'jo anyedee pi anyivo anyenjaru nga ama ecarale anyini ri ni ederega. ⁵ Opi keco anya as le Rubanga di ni ga pi le'jo mika Kristu di ni ga. ⁶ Diadu amecara anyi, ama adiinji, Opi amadi Yesu Kristu a rusi, kulee anye'be remuka adozi Kristu ni aga i'bu edeka lere ku ri to, pi olure ku ovi anya esule amadi si ri ni ga rii to. ⁷ A'dusiku anyi anyangasi anyini ra a'jo dubasi anyoko ama vu'i, a'dusiku amolu ovu ku anya lelega, ⁸ Amanya mo'di zi a linya isa kuru lokwekana ako, rari amede i'bu okposi ini pi itu , dudu amoludu teri du ku mo'dizi ni anya lelega. ⁹ Amede 'di ama mori ako si ku, ti amede 'di dudu ame'dete anyini, pi anyede du ama edezo riani. ¹⁰ Lele ama olure anyito ri , amecara anyini, "Mo'di i'bu edeka lere ku ri kulee kunya onya ku" ¹¹ A'dusiku ameria a'jo 'bazipi anya lelega ovu, lekii i'bu edeka ku, ongu kengalikii 'ba i'bu ede'ba ripi. ¹² 'Ba ovi ileani ri pi amecara a'i Opi Yesu Kristu a rusi, kulee kedekii i'bu luzuka ako pi kunyakii a'ia linya 'i. ¹³ Ti anyi 'i, maa adiinji, anyalande ku nga loso ri ni edeka si. ¹⁴ Pi de mo'dizi le ama le'jo waraga 'diniga ri ni erika ku, anyinde andaani losodu pi anyemuru andaa to ku, dudu dinja kuko andaani. ¹⁵ Ti anyinde andaani anya o'ja'baazi du ku, rari anye'ja andaani adozi ani. ¹⁶ Kulee Opi i'bwe di gbarii kuke anyini i'bwe saa tuwadusi leti tuwadu aga si. Opi kolu anyito tuwadu. ¹⁷ Ma Paulo ni macwi 'di maa disi, andaa ni alama waraga tuwadu maa cwile ri ni ga. ¹⁸ Kiza ama Opi Yesu Kristu di kolu anyito tuwadu. Amen.