¹ Diadu lejo nga takaa kristo'ba ni ri adile ga, kulea anyede maa etedekaa kristo'ba Galatia ga ri a edekaa ri ani. ² Odu atizoa itu'Rubanga cidu di si modi alu-alu kuba ngazi baraga, dudu de memu ni saa, ngazi tale kolu du iyo ³ Ongu de memu ra, nga anya ra'ireaga ra ri mazee Jerusaleme ga anya ru si. ⁴ Ki de kolu mamu wa, amavo a'ito alu du. ⁵ De mamu Macedonia ga ra, maki mengwi anyidi si adusiku malali Macedonia aga si lali. ⁶ Ki nosi memu molu anyito, kusaa meli Kesuma anyito, ayosi du antekonyi ma du wa maa aci ni ge, kare borodu mamu laka rini ga. ⁷ Adusiku esu male amande anyi leti digesi ku. Ki esu male moolu anyito de Opi a'i ra na'i. ⁸ Ki adi male amolu Efeso ga bi odu Pentecost di si, ⁹ Adusiya koti ekpamgbara ri awiru mani ra, ki ongu ojabaazi laka yayadu. ¹⁰ Diadu de Timateo emura, anyinde kole anyito ori ako adusiya; andaaisaa kede ibu Opi di i, maisaa maa edezo ri di ani. ¹¹ Kulee modizi alusaa kede andaa andaani ku. Anyekonyi andaani ada aciga ibwesi, dudu andaa kemu du madi wa. Adusiku mate andaani adiinjii to. ¹² Diaa Apolo ni ama adozii adilega, ma'i andaani emureega anyidi adiinjii to, ki andaa ni baba ku emuregaa i, ki kumu kemu ra de saa kesuru ra nai. ¹³ Anyawi mi, anyelenju anya a'i ni ga ndi, anyolu 'ba ani, anyolu okpo. ¹⁴ Nga anya edele ri kederu le si. ¹⁵ Anyini 'ba Stepana di koti ge ri ra, a'i ori atizoa Achaia di ri i, kekii aia ru 'ba Kristo di ni ekonyizo okposi. ¹⁶ Kulea anyike laru 'ba ovi diani ri pi ni, ongu modi alu-alu ibu edere ri pi ibu'ba to ri ni. ¹⁷ Maa asi ibwe Stepana pi ni Fotunatu to ongu Achaicus ni laka, aia evokaa si. Ezi kii nga anyidi iyo ri to. ¹⁸ Adusiku emba kii maa endi ra ongu emba kii anyidi rii saa to. Disidu kulea anyera 'ba diani ri pi. ¹⁹ Ekelezia Asia aga ripi ezikii anyi laka. Aquila pi Priscilla to ezikii anyi laka Opi ni aga, ekelezia a'idi boru ri pi to. ²⁰ Adiinzi dia ri pi zi kii anyi laka. Anyiziru lazi le di si. ²¹ Ma paulo ni gbari si macwi lazi dii maa di si. ²² De modi le Opi Yesu Kristo ni ku, lalu kolu andaa ni aa. (Maranatha.) Opi emu! ²³ Gracia ama Opi Yesu Kristo di kolu anyito. ²⁴ Le madi kolu anyi to maa'le kolu anyi to borodu Kristo Yesu ni aga. Amen