¹ Ini rutha rufuzo yesu khristho rina oloro orri okwe lago ni anyi beya kenna awery oppee ni nga oloro andu konga ri onga chong ini ilia eleni. Lago okwe onne nga napa awery anjilu awena nane neab’b’u ‘se awery opeogo iwana ra. ² Iwana kiru oryi orri ri ari anyo wo azze kiru aryi napa deya koryi yesu khristho ne anyo wo, nga andda awery onddeh kanaka kaki ‘se leebithi. ³ Mod’i oloro olwa kalulutho thomia rina eleni oli orou lonya ro wo, b’anny od’ub’ba keari ri arari thomia napa eleni rina ne earika eleki pi ro angwi od’ub’a kiruruka ri nga iwro kana aka r inane ne irurukaka eleki pi ro, ko’bwo lao napa eleh ethethe wo. Renna. ⁴ Iwana, kachi twodieryka (7) kaki ni asia niah: oggo quii kolow ammi ni anyo wo motho ro awe olow ri eleni lele’se, awe andda olow r inane azze awe oloro andu keakeaki nane, angwi oyuru twodieryka eleka ra lele’se od’ub’a lago ri kite ri andandaka eleki, ⁵ Angwi yesu khristho ra lele ‘se, oloro karyi regeny ‘se, othee athii odda, angwi ajju ri oppi bourikaki ri ossi. Awe oloro kiyie ri aah ne azze kotwe aah ne kale rossosu ri lele ‘se awery earyi sena eleni ni. ⁶ Lago kiru ob’a aah apopia, kawila rib’a awery orii rina atheh ro kiru akku pi ambamba ro kolow lago ni wo nyongo azze nyonyo. Amen. ⁷ Inddeh b’a, lago keaki lofu ‘se, kiru mii kappa leebithi eleh andu konddeh lago ne anyo wo, api kappa od’ub’a lago nossob’a eleki pi ro. Kiru kaka bou rika eleki leebithi eleh andu kochu kaku ne wo ko’bwo lago. Eyo, amen. ⁸ Mid’ala ma angwi koko ma ra (ma alpha angwi ma omega) “eleni orri rimba natha ko’jo ne,” awe olow ri eleni, azze awe oloro andda olow oho nane, azze awe oloro andu keakeaki eleni, kotow ri nga ne leebithi (rotow natha leebithi)” ⁹ Ma, iwana – ammi ri adinga oloro ingara amud’we kappa ammi ro opopi ro aside neabeh ro chandi oloro yesu ra nane ‘se pipi andda ungwe kana patmos nan era ko’bwo orri ri ari ‘se angwi moryi yesu ne. ¹⁰ Ma andda aka oyuru niah inee andda rimba natha rina nane ra. Kiru ma meari oli no ouh ma ri ad’o na’se ea’su agura nini. ¹¹ Kiru oli napa ko’jo oddo, “iwro nga me ri onddeh kana eleni booku niah (kawro niah), azze nozwe oli napa ne kachi two dieryka kaki ra-epheso ni, smirna ni, pargamu ni, thiatira ni, sardisa ni, paladalpia ni, laokea ro.” ¹² kiru mufuri ma ri agaa ‘se ilia anyi beya anddeh ad’i ri oli kong’a ari ne ma ni da, kiru ku’se mufuri ‘bwo azze ma monddeh ogi ri oleng’o ne twodiery kededeh. ¹³ Kiru oleng’o kappa edeb’a kaki ri agaga niah na mod’i aka alobe kede ea’su mod’i agona ri ngwago nini, atho ri mulu meke nazo ‘se kiru meke napa ossa to bouwa tokojo lago ri pa azze agi ri ingweh lago ri agadi. ¹⁴ Lago ri diib’i kede angwecholokaru easu waratha niki-kede angwecholokru eas lofu niki-azze lago ri mii koly bylybyly easu assi niki. ¹⁵ Lago ri pa kede eas goji ri athooh ri anyukwe ri rebeleh nini, azze lago ri oli kow ‘jele’jele easu iyi nab’i niki. ¹⁶ Kiru ab’ib’i twodiery lago ri de nintha, azze kiru balomeh oloro regoka kapile ree assikaru keaqui angweh lago ri thye lele ‘se wo. Kiru lago ri anda koly kithakitha kede easu theakeli nini ambamba awena ra. ¹⁷ Ku’se ma anddeh lago ‘bwo, azze ma mod’eh lago ri pa wo ease mod’i odda ri nini. Azze lago kob’a awery de nintha ne ma ri diio azze ko’jo oddo, “Nodo nga norowku. Ma athii angwi ma bule, ¹⁸ Angwi madady. Ma andda adda oho, azze meanji anddeh, kiru ma mady nyonyo wo! Angwi kiru odda ri leathy nupeezo iki ma ra wo leathy lidy rika ro. ¹⁹ Kiru ilia wo iwro nga me ri onddeh kanaka eleki bouwa, nga eleninika eleki, nga od’ub’a eleh andu kowe ri owe eleki ri bubuwa kaki ro. ²⁰ Easu ab’ib’i twodieryka me ri onddeh kana ma ri de nintha ri eleki ri d’uki ambwe kana nane nini, ogi ri oleng’o twodieryka edehb’a kaki ro: ab’ib’I twodieryka kaki anjiluji kachi twodieryka kaki rika, azze kiru oleng’o twodiery edehb’a kaki kachi twodiery”.