¹ Leti ini si, ami iku nokwe amiri ayuni. We ini ju le agu alkwa bilenyu e’yo, lu’ba kondu o’zwazwa ari akosi, apiri ikuri aluri ovwisi. ² Apini kolu onde amiri oluri turtur aruro. ³ Ke ondu onga esu nga od’u’ba angwerika nikiku isu di’bi o’dwe kana nini, dari ariri nini angwi bango ri kworiru. ⁴ Esu, kwe onga mo’di riasidi niarina nini, azi angwe paganu oluni nyanyo azi oyuru tiru, oluru indana twe oriri anda. ⁵ Di lenisi iku andari o’du’ba kigonoru orini apiri, apiri akwesi apiri ayuni. ⁶ Di lenisi sara okwe aru aburamuni azi kungweru lagu laguni laziri athama. Ami lelenini lazi ri erebi iya ami inga ninda azi iya adi ami iru candire ku ⁷ Leti na’dige lenisi, ami. Asusi nololu amiri ikuro isu amiri zonini, asu berengo na mu ‘dwe nini Mo’dizi. Mi no kwe lu’bani aru esu adwima nazi kwi oluri wele ani miri romi kundu rambweko ⁸ Asile wo, ami li olu olunalubesi iyeru esu adininig isidini irisi asi runi ngwi. ⁹ No ndu injwini ingwi injwisiko kude ana ning kude ana ningwiwiru anasi esu, turu rilonyiro, kobgo lesi mi ungwe ungwe, na mi nongwi lonyi nangwini. ¹⁰ Oluru kondu oki ni oluniyeni api ini nindaro kwe ki de awiri leda injwi lelesi api awiri tiro ekabakuro ni (lenjoles) o’yo lelesi. ¹¹ Kwe lagu kondu (e’dwe) api o’baro diyo. ¹² Atha ri mi konde eteteni, api awiri reri bisili api Atha ri mi konde eteteni, api awiri reri bisili apiri remiro. Ilyiwo atha ri anda ole o’du nijwori remiro. Ilyiwo atha ri anda ole o’du nijwi noweru leki ku. ¹³ A’di alube ani oluru kingowuru mini iya mi nganinda ni ongana? ¹⁴ Ti iya mi nebi ana u kobgo mbgobgo, ilonyi mi u. nondu nga apiri orukana ni oru ku. Nondu chandirye ku. ¹⁵ Sona, no’ba atha e kristo ni amiri asidiyo kolu indaru. Alu inili atero azi ni ningwi mo’di oluru ozimi u a’du mi neberu miri runi orira. Nga leki arusi api aduru. ¹⁶ Olu mdasi ani ‘bani o’du’ba kunaru miri oluninda Kristora lenini, kolu dinjaro kobgo lu’ba konga miri vuwa mido mi injwi ni ngaru. ¹⁷ Konderu osuru iya oriri o’diya, minicandiru nganinda nga injwi nongalelesi. ¹⁸ Kristo angwi candi injini mo’di oluru osuru kacandi ani, o’du’ba candi ako, ani kezi a orira. Lagu o’ba oda runia, ti lagu owe lindi oyurusi. ¹⁹ Oyuri si, lagu oki azi koviro oyuruni o’du’ba ilele ropiku nia. ²⁰ Lu’ba bilenyou iya oriri rebi kate ini nowari kara, ini anda awiri kibo ni odwe ni ra, azi ori kilwokoru ‘bani ga aro itilindini iyiri disi. Ini re uwe batisimuri oluru kilwokoru amini lenini alu si andi ni, ²¹ Ujwesonini ru lelesi, ti runi okwe orini indaru Yesu Kristo athari ri enjilelesi ²² Kristo athari dini nda. Oki oru angeloli. Opopi. Azi ambari’ba ko zwe laguni.