¹ Ilia wo kiru ibata injwinjwi kapa eleki leebithi bidio, kalolokaro leebithi, murunthu ro, athyi ro, kalongkalong leebithi. ² Easu ngwa nonwe othee kana ninilufunogo eyabo lufuno zinga(toto), olowta oyuru naggwy ri illeah se anyo wo, anyi beya oggo ammi imba awe se karuruka niah anyo wo, ³ Eya ammi nidehd enya oho deya rimba natha inthana. ⁴ Eavvota lago oloro ony lidy rina nane ra anyo oloro andda banny oga eambe nane, ama achobo orri eapeh ne anyi kede easu awery loboro nini wo. ⁵ Achobo angwi ammi nede easu ony kapa olowba eleki niki oduba odwe anyi kolow oyuru ri joruka eleki anyi beya kolow kawila riba agagwyba eleki ni anyo wo anyi keaw ayuru ri arow kapa orri ri akkah kana yesu khristho seka eleki aka anyo wo. ⁶ Eleni nee booku niah na oddo:”Inddehba, achobo ma ala rego ri ony napa ziona niah wo, eapehpeh angwi loboro ro. Kiru oloro eawo lago ra oho na acho eleh andu dinja oruu quwo. ⁷ Kiru iwah ri anyo wo kobwo ammi oduba eawoba eleki ni. “Kiru ony napa oloro andda ribe’etha(Od’we) riba kapa oga eambe nane, eaki olow rego nidi anyo," ⁸ Azze kiru,”Ony napa ruw kochu ake ne d’ise wo angwi lopa napa kokwe loba kod’ad’eh” kiru loba ri ruw kochu ake ne kololia wo kobwo loba oga ari napa eambe- oloro andda oba loba anyi sona kowe nga napa. ⁹ Ama ammi rikaki banny oduba eapehpeh, opopi kawila rina ra, nyigo aggwy natha nane ro, banny oduba koruu orri ri ofo ne, anyi beya andu ammi nilolongo mod’i oloro ungwe ammi andda kale ofo ne namumu niah lele se offo awena ovwe ri nane ra eabu ruw ri ake nuchuchuzo kaki se. ¹⁰ Achobo andda daly alobe ammi banny ku, ama elenini wo ammi orri ri banny wo. Andda ammi adi na iy adutaku, ama elenini wo ammi na iy kale bwo. ¹¹ Ammi Iyie kanaka eleki, ma mungwe ri ammi mawaway angwi angwe ri banny anyi beya nodo ovvo odia ruw rika eleki ra quwo, oduba kongi leasi ammi ri itindi raka eleki. ¹² Ammi olowta olow nintha se nyigoo eleki ri agaga niah, anyi beya, eya loba konga ammi ne oddo nuwe ri nga ninjwi, kiru azze loba konddeh ammi ri eabu nintha kapa eleki newo azze kiru kifufura ri ne wo inee awery eakizo nane ra. ¹³ Akkah ta banny ri kakoko leebithi rimba natha ri kiw se. Akkah ta oppi leebithi easu oppi ri agwi nini, ¹⁴ Angwi e iy nathaa ro, oduba eabu anyi kiringa banny injwika eleki azze kifufura ri oduba kowe eabu nintha nika eleki ne anyo. ¹⁵ Kobwo elenini orri ri yeye, oddo eya nowe intha ne anyo acho kiru kuse nebu mbimbi ri banny kapa ri wod’is onga kanaka eleki kale bwo. ¹⁶ Banny oduba kalaka eleki, nodo ammi ri thokala napa numo easu injwi napa numozo niniku, ama olowta easu orri ri oppee niki, ¹⁷ Iwah ta banny leebithi iwah. Iyieta adadi anyo. Irowta orri orow iwah ta ajju ri oppi iwah. ¹⁸ Ammi oppee, akkahta ammi ri rinne riba kapa eleki arow se leebithi. Nodo banny inthaka eleki nakkah anyo d’uleku api rinne riba asidi ead’etoka eleki ro, ama angwi akkahta mburumburu riba eleki pi ro wo. ¹⁹ Kobwo eleni awe quii ne eya mod’i oloro keabi ri azza ne lao rimud’wezo dii ako d’ini nane ra kobwo lago konddeh orri tho. ²⁰ Ya kiru lob’orona kejo ingoto koy da akana eya ammi nossu oho azze kiru noryi reabio lao ringong’ozo nane rana? Ama eya ammi ewe intha anyo azze kiru ammi namud’we lao ring’ong’ozo nane ra eleni kiru quii orri ra lele se wo ²¹ Kobwo awe ini se kiru ungwe ammi dise anyo wo, kobwo khristho angwi ge amud’we ammi yo do. Kiru lago oyee auw ammi ni anyo beya irwi awery pa nibu kapa anyo. ²² “Lago kiru adi ossurossuku towe quwak, angwi lodo alla oggo adi eassu lago ri thyoku towe quwak.” ²³ Kuse unna lago bwo, kiru lago adi ingwi anna kapa nonna bule quwo. Kuse lago amudwe bwo, kiru adi algo ennaku, ama kombo azze algo kokwe awery ruw ne anyo wo mod’i oloro kulii ri lokiko ne thoki nane ni. ²⁴ Kiru lago oguu aary rossosu kapa awery ruw se kwy ri ruw, anyi beya aary ruw ri ofo alla aggo kodo rossu quwo towe quwak, angwi anyi beya andu aah akolow thokithokio anyo wo. Kiru ammi nead’we kale bwo bei aweka kaki se. ²⁵ Achobo andda ammi nole ri kale easu billu nini oloro eagegwe, ama elenini wo acho kiru ammi neangwi billulego napara bwo angwi kotheh ammi ri itini kapa eleki ne wo.