1
Niya, obe itai ewuon he hilieti, iyye tuŋani, iyye le iŋoto, inne iŋotok iyye to lobo eŋotok iyye ta wan hoi.
2
Ati eyyen iyyohoi iŋotit no Hollum ara dede la ahuyik to liyya ille ehuma hirro innia.
3
Ati itiyyen inna, iyye tuŋani, itai ille eŋoto hiyyo ille ehuma hirro hunna, ejio itai hidofe egiama hirro inia daŋ. Heruat iso itai tara ŋoto no Hollum?
4
Kuyya hidofe egigigilo itai te ibariti inno libe nohonyie, ŋoto nohonyie ne elliŋa, iko dihan nohonyie? Obe itai eyyen hijo anyar eyari libe nohonyie itai to yite?
5
Ati ara man to golon no hoi iko to golon na taji hoi iko to biaŋan nohoi yite tara hiyyata atta iyye yita to wan hoi jore ta far no jore, ta far no etiliek libe no ŋoto no Hollum.
6
Odumak iso inyia hiyyo daŋ to higiemita innohosie:
7
Te ilia lara to huruk no hosie, okwat igem no lo libo to mojo, baŋi, ojo hitirwo manya no lobe hisidi.
8
Ati te ilia osiaha wati, illo obe abaŋ hirro huna lara dede ati atta baŋi hipalita, ottu iso jore iko ŋalafa nettok,
9
ojo baŋi ho hilafuho, to loholio no hiyyo bidaŋ ille eyiyana johin, to Yudea ahosiere, ojo hidofe to Grik.
10
Ati hitihabuo, baŋi, ojo himwara iso atta ha woŋ to hiyyo bidaŋ illo ille ehuma, to Yudea ahosiere ojo hidofe to Grik.
11
obe nobo higigiala tara ho Hollum. To hiyyo ilia arriai owuon ho hiyyata obe lowuon ho hifahita onuhari iso obe hifahita,
12
ojo iyya ariai illo lowuon ho hiyyata to baŋi no hifahita oŋot iso hiyyo te hifahita.
13
Obe lara haitirak ho hifahita lara habisak do hosiere ho Hollum, ati ara he giemak ho hifahita iso le tibisak hifahita.
14
Ifa lojio Jentails illo lobe lowuon ho hifahita, egiem hirro inno hifahita te iwahit hosie, te biaŋan no hosie lowuon ho hifahit ara hifahita to wati illohosie.
15
To nia etuhutek isia hijio higiemita inno lawak hifahita egioro ta tajia hosie, to nia etuhutek tajia inno hosie ho higigilita hijio orru higiemita ino hosie kuya hidofe elibo.
16
Ta far nyia iso le eŋot Hollum imoŋiti inno hiyyo bidaŋ, iyya ojio sayye, to Yesu Kristo.
17
17Ati le ejio iyye hijo ara iyye lo Judei atta iyye yiri to hifahita ehio hidofe etidara to Hollum,
18
atta iyye hiyyen wahan nohonyie man eruk hidofe hirro inno olibo nyo etiyenu ifa iyye tara hifahita;
19
ojo le eruk iyye ta wan nohoi hijo ara iyye hetidihoni lo oŋodo, ejio hidofe era cialai te ilia illo owuon te idumele, hetuhutani
20
lo bolitok, ahetiyanani lo durre hullo hittiŋi, ejio hidofe ewuon to hifahi ofioroho iko bisan, horemik iso nia hiloit hikoi ne emanyari iyye manya nohoi?
21
Letiyana hidofe iyye illak, hibe iyye itiyana wan nohoi? Iyye le etiyana hijio baŋa he hahala, he hahala iyye?
22
Iyye le ejio baŋa hesom, hibe iyye isom? Iyye le ibe ewak rijiorihien inno jiohin, heremik iyye hahala omojori?
23
Iyye illeŋ le etihabwo hitidara to hifahita, himiana iyye Hollum to hitibisa no hifahita?
24
Nyo ''omiana hiyyo ille obe ara Yudea fure no Hollum to itai,'' Iyya nafa egiorohini.
25
Osiru gotoi dede lebaŋ iyye hifahita, ati lera iyye hetiharak ho hifahita, atta gote nyia halara gote dede.
26
Hidofe, le efiyak tuŋani le ebuha ho gote iwahiti inno hifahita, hobe iso hibuha no gote oremik hira iyya gote?
27
Hobe lobo lobotie lia arasa hibuha ho gote, letufut inijia hifahita, hiŋot iyye, ŋai le to Bibia ojio to gotoi lara hetirwoni ho hifahita?
28
Nyo lobe inijia ara lo Yudea lia ara lobo asai tabali; ŋara hidofe gotoi nyi ara asai to wan honyie.
29
Atti ara inyiaa lo Yudea lia lobotie to hotwai, ojio gotoi nyia ara na taji, to Loyiri, obe ara to waraga. Mojo no tuŋani iyya lia obe ottu tara ho hiyyo otu tara ho Hollum.