¹ Eliotok nayya ta hatai Fobe inasi hohoi, na ara hegiamani te ikelesia hohoi to Censiria, ² anyar mahai efwotu itai inyia ta Habu. Igiama na anyar hetisiru hira nahatai heruhok, ejio hidofe ewueta he inyia to hirro bi daŋ inna awak inyia luaha tara hatai. Ara hidofe inyia ta wan nohonyie haluahani no hiyyo arria, ojio hidofe eluak nayya binno. ³ Itifonyak Prisila iko Akuila, hiyyo hegiamak innafa egiama iko nayya to Yesu Kristo, ⁴ Innafa esio manya nohosie ta nayya. Esio nayya humo to hosie, obe hidofe ara nayya hame, ati efonya ikelesiaha inno Jentail bi daŋ. ⁵ Itifonyak ikelesia inia lowuon ta haji hose. Itifonyak Epaeneto ille amuno nayya, lafa ara haŋeri hitieri to Asia to Kristo. ⁶ Itifonyak Maria, nafa egiama binno te itai. ⁷ Itifonyak Androniko iko Junia, hullo ara ilasira hanaŋ, ojo hidofe hiyyo ilia ara babusi, hullo ara illo hittaha to hiji helefahat, illafa owuon beren to Kristo holobe nayya. ⁸ Itifonyak Ampliato, ille ara heruhoni ta Habu. ⁹ Itifonyak Urbano, hiyyo illohoi hullo egiama to Kristo, ojo Stacy, inna amuno nayya. ¹⁰ Itifonyak Apelle, ile ara heruhoni to Kristo. Itifonyak ilia hullo ara hamanyak ta haji no Aristobulo. ¹¹ Itifonyak Herodiom, ille ara onyiharai lohoi, Itifonyak ilia illo owuon ta haji no Narckisio, hullo owuon ta Habu. Itifonyak Trifena ojo ¹² Trifesa, inne egiama no ta Habu, Itifonyak Persis ille amuno nayya, ille egiama binno ta habu. ¹³ Itifonyak Rufo, ille onyimu Habu, iko hotonye honyie ojo hotonyie hanaŋ. ¹⁴ Itifonyak AsinKrito, Flegon, Hermas, ojo ilasi ille owuon iko isia. ¹⁵ itifonyak Philologus iko Julia,Nereus ojo inasi honyi, ojo Olympas, iko ilia hulo obolo tomojo ilafa owon iko isia. ¹⁶ Itifonyak watie inahatai dang tonyaru nomune. Iko Ekelesiat ino Kristo itifonyak iyi. ¹⁷ Iyyania awak nayya hiro ta hatai, ilasira, ille egigiala ejio hidofe ilia hullo eyyani bwanya. Ellaŋ isia hitiyenita innafa etiru itai. Baŋa etira te isia. ¹⁸ To hiyyo hullo obe egiama iko Habu Kristo, ati hosehen innohosie hame, nyo to hinyiebita inno hirori innohsie enyieb isia hiyyo hullo anyalam tajia innohosie. ¹⁹ Anyar eyyen itai baŋi ne eba to hiyyo bi daŋ. Amuno nayya, te itai, ati awak nayya hijo anyar elofere itai to hirro inno olibo, ejio hidofe ebo hirro inne ebwot. ²⁰ Etihar iso Hollum lo himwara kwak Sitan to hejek innahatai. Isiara hamehini na Habu lohoi Yesu Kristo hotowuana daŋ ta hatai. ²¹ Efonya Timeteo, hegiamani lalaŋ itai, ojo Lucio, Jasone iko Sosipita, hiyyo illo woyyo nohoi. ²² Efonya nayya, Tertio, ille egiorok waraga inna. ²³ Efonya Gaiyo, hattoŋitani hanaŋ ojo hidofe ikelesia itai. Efonya Erasto, hattunani lo doŋe inna itai iko Kwarto ilasi honyie. ²⁴ Isiara hamehini na Habu lohoi Yesu Kristo he itai daŋ. ²⁵ Iyyania isiara lohuo hatara nohonyie, tuŋani lo oremik etiwetak iyye iyya to sayye nanaŋ iko to hitiyana no Yesu Kristo, iyya oliew hirro innafa eŋofohini man beren, ²⁶ ati aliew isia, to hikila no higierita, aliew to hiyyo bi daŋ, iyya to hiro no Hollum lo odule tulaŋ, to baŋi no huruk. ²⁷ Isiara kwatan hotodule to Hollum ille agalik to hilofere, iko to Yesu Kristo, tulaŋ. Amen.