¹ Halasira, illa amuno nayya egonyu to mune ojo to hiticofo na tamu hanaŋ, motiarak, ituwuetai nalanyar ta Habu to hikoi nia. ² Adule naŋ hiro te Euodia ojo Sintike hotowuana iko higigilo nobotie. ³ Dede efia hidofe naŋ itai motirarak hanaŋ: Itulwak ŋorwo inia. Etisarra isia daŋ ikanaŋ sayye inno Hollum ho Kelement ojo hegiamak illak, illo owuon fureta innohosie to buk no wuaran. ⁴ Itidule mune ta Habu holoŋitek daŋ. Enyiak ofe naŋ hijo, itimune . ⁵ Isiara nyalami nohoi daŋ hotolew to hiyyo. Eliaha iso Habu. ⁶ Ibaŋa elafuho innak hirro. Ati isiara hirro innahatai daŋ ahosiere to mojo ojo hisiara humo, isiara hirro inne ewak iye hotoliew to Hollum. ⁷ Eriria iso himwara no Hollum na agalik ofioroho tatajia innahatai iko higigilita to Kristo Yesu. ⁸ Hucuŋi nohonyie halasira, nowuon innak hirro inno obis, inno olibo, lowuon innak hirro inno anyar, lowuon nobo hirro no obis, ojo lowon nobo sihin ne eremik mune, igigile to hirro inia. ⁹ Hirro inne etiyenu itai ho hirro inne efwotu itai ho hirro inne etiru itai, eijo hidofe itai egonyu tara naŋ. Igiamai hirro hunna, owuon iso Hollum lo himwara he itai. ¹⁰ Amuno naŋ binno ta Habu hijo enyiak itai hitiŋejuk mune nahatai ta hanaŋ. Dede egigilo ifa itai ta nayya hafa beren, ati obe ifa mai ta hatai haluahari. ¹¹ Obe lojo hijo mahu awak nayya innamuk hirro lero naŋ ania. Etiyenu naŋ dihan no biaŋan no hirro. ¹² Ayyen naŋ hilociaŋ, ayyen hidofe naŋ lowuon hirro. To hirro inno obe, ayyen naŋ hiram no hiŋa ojo lowuon hirro, ¹³ Ati aremik naŋ higem hirro dayya te inyia to hitigolo nohonyie nayya. ¹⁴ Ati, egiem itai no olibo to huluak ta nahatai nayya to hirro inno ogolik ta hanaŋ. ¹⁵ Eyyen itai hiyyo illo Filipi, hijo man to hitieri no sayye ta nafa eno naŋ ade tara Masedonia, obe ifa nobo kelesia oluaha nayya to hisiara arobiya, aracie itai hamai. ¹⁶ Ta nafa awuanari naŋ to Tessalonika, efahu ifa itai iluahiti hinyiahita arriai. ¹⁷ Abe naŋ asiaha hisiorita innahatai. Ati, asiaha naŋ haŋer inno oremik afonihini ta hatai. ¹⁸ Amoju nayya hirro daŋ arria. Afoŋi naŋ. aŋamoju naŋ tara Epafrodito hirro innahatai. Ara isia hisiorita inno oŋuo girgir inne etumuno Hollum. ¹⁹ Etufut iso Hollum lalaŋ hirro inne ewak itai iyya to wahan to nohonyie te ido to Kristo Yesu. ²⁰ Iyyania isiara lohuo heno to Hollum ojo Monye hohoi man mak ojo mak. Amen. ²¹ Ifonyak heruhok daŋ to Kristo Yesu. Efonya halasira hullo owuon hanaŋ itai binno. ²² Efonya heruhok hunna teni itai, agalik inia inno owuon ta haji ho Kesari. ²³ Isiara hamehini na Habu Yesu Kristo hotowuana ho oyirihien innahatai.