¹ Ta ŋasi tomon ho miet to hilohittok no Tiberio Kesari, ojio Pontio Pilato ara mamur lo Yudea, ara ifa Erode lo Galilea, hilasi honyie Pilato ara ettok ta ŋati ne ituria ho Trakonitis ojo Lasiana ara ettok la Agilene, ² Ta ŋasi inne ettok lo Fadirihien Anania Kaipas, ottu Hiram no Hollum do Yoani, lonyi Zakaria, ta waha. ⁴ Iyya egioro to Buk ne Isaya hekilani. "Ellilloŋo lobo tuŋani ta waha ihuma ikoi na Habu, 'Ihuma ikoi no honyie no lobis. ⁵ Hetinuhak doŋiok daŋ iko mworari anyar etirri, inno logulo hetibisak, iko hikota inno orru hatara atuluba. ⁶ Owolo iso hiyyo daŋ etilohini no Hollum’’ ⁷ Atta Yoani hijo te iluluŋ no hiyyo illafa afanu dia hijo anyar ebatis Yoani isia. ’’Itai durre illo hiyyeri no munok! ŋai asar itai hijo anyar erwatik itai hijoria no ottu? ⁸ Iŋarak haŋer no osiru iko hibo no hiyyata ibaŋa ojio to wati innahatai hijo, ’Era iyyohoi monye durre illa Abramo,’ Elimak naŋ ta hatai hijo oremik Hollum hitidiet durre ille Abramo tara moru hunna. ⁹ Owuana tolu aŋati ta hade inno yani. Yani no lobe eŋarak haŋer inno olibo oŋutohini iso ta fau atta ebirohini to hima.’’ ¹⁰ Atta hiyyo illafa lowuon he iluluŋ hifia inyia hijo,’’Hollum hegiem iso iyyohoi nyo?’’ ¹¹ Etiraŋ inyia hijo to hosie, ’’Lowuon lobo iko boŋojin arrik, hesiara noboti to lia lobe nobo to honyie, lowuon lobo ho ŋiria isia inyia hegiama iyya nia." ¹² Afanu heduduhak ho musuru hijo anyar erumu isia batisimo, ojo isia to honyie, ’’Hetiyanani, hehum iso iyyohoi nyo?’’ ¹³ Ojo inyia to hosie, ’’Ibaŋa edumu, ’’arobiaha arria agalik innia esiaha itai.’’ ¹⁴ Atta ilak oseŋer hifi inyia hijo, ’’ŋa ati iyyohoi? Hehum iso iyyohoi nyo?’’ Etiraŋ isia, ’’Ibaŋa edumu arobia tara lobo to golon, hidofe hetisiahak lobo to taler. Oremik idumuti innahatai ta hatai.’’ ¹⁵ Ifa lewak hiyyo hiwolo Kristo hawoŋ, ebunyuta ifa tajia innohosie to Yoani hijo hara mahu Kristo lia. ¹⁶ Etiraŋ Yoani to hosie daŋ, Lara da hanaŋ, "Ebatiso nayya itai to hifioŋ. Ati ottu iso lobo lo obolo agalik nayya lia abe nayya aremik ahou hamuha innohonyie. Ebatiso iso inyie itai to Oyiri lo Olibo iko to hima. ¹⁷ Owuon higilli no honyie ta hani honyie ne egiliari nohonyie atta atubak ŋama to hide ibati. Attati inyia asuahak hafuot to hima no lobe odunya. ¹⁸ Etitto, Yoani sayye inna lanyar to hiyyo. ¹⁹ Nafa etiru Yoani Erode haboloni hijo ŋayemu Erode no ŋorwo ilasi honyie Erodias, iko hirro inno lorru inne ehum Erode. ²⁰ Atta inyia hinyiak afonik hirro innia daŋ to hosie, atta inyia esionok Yoani ta Babus. ²¹ Tanafa ifa ebatisari Yoani hiyyo daŋ. Ottu ifa Yesu daŋ ebatisori. Nafa ho lomojo inyia atta ido ŋa. ²² Atta Loyiri lo Olibo ŋadou afau to honyi to wan iyya wolo, atta hirori tedou awoŋ to honyie hijo, ’’Era iyye Lonyi hanaŋ ille amuno nayya. Amuno nayya iyye binno.’’ ²³ Atta Yesu to wan, hitiara hitiyana, ara ifa ŋasi innohonyie tomwana hunik. Ara ifa inyia Lonyi Yosefo, ²⁴ Lonyi heli, Lonyi Mattanat, lonyi Levi, lonyi Melki, lonyi Yonnai, lonyi Yosefo, ²⁵ lonyi Mattathias, lonyi Amos, lonyi Nahum, lonyi Esli, lonyi Naggai, ²⁶ lonyi Matt, lonyi Mattathias, lonyi Semein, lonyi Josek, lonyi Joda, ²⁷ lonyi Juana, lonyi Resa, lonyi Serubabel, lonyi Sheatiel, lonyi Neri, ²⁸ lonyi Melchi, lonyi Addi, lonyi Kosam, lonyi Elmadam, lonyi Er, ²⁹ lonyi Joshua, Jorim, lonyi Elieser, lonyi Jorim, lonyi Mathat, lonyi Lefi, ³⁰ lonyi Simion, lonyi Judah, lonyi Joseph, lonyi Jonam, lonyi Eliakim, ³¹ lonyi Melea, lonyi Menna, lonyi Mattatha, lonyi Natan, lonyi David, ³² lonyi Jesse, lonyi Obed, lonyi Boaz, lonyi Salmon, lonyi Nahshon. ³³ ara ifa Nashon lonyi Amminadab, Aminnadab lonyi Admin, Admin lonyi Arni, Arni lonyi Hesron, Hesron lonyi Perez,Peres lonyi Yuda , ³⁴ Ojo Yuda lonyi Yokob, Yokobo lonyi Isako, Isako lonyi Abramo, Abramo lonyi Tera, Tera lonyi Nahor, Nahor ³⁵ lonyi Serug, Serug lonyi Reu, Reu lonyi Peleg, Peleg lonyi Eber, Eber lonyi Shela, ³⁶ Ara ifa Shela lonyi Kainan, ara Kainan lonyi Arphaxad, Arphasad lonyi Shem, Shem lonyi Noah, Noah lonyi Lamek, Lamek ³⁷ lonyi Methusaleh, Methusela lonyi Enock, Enok lonyi Jared, Jared lonyi Mahalel, Mahalel lonyi Kainan, ³⁸ Kainan lonyi Enos, Enos lonyi Seth, Seth lonyi Adam, Adam Lonyi Hollum.