¹ Ibusak hitiyyenita innafa ho beren inno Kristo anyar hidofe efu ahosiere. Hotobiaŋa iyohoi erassa enyiak adule hiro hirro innafa ho beren iyya yite to hiyyata to igemita inno ofiak, ojio hidofe to huruk to Hollum, ² kuyya hitiyana to hillilla, hatirok has , hebuhuni no hayok, iko ŋoto no hayok. ³ Dede ebibolori iso iyyohoi la aŋatak Hollum tohoi. ⁴ Nyo obe lobo tuŋani aciohini to Hollum ta halu ho hiyyen nohonyie hiram no Hollum hidofe etiru inyia hisiara ne ido iko Oyiri no Olibo, ⁵ Hidofe oyyen inyia libe no hirorita inno Hollum iko duaran na fau no ottu iso; ⁶ kuyya eloit tuŋani lia taji nohonyie ade tara Hollum, obe inyia oremik haciohini to heloyitori na taji nyo esihok inyia lonyi Hollum enyak hidofe inyia hisio Yesu iiri to hosiere ho hiyyo. ⁷ Ero ida hido iyyohoi ania, eyyen iyyohoi hijo owuon hiro hunaŋ olibo tohoi ojio ino etiluahini. Obe Hollum egigiala hijio owu iso agwe igiem nahatai ojio mune ne etuhutek itai to fure to nohonyie. ⁸ Ati lowoun hohukwa, obe olibo iko eliaha te epit. Ara hicuŋi nohonye to hima. ⁹ Ati eruk iyohoi tasaŋ inia tarahati inia anyar, ilasira, hiro ino eyani hetilahini, hata ero ida iyohoi tiji. ¹⁰ Obe Hollum owon iko hipali. Obe inya ogwe egiam nohoi iko mune netihutek iye to fure to no honyi, nyo egiama iye tohiyo inlohonye, ejo iye arasa higiama to honye. ¹¹ Hidofe ewak iyyohoi hijio anyar etihutek itai daŋ gelegele golon nahatai hetisisru heyiyihini nahatai man to hisidi, anyar ewon itai homoi. ¹² Inya nia ebe iyyohoi ewak itai hatara ahiyyo halanak, ati anyar era itai ahiyyo illo orutak itieriti to huruk iko dihan. ¹³ Ifa Hollium otiorok golon ina ta Abramo, ettuŋo inyia to wan nohonyie, iya obe inya oremik hutuŋ to nobo jok. ¹⁴ Atta hijo, "ajak esio naŋ iye hidofe esio nyar iye dure ariai". ¹⁵ Tokoi to nia, arumu Abramo egololiti ifa asan etila ifa inyia to mune atta amoju imunuti ino. ¹⁶ Nyo ettuŋo hiyyo to fure na agalik isia ojo ara hittuŋo hisidi na ŋalafa. ¹⁷ Ettuŋo Hollum, nyo awak inyia etihutek hijo hiyyo hullo orutak itierit hijo, dede obe iso wahan nohonyie aciaha. Ehuma Hollum iyya niyya, nyo awak inyia hitigol to hirro ariai, itieriti innohonyie to hittuŋo nohonyie. ¹⁸ Hunna obe iso aciaha nyo obe Holum oteler, to nia iyyohoi hullo eris to honyi anyar ehum hinef heyihini nohonyie nolo wuon to hosiere hohoi. ¹⁹ Ara heyihini inna iyya haririk huna efitari oholioho iyyohoi to golon ojo ina obe futo. Ara inyia heyihini no ojiŋak ta mai iko Hollum no odua. ²⁰ Ajiŋak ifa Yesu ta mai nia a hanyietani lo hosiere hohoi, ottu hidofe inyia afadiri le ettok ta halu ho hilima no Melkisedek.