1 Iyyania ara inna sihin ne ewak iyyohoi hirro hijio, ewouon iyyohoi iko Fadiri ile obolo ille ettole ta hani he inyiet no haduwari lia te idou. 2 Ara inyia hegiamani to haji no lo odua no oduhok Habu ati obe ara tuŋani oduhok. 3 Nyo onyimu fadirihien hullo obolo daŋ hesiarari hihumita iko hisiorita anyar lowuon hidofe fadiri lo obolo iko nobo sihin hesiarari. 4 Ta mai inna owuon altari no attagoŋ no orru to yeil hidofe owuon senuk no itierit no orru hidofe to yeli. To hotwe ho senuk owuon moti no orohini to yeli ojio mana to hotuwai honyie. 5 Owuon hidofe fatige na asar iko hifahita hunna ekiyafak to moruo to hotwe ho senuk. To hide ho senuk owuon anijlohien illo hiyyo hullo emuho hittoloji to hide senuk ne efurek mai no hamehini, ati obe holoŋ iyyania herarari te isia daŋ gelegele.'' 6 ati iyyania, obe higiama no Kristo agalik nyo ara inyia hetumwarani lo himwara no olibo agalik nafa otiorohini, nyo owueta inyia to itieriti hunna olibo agalik. 7 Nyo kuyya anyar ifa itierit nafa to hiteri, no obe ida esiaha himwara nobo. 8 Ati egonyu Hollum hipali no hosie atta hijio, itiwolo, afanu iso holoŋitek hunna esiarari iso manya ne itierit ŋejuk to hiyyo illo Isarail ojo hidofe to hiyyo illo Yudea. 9 Ojio hidofe Habu, obe iso inyia ara iyya himwara nafa ehumak nayya to hohonyok hosie to holoŋ nafa arihini nayya isia ade ta fau ho Maser, nyo obe ifa isia odule to himwara nia, teyya abe nayya egigilo te isia, ojio Habu. 10 Ojio Habu, ara inna himwara ne esio iso nayya to hiyyo illo Isarali ta halu ho holoŋi inia; ehumak iso nayya hifahita innanaŋ to higigilta innohosie, egiorok iso nayya isia ta tajia innohoise hidofe ara iso isia a hiyyo illallaŋ ojo hidofe naŋ ara a Hollum lohosie. 11 Obe iso isia etiyana ille, lonyihari hosie ŋara ida hido hilasirak hosie hijo, hetiyyen Habu, nyo oyyen iso isia nayya daŋ iko dure hullo ho lodicio, ojio maruak daŋ. 12 Amehini iso nayya te iruti innohosie, hidofe abe iso nayya enyiak agilu hiyaytta innohosie. 13 To hijo nohonyie hijo, "ŋejuk," etimaruak inyia himwara nafa maruani, nafa ottu hira no obe olibo, na awak alitek.