1 Ibusak hitiyyenita innafa ho beren inno Kristo anyar hidofe efu ahosiere. Hotobiaŋa iyohoi erassa enyiak adule hiro hirro innafa ho beren iyya yite to hiyyata to igemita inno ofiak, ojio hidofe to huruk to Hollum, 2 kuyya hitiyana to hillilla, hatirok has , hebuhuni no hayok, iko ŋoto no hayok. 3 Dede ebibolori iso iyyohoi la aŋatak Hollum tohoi. 4 Nyo ettalik lobo tuŋani aciohini to Hollum ta halu ho hiyyen nohonyie hiram no Hollum hidofe eniŋ inyia hisiara ne ido iko Oyiri lo Olibo, 5 Hidofe oyyen inyia libe no hirorita inno Hollum iko duaran na fau no ottu iso; 6 kuyya eloit tuŋani lia taji nohonyie ade tara Hollum, obe inyia oremik haciohini to heloyitori na taji nyo esihok inyia lonyi Hollum enyak hidofe inyia hisio Yesu iiri to hosiere ho hiyyo. 7 Hero ida hido iyyohoi ania, eyyen iyyohoi hijo owuon hirro hunaŋ olibo tohoi ojio inne etiluahini. Obe Hollum egigiala hijio ohu iso agwe igiem nahatai ojio mune ne etuhutek itai to fure to nohonyie. 8 Tekoi to nia, erasa itai ehuhumak hiyyo illafa oye wati to bolioŋ helerasa itai hihuma isia. Helewak iyyohoi itai binno hijio anyar ehum itai riŋa to heyik man to hicuŋi. 9 Ebe iyyohoi ewak itai hotoso helihak ati anyar iso itai hetiyahak ille hiyyo illo orutak hirro innafa ojio Hollum to hiruk ojio to hidik no hitila. Nafa eijio Hollum ta Abramo hijio ahu inyia iso higiem inna hirro. Ettuŋo inyia to wan to lohonyie. 10 Obe inyia oremik hittuŋo to lobo tuŋani la agalik. Ojio inyia hijio ahu naŋ hijak iyye ajo naŋ ahu afonik orutat illohoi.'' Tekoi nia atta Abramo arrumu hirro innafa ojio Hollum to honyie ta halu ho hidik no hitila. 11 Hidofe ewak iyyohoi hijio anyar etihutek itai daŋ gelegele golon nahatai hetisisru heyiyihini nahatai man to hisidi. 12 Obe iyyohoi ewak itai hafanu ahiyyo halanak, ati anyar ida ara itai ahiyyo illo lia orutak itieriti to huruk iko dihan. 13 Lo otiorok ifa Hollium itieriti ta Abramo, ettuŋo inyia to wan nohonyie, nyo obe lobo la agalik inyia. 14 Atta inyia hijo dede esio iso naŋ imuniti daŋ to hoi, ojo hidofe esio naŋ durre to hoi inno oluŋa. 15 To nia, etila ifa Abramo to mune atta amoju imunuti inne. 16 Nyo ettuŋo hiyyo to fure no agalik isia ojo ara hittuŋo hisidi no ŋalafa. 17 Ettuŋo Hollum, nyo awak inyia etihutek hijo hiyyo hullo orutak itierit hijo, dede obe iso wahan nohonyie oyito. Ehuma Hollum iyya niyya, nyo awak inyia hitigol to hirro arak, itieriti innohonyie to hittuŋo nohonyie. 18 Hunna obe iso oyito nyo ettallik Holum teleri, to nia iyyohoi hullo eris to honyia anyar ehum hinef heyihini nohonyie nolo wuon to hosiere hohoi. 19 Ara heyihini inna iyya haririk huna efitari oholioho iyyohoi to golon ojo ne ettallik futo. Ara inyia heyihini no ojiŋak ta mai ho Hollum no odua. 20 Ajiŋak ifa Yesu ta mai nia a hanyietani lo hosiere to hohoi, ottu hidofe inyia afadiri le ettok ta halu ho hilima no Melkisedek.