¹ Nia ojo Agrippa to Paulo, "Irara bi to wan nohoi". Ata Paulo ehumak hani no honye ata hiro wan nohonye. ² "Esio naya wan nanaŋ mune, habu Agrippa, hatuni hehumak hiram nanaŋ to hosiere hoi ena hetiraŋari irositi daŋ ino Judei; ³ nono, nyo eraiye tungani le emijak daŋ imohiti iko hifita ino Yudea. Efi naya iye hetirai naya to dihan. ⁴ Dede, Yude bidaŋ oyen imanyiti inanaŋ man halara naya lanyarhalu to doŋe nanaŋ iko to Yeruselem. ⁵ Oyen isia naya man to hitieri ojo leruk isia ania amanya naya iya farisei, hejufutani he imojiti inohoi. ⁶ Iyania aweta naya ini hijo anyar engot itai nyo ariŋa naya te iciorit nafa ehumak Hollum to monyie hohoi. ⁷ Inya nia egiama woyyojin inia hohoi tomon harik to Hollum harie ho far, ojo ewak iyohoi hiba dia. ara to wahan tonia inya nia oros Judei naya, habu! ⁸ Nyo egigilo itai hijo hatara hipali to Hollum hetubuhuni hayok? ⁹ Ifa lobo far egigilo naya to wan nanaŋ hijo anyar egiem naya hiro ariai ino obe awak fure no Yesu lo Nasarit. ¹⁰ Egiem naya inia to Yeruselem; Esionok ifa naya heruhok ariaii to kijan, ajo naya awuon iko golon tara habu lo hetimojok hegiamari inia; ojo nafa attohori isia, esio naya biaŋan nanaŋ awak isia hidofe. ¹¹ Adule naya hititaban isia bidaŋ ta hajik ino omojori hiyo Hollum ojo hidofe naya amiana isia. Ejoria ifa naya to hosie man efuhai naya isia enak misihi. ¹² Nafa egiamari naya hiro inia, awu ifa naya a Damisihio iko igoliti ojo helimak tara habu lo hetimojok; ¹³ ati dia to hikoi, to hiji hikoi, habu, egonyu naya calai te ido nalacala agalik holoŋ ojo edia daŋ ta tahanaŋ iko hiyo ilafa etihita ikanaŋ. ¹⁴ Nafa ahuyik iyohoi bidaŋ ta fau, ata naya etiru hiro hutuk nero ta nanaŋ to hirori ne Ebrei, "Saulo, Saulo, no nyo ettoho etigiamaiye naya? Ogol tohoi hediaŋari hiro ino ehumak Hollum. ¹⁵ Ata naya hijo, 'ŋaiiye, Habu?' Etiraŋ Habu, 'Naya Yesu lia etitabanaiye. ¹⁶ Iyania todiote ahide owetai to hejek inohoi; nyo to hiram tonia alieu naya tohoi, anyar anyumu iye hatara apit iko hegiamani ho hiro ino eyen iye ta naya iyania ojo hiro ino awu naya etuhutek to hoi iso; ¹⁷ Awu naya etulwahu iye tara hiyo ojo tara Jentails lia efahahini naya iye, ¹⁸ hata hiŋa honyehite ino hosie ojo iye eloit isia tamai noloriok ecala ojo tara golon no sitan to Hollum, anyar orumu isia ebusak no hiyata tara Hollum ojo harutak no lesio naya to hosie lia ehumak naya to wan nanaŋ to huruk ta naya.' ¹⁹ Nia, habu Agrippa, abe naya aremik miana higigilo no Otu te ido; ²⁰ ati, hitieri to lia to Damisihio , ojo hidofe to lia to Yeruselem, ojo to doŋe no Yudea daŋ, ojo hidofe to Jentail, elimak to hosie hebusak hiyata inohosie ojo hotoyite to Hollum, hegiamai higiemita ino yiite. ²¹ Isia inia awak Judei enefini naya to hotwai haji imojit ojo hidofe awak attohe naya. ²² Eluak Hollum naya man ena, nia aweta naya helimahini to hosiere ho hiyo ilo doŋe ojo te etaha helimahini hiro ino obe olufa tara ino hekilak ojo Muse ojo edoŋ iso. ²³ hijo etaban iso Kristo, ojo iso inya ara hitieri hadiotori to ye ojo elimak cialai to hiyo iloJudei ojo to Jentails.'' ²⁴ Nafa attowu Paulo hiticio wan nohonye, ojo Festo ata hiwuoloŋo, "Paulo, ebeiye ewuon ho hiram; hihen nohoi inya nia ewanari iye iko ŋwai to hoo hoi." ²⁵ Ati ojo Paulo, "awoŋ naya ho hiram, olibo bino Festo; ati to hitigolo nataji ero naya hiro ino oso dede to biaŋan no rumai. ²⁶ Oyen habu hiro inia; ojo, ero naya taya to honye, ajo naya hijo obe nobo tara inia eŋofohini tara honyi; obe nia egiama togul. ²⁷ Habu Agrippa, erukiye to hekilak? Nayen naya hijo erukiye". ²⁸ Etiraŋ Agrippa to Paulo, "kai tiji ehuiye hiloyit naya hatara aheruhoni". ²⁹ Ata Paulo hijo, "Amojo naya to Hollum, hijo ara ida hido ta saa ina iyania kuya hidofe moi, obe araiye hamai ati te ilia naya etiru naya ta far inna, oremik hira iya naya, ati obe ara ha ririk huna ho babus.'' ³⁰ Odioto habu ahide, iko Mamur, iko Bernice, ojo ilafa etole iko isia. ³¹ Nafa efie isia oger, ata isia hitiara hiro to wati inohosie, ojo, "Obe tuŋani lia egiem inak hiro ino oremik asiru to honye hayori iko hefitahini". ³² Ata Agrippa hijo to Festo ,"Oremik tuŋani ile ahehini heno lobe inya ejulum to Kesari."