¹ To hitieri, efi nayya hjio anyar emojo itai, ifia, ilamai ejio hidofe esio humo to Hollum to hiyyo bi daŋ. ² ta habwok ojo to lia daŋ ilo ara hekumok, hijo anyar emanya iyyohoi to himwara ojo te imanyiti inno olibo inno baŋi iko ta nyalami. ³ Olibo ojo hidofe omojini ahosiere ho Hollum Hetilahani hohoi ⁴ inyia hiyyo daŋ hetilahini ojo anyar afanu to ofioroho inno hiruk. ⁵ Ati ara Hollum lobotie, ojo ohe lo Hollum iko tuŋani ara nobotie, lo tuŋani Kristo Yesu, ⁶ lafa esio wan nohonyie daŋ idumut, hetihutani dede to saman no olibo. ⁷ To hiram inna, Nayya, to wan lalaŋ, anyimuni ehetiyanani ojo efahati. Ero Nayya dede; obe Nayya ateler. Ara Nayya hetiyanani lo Jentails to hiruk ojo dede. ⁸ Ati, awak naŋ hiyyo daŋ to masik hotomoje ojo akaf ahide has innoolibo to biaŋan no jore iko to hiyyen. ⁹ Iyya hidofe, awak naŋ ŋoruo ho eciofok boŋojin inno olibo to wati hosie, iko to baŋi no wati, obe lara to hofir inno olibo, kuyya yiel, kuyya boŋojin inno ogol to hinyiaŋa, ¹⁰ ati to hirro inno osiru ho ŋoruo inno etihutek ibaŋiti to higiemita inno olibo. ¹¹ Etiyenu iso hiito noŋoruo te ilueti iko to hiruhuta daŋ. ¹² Obe nayya eawak hiito nongoruo he etiyana iko ho elimak hikumuta to liawa, ati hotowuanai ho duai. ¹³ Adam ifa ara hitieri, atta Eva ejufak. ¹⁴ Obe Adam ifa eruk hinyiaba, ati enyiaba ifa hiito no ŋoruo dede to biaŋan no hiruk. ¹⁵ Ati, etilohini iso inyia to toŋita no durre, arassa isia ho hiruk ojo mune ojo to wahan ho libe no hoo.