¹ Paulo, efahati lo Yesu Kristo iyya to hifahita inno Hollum hetilahani lohoi ojo Yesu Kristo lo eyik iyyohoi, ² Timoteo, hiito lo eruk dede. Omelehini, ebusak, ojo himwara tara Hollum monyie hohoi iko Yesu Kristo Habu lohoi. ³ Iyya nafa elimahini nayya ta hatai ho egiama ajo nayya awuyieri a Masedonia, itirasai to Efisa anyar elimak itai to hiyyo lia hotobiaŋa etiyana hitimanyita inno orru. ⁴ Kuyya hetira iso isia to hiyebita ojo to hucuŋuta, inno eyyani irijiti ati ituluak to higiemita inno Hollum, inno ara to huruk. ⁵ Ati ara hifahita inno irumuti hira wahan to taji no arra dede, to ofioroho inno olibo, ojo to huruk no arra dede. ⁶ Atta illak hiyyo efie ojo oyyito ade to hirro hunna to hirro jia. ⁷ Awak isia hira hetiyanak illo hitimanyita, ati obe isia etiru ojo isia nyo kuyya inno edasa isia. ⁸ Ati eyyen iyyohoi hijo olibo hitimanyita egiamari iyye isia to hikoi no libo. ⁹ Ejo iyyohoi eyyen inna, hijo obe hifahita ehumahini to tuŋani lo obis, ati to pagani iko to hiyyo miorok, to hiyyo illo obe ara illo Hollum iko heyyak, to hiyyo illo obe ara heruhok iko illo obe abaŋ, to hiyyo illo ottohe monyie iko hotonyie hosie, ta hattohok, ¹⁰ to hiyyo somok, to liawa illo ofirie liawa, to lia epihori wati hiyyo apiti, to telerok, hetisiahak, ojo to hiro daŋ inno obe awak hitimanyita inno okuat. ¹¹ Iyya to sayye inno okwat inno ajak Hollum nafa eruhori nayya. ¹² Ati esio naŋ humo to Kristo Yesu Hobu lohoi, hetigolori hanaŋ , awak inyia nayya eheruhoni ojo hidofe ehumak nayya to egiem - ¹³ nayya hetiruoni hitieri, hatohoni ojo ara tuŋani hetigalafani. Ati amoju naŋ hamelehini iyya egiem ifa naŋ to biaŋan no huruk. ¹⁴ Ati ojo hamelehini no Hobu lohoi hotobolo iko huruk ojo mune no Kristo Yesu. ¹⁵ Ara sayye inna dede ojo hidofe orumehini dede, hijo awoŋ Kristo Yesu afau anyar etiluak heyyak. Nayya hetiruoni no hunna. ¹⁶ Ati to higigilo nia ebusahini ifa naŋ to hitieri, ati ta hanaŋ, to run, Kristo Yesu etimiyaha inyalamiti daŋ, ahutuhuti to lia ille leruk to honyie to manya no osio fur. ¹⁷ Iyyania to habu lo hilahajisien, to wuaran, lo obe olieu, Hollum lobotie, hotowuana baŋi ojio kwatan man fur. Amen. ¹⁸ Elimak naya inna to hosiere hatai, Timoteo, hiito lalaŋ, ajio naya eruk to hikilita inno owon to hiji hatai, anyar ewuon itai ho golon neremik amirai mereni. ¹⁹ anyar mahati ewuon iyye ho hiruk ojo imanyiti inno olibo. Ebo ilak huwo inia ojo hidofe etihara to baŋi no hiruk. ²⁰ Ara isia Himenyo iko Alesander, illafa esio nayya to Sitan anyar mahati etiyana isia hijo hotobiaŋa isia enyiak moro.