¹ Nayya Peturu lefahati lo Yesu Kristo ta hatai lonyimot hullo hame hame illo esarik ta fau no Kapadosia, Asia, ojo Bithinia. ² Illafa onyimu Hollum monye lohoi to lofioroho inno honyie man beren to bolo no igem no Oyiri no olibo, nia eruhori to Yesu Kristo, ojo to hubuluca to hoto no honyie. Isiara mune iko himwara hotowuana ta hatai nettok. ³ Isiara lohwo hotowuana to Hollum iko Monye la Habu lohoi Yesu Kristo. To hamehini nohonyie inna hitok, enyiak iyyoho esiuni ŋejuho to honyie to ŋere ne iruta no hebuhu no Yesu Kristo to yie - ⁴ ojo to iruta inna obe oye, obe iso halitek iko rumai. Ottunehini te idou ta hatai. ⁵ To golon no Hollum, erriria to huruk nohoi iko hetilahu nia lowu awoŋ to hucuŋi. ⁶ Itimune to hunna, ara ta hido iyyania, anyar ida egigilo itai te icemiti arai. ⁷ Anyar eyyen hijio owuon hicemiti to huruk nohoi, ati hiruk inna ara nettok ojo hidofe olibo agalik yiel, ebirohini ida hido to hima. Edwoŋ hido hijo anyar oremik hiruk nahatai heyyani hitihabuwo, kuatan, iko baŋi to haleu no Yesu Kristo. ⁸ Obe itai egonyu inyia, ati omuno itai inya. Obe iso itai egonyu inya iyyania, ati eruk iso to honyie ojo hido itai iso emuno binno ahiyyo hullo obe ero to mune nelefut to kwatan. ⁹ Ati iyyania, amoju itai to wati ilahatai huruk, te hetilahu no oholiohien innahatai. ¹⁰ Etufa ifa hekikilak atta arumek to hiriria no hetilahu, iyya to hamehini inna ara nahatai. ¹¹ Awak isia hiyyen hijo ŋari hetilahu nia lottu ifa. Awak ifa isia hiyyen hijo nari holoŋ iso ero Oyiri no Kristo to hotwajin hosie. Owuon ifa hiram nya ifa elimak inyia to hosie ahosiere hijo hitaban no Yesu Kristo iko hitahabwo inna ejufak inyia. ¹² Oleu ifa to hekikilak hijo egiama isia to hosie, ati obe ara to hosie. Ojo ta hatai to helimak no hirro hunna eyyani sayye ta hatai to Oyiri lo Olibo inna efahu te ido, hriro hunna awak anjilohien hijo halieu. ¹³ Anyar ida etibis itai hosi innahatai. Ihumak higigilo nohoi nala nyar. Heyiyik to hamehini no haleo no Yesu Kristo. ¹⁴ Iyya durre inna abaŋ, hotobiaŋa hiyyo orrumu hipali ta hatai iyya obe ofioroho ta ra hatai. ¹⁵ Ati iyya odua tuŋani lia ille ellilloŋu itai to oholio, hatai ituwuana no olibo te imanyiti innahatai. ¹⁶ Ati egioro hijo "Heti libe, to nyo ara naŋ ahaliboni." ¹⁷ Ojo le ellilloŋ itai hijo "Monye" ojo to lia ekumo to higiemita inno tuŋani lobotie, esok inyia holoŋ nya to hicielita. ¹⁸ Eyyen ifa itai hijo obe ifa ara to yeli iko hiro hunna omura--iyya nafa etilwahini itai to hipalita inno imanyiti hunna etiyenini tara Monye hohoi. ¹⁹ Ati, enyiaŋini ifa itai to hoto no Yesu Kristo, inna ara iyya hiito lo ker ille obe owuon iko hafore. ²⁰ Anyimini ifa Kristo holobe ya na fau, ati iyyania to hucuŋi inno holoŋitek niyya, alieu ifa inyia ta hatai. ²¹ Heruho to Hollum to inyia, hijo etidietu Hollum inyia to ye iko lia esio hitihabuwo to hiruk iko to heyyik to Hollum. ²² Ati alibei itai to oholio no baŋi no dede hijo anyar ida owuon ahilasirak hullo omuno, hetimune wati inno hoi ta taja. ²³ Enyiak ifa itai esini, obe ara to haŋer hunna oye, ati ta haŋer hunna obe oye, to manya iko to hirro inno Hollum. ²⁴ Ati "Ara wan iyya miyaŋ daŋ, ojo hitihabuo ara itai turiana no miyaŋ. Lotei miyaŋ ojo turiana haruruni, ²⁵ ati ojo hikenita inno Hollum odule tulaŋ." Hifahita inafa hasaie inia elimahini ta hatai.