¹ Iyania ŋiria nia esiarahini to rijorihien. Eyyen iyyohoi hijo ewon iyohoi daŋ iko ofioroho ino oriew ahide, ati mune oduhok ahide. ² Legigilo lobo hijo ayien inye obe tuŋani lia oyen. ³ Ati lo omune lobo tuŋani Hollum, oyien Hollum tuŋani lia. ⁴ Iyania, to hiram no daha ŋiria no esio hiyo to rijorihien: eyen iyohoi hijo tafu ina rijorihien ara asia, nyo obe lobo Hollum ati ara Hollum lobotie. ⁵ Leyen iyohoi hijo owuon saŋ inia eliloŋo hiyo hijo johin inni ta fau kuya te ido. Owuon johin inia iko habwok arriai. ⁶ Ojo iyohoi ara Hollum lobotie jia monye lo fauu ojo hiro daŋ iko wuaran nohoi tara honyie. Ojo hidofe Habu lohoi Yesu Kristo, ille ara wuaran to hoi jo hiro daŋ tohonye. ⁷ Ati, obe ofioroho inia owon to hiyo, hee giama isia hiro ino etihabwori hiyo rijorihien, adaha isia ŋiria nia atta hijo esio isia hisiorita to rijorihien. Ati etihar isia tajia innohosie to higigilita inia, elik isia. ⁸ Ati etaluk ŋia etihutari iyyohoi to Hollum, obe iyohoi erru to biaŋan nohoiedaha kuyya hidofe obe iyohoi agalik ta daha. ⁹ Ati ihuma riŋa ŋaso higigilita hunna etipal lobo lo obe owuon iko golon no hiruk tara itai. ¹⁰ Kuyya legonyu lobo iye, iyye lia ewuon iko ofioroho, ta adahari ho ŋiria ta haji himojit no rijorihien, ekuyya mahu hijo, nyo adaha nayya hisiorita hunna ho rijorihien? ¹¹ Niyya, etihar itai tuŋani lia obe golon no hamijak to honye, hilik na halasi iko no hanasi hoi nafa oyori Kristo to inya. ¹² Le eyyau iyye te ilasi hoi to hikoi nia, etihar iyye golon na tajia nohoi. Eyyau iyye daŋ to hosiere ho Kristo. ¹³ Ati kuyya lara honya nanaŋ hiriŋo etipal te hilasi hanaŋ, abe iso naŋ enyiak honya hiriŋo hijo tuŋ, anyar ebe etipal halasi hanaŋ.