¹ Iyyania ero nayya to hirro innafa egiorok itai ta hanaŋ: "Olibo to hitololiawa hoto biaŋa otir noŋoruo" ² Ati to eciemiti ariai ino iruti, anyar owuon hito loliawa ho oŋorwo honyie, ojio hito noŋorwo owuon ho oliawa honyie. ³ Anyar esio hiito oliawa to oŋorwo honyie wan nohonyie no oremik asiru to honyie, ojio hidofe oŋorwo esio to oliawa honyie wan nohonyie. ⁴ Obe hiito no ŋorwo oremik wana iko hilohitok to wan no honyie, ara oliawa a letok lohonyie. Ojio hidofe, obe oliawa oremik wana iko hilohitok to wan no honyie, ati ara oŋorwo eletok. ⁵ Ibaŋa ebo attubak wati innahatai leruk itai ara nobotie hisio wati inahatai to holoŋitek niyya eruk itai, anyar edule itai mojo holoŋitek daŋ ino ebe itai etubari. Ati ta halu atta itai afanu daŋ nobotie, anyar obe Sitan oremik hisusut itai to biaŋan no hiriria nowan. ⁶ Ati ero nayya hirro inia ta hatai arriai to nyo aŋatak Hollum nayya herara ojio obe ara to hifahi. ⁷ Nara ida hiyo daŋ iyya nayya. Ati owuon hiyyo daŋ ho hosiorita inohosie toro Hollum. owon lobo iko esiorio nohonyie ojo lobo honohonyi. ⁸ Ojo toŋorwo huna holobeŋ ayama, iko ino oye liawa hosie, ajo naŋ olibo tohosie hitolojori obe liwia. ⁹ Ati lobe isia oremik hittole obe ŋorwo, oremik isia yama. Olibo to hosie hayamari agalik hitaban iko iwahiti inno wan. ¹⁰ Ati to hiyyo ille ayama esio nayya hifahi inna- obe ara nayya, ati Habu: ''Anyar obe oŋorwo opiahari tara oliawa honyie.'' ¹¹ (Ati kuyya opiahari inyia tara oliawa, anyar obe inyiak yama kuyya hidofe anyar emwarahini iko oliawa honyie). Ojio, Hotobiaŋa oliawa opiaha ho oŋorwo honyie. ¹² Ati to illak ajo daŋ-,nayya, obe ara nayya Habu-hijo lowuon lobo halasi ho oŋorwo honyie inna ara pagani ojio inyia eruk hittole iko inyia, anyar lobe inyia opiahari tara honyie. ¹³ Ojio lowuon nobo hiito noŋorwo ho oliawa honyie ilo ara pagani ojio inyia awak manya ho oliawa honyie, anyar lobe inyia opiahari tara honyie. ¹⁴ Ati to liawa ilo obe eruk etaŋari iko oŋorwo honyie, ojo oŋorwo ino obe eruk etaŋahini iko elasira. Atta dure inohosie hibwot, ati lobe isia opiaha etiyu sio. ¹⁵ Ati lawak lia obe eruk Yesu Kristo apiaha, isiara inyia heno. Iya to hiram to nia, obe halasira kuya hanasi orosok wati inohosie. Ellilloŋo Hollum iyyohoi hetolojo to hilik natajia. ¹⁶ Eyyen iso iyye jai, hitonoŋorwo, anu isio itilwahu iyye oliawa hoi? Kuyya eyyen iso iyye jai, hitololiawa, anu isio etilahu iye oŋorwo hoi? ¹⁷ Isiara hiyyo daŋ hatamanyai ta manya nafa aharak Hollum to hosie, ojio hidofe iyya ellilloŋo Hollum isia. Ara inaŋ hifahi nanaŋ to kelesiahien. ¹⁸ Oŋoto ifa lobo nafa eliloŋoni hiyo isia to hiruk? Hotobiaŋa ocem halieu ŋoto. oŋoto ifa lobo nafa eliloŋi inya to huruk? Hotobiaŋa inyia osiaha ŋoto. ¹⁹ Ati obe ara ŋoto iko biaŋan no ŋoto ara asai. Nyo ara bino inyia baŋi no hifahita ino Hollum. ²⁰ Isiara hiyyo bidaŋ hotodule manya iyya nafa amanyari isia to holoŋ nafa ellilloŋori Hollum isia to hiruk. ²¹ Era ifa itai piti to holoŋ nafa ellilloŋori Hollum itai? Ibaŋa egigilo to hiram nai. ²² Tuŋani le eliloŋu Habu ara iya pit le ohek Habu. Ara iyya ilo ohoni tara Habu ara inyia apit lo Kristo. ²³ Enyiaŋini ifa itai to idumut, hotobiaŋa itai enyak hira apiti ilo hiyo. ²⁴ Ati halasirak, anyar imanya itai daŋ to imanyiti inna eliloŋori Hollum itai to hiruk, ati itidule to Hollum iya nafa nya. ²⁵ Ati to hiram no hiyyo illo obe ayama, obe Habu esio ta hanaŋ nobo hifahi, ati elimak nayya itai higigilo nanaŋ to nyo efwotu ifa nayya amehini no Habu erara nayya no lobis. ²⁶ Egigilo nayya hiram no hitigiema nia otu, olibo odule tuŋani rasai iyya owuon inyia. ²⁷ Ayemu iye hitonoŋoruo? baŋa osiaha piaha. Kuya holobe itai yama, baŋa osiahari hitonoŋorwo. ²⁸ Ati kuyya ayama itai, obe ara iyyau. Ati kuyya ayama lobo obe inyia eyyau. Ati illa ayama wati owuon iso ho hitigiemita ta manya no hosie, ajo nayya awak adihu hitigiemita daŋ tara hatai. ²⁹ Ati ajio nayya ta halasirak: Eduhocio holoŋitek hulloŋ. Iyyania man ahosiere, isiara hiyyo illa ayama wati ho manya iyya hiyyo illo obe wati ayama. ³⁰ Isiara ille atariha wati hotowuanai iyya obe oyo; ojio illo omuno wati, hotowuana iyya obe omuno; ojio illo opocio wati, hotowuanai iyya obe isamiti, ³¹ ojio illo opocio wati hirro inno fau hunna, isiara hotowuanai iyya obe isia owuon ho hirro, nyo owuon hicuŋi no hirro to fau. ³² Awak nayya itai hata manya to biaŋan no hilafuho. Tuŋani lo obe ayama egigilo inyia to hiro ino Habu, ojio hikoi to nia etimuno inyia Habu. ³³ Ojio tuŋani lo oyama wan egigilo to hiro to inia fau, hijo aremik inyia hitumuno oŋorwo honyie jai. ³⁴ Obwanya inyia. Ati tuŋani no lobe hiyyo oyemu kuyya hidofe hodwoti egigilo inya to hirro inna Habu, ojio isia osiaha hijo anyar emanya isi no olibo to wati innohosie ho Oyiri innohosie. Ati tuŋani inna ayama egigilo inyia to hirro inna fau, ojio; hetimuno iso inyia oliawa honyie jai. ³⁵ Ero nayya ina hijo anyar olwak itai, obe ara hijo anyar etihita itai, ati to hiro ino obis, anyar itimuno itai Habu ojio hidofe egiama to honyie ta tajia ara nobotie. ³⁶ Ati le egigilo lobo hijo etirwo inyia oŋorwo honyie inna aciorok elaŋ ŋasi inohonyie, isiara inyia hatayamai inyia awak ifa inyia. Obe ara iyyau. ³⁷ Ati kuyya owuon inya ho higigilo hijo hotobiaŋa inya ayama, ojio nobo hitisiaha obe, ojio inyia oremik hidas munoi, egiem iso na anyar lobe inya ayama hodwoti inna ocior inya. ³⁸ Ati la ayama wan hiito oŋorwo inna ocor inya, egiem na anyar, ojio ille obe onyimu hiito oŋorwo ocor egiem hidofe no olibo. ³⁹ Efitak hifahi hitonoŋoruo to oliawa honyie holowar inya. Ati kuyya lo oye oliawa, oremik inyia yama lobo tuŋani illa awak inyia yama, ati anyar ara to Habu. ⁴⁰ Ati to higigilo nanaŋ anyar omuno inyia agalik ojio hidofe amanya inyia ania. Ati egigilo nayya hijo awuon nayya ho Oyiri no Hollum.