¹ Etiru iyohoi hijo owuon somon to hiji hatai ara somon no oru binno, nobe oremik wana to hiji ho paganohien, nyo amanyari lobo oŋorwo monye honyie. ² Eyaruta itai. No obe ida itai etariha man eyari tuŋani lehuma hiram nia to hiji hatai ade. ³ Abe ida hido naŋ to hiji hatai to wan nanaŋ, awuon naŋ ikaitai to Oyiri, ⁴ Latubai itai to fure tono Habu lohoi Yesu, awon naŋ ikatai loloyiri, ojo golon na habu lohoi Yesu owon, ⁵ isiara tuŋani hijo ilie to sitan to hetihar no wahiti, anyar etilohini Oyiri nohonyie to holoŋ na Habu Yesu. ⁶ Obe hitidara nahatai olibo. Ebe itai eyyen hijo ahabwok letiŋ etipwasa imune daŋ? ⁷ Iyari ahabwok marwani ade anyar era itai imune ŋejuk, nobe ahabwok dede. Nyo Kristo, oye ifa te iyyohoi inyia ker, hiluti lohoi. ⁸ Iyyania hetidahai daha na karama to mune, obe ara to habwoka ina marwaini, ahabwok ne iyani liwa iko emanyiti ino oru. Ati, to huruk no obe ahabwok hamanya to dede. ⁹ Egiorok naŋ ta hatai waraga nanaŋ hijo hotobiaŋa itai ettuba ho hiyyo ilo ehuma hiro ino somon. ¹⁰ Ati abe naŋ ero tohiyo harwak ilo fau, iko ŋarujok, iko paganohien ile ehuma hiro ino somon, ojo ille etihabuo rijorihien; Iya hetolojori adee torohosi anyar ewaun efwo itai ade ta fau. ¹¹ Ati egiorok naŋ iyyania ta hatai hijo, hotobiaŋa lobo lojo ara iya halasi ojo inyia odule ihuma hiro ino somon, kuya eŋaru, kuya hetihabwani ho rijorihen, kuya hamuroni hohiyo, kuya harumak, kuya hetipalani. Hotobiaŋa edaha ŋirya ikonyie. ¹² Jai iso aremik naŋ hiŋot hiram nohiyo ilo obe own to Kelesia? Ne, ŋoto itai hiram no liya ilo owuon to ikelesia? ¹³ Ati Hollum iso oŋot hiyo lia owuon ta bali. "Ifuhai tuŋani loloru ade to hiji hatai.''