¹ Lero nayya to hirori no nohiyo ojo na anjilohien. Ati kuya abe nayya awon homuno, ara naya iya kwatan no bilet kuya iya baha no himeri. ² Kuya aremik nayya ho esorio nohekila ojo hamijak nohiro daŋ huna dede ino eŋofohini, iko ofioroho, kuya awon naŋ iko hiruk no obolo no oremik hitihuut doŋiok. Ati kuya abe naya awon homune, ara naya asai. ³ kuya esio naya ibariti inanaŋ hetidahari lociaŋak, ojo hidofe esio naŋ wan nanaŋ hotoswahak. Ati abe naŋ awon homune, ara nia asai. ⁴ Ara mune dihan iko nyalami. Obe mune ara hayini iko hitidara. obe ara hijoria. ⁵ obe emodiŋ. Obe ara hegiama to wantonohoi. obe ejoria kuwak, obe otunak hiro ino hipalita. ⁶ Obe omuno te irruti. Ati omuno inya hiro hunna ara dedde. ⁷ Mune Odihu rori daŋ, eruk inya rori daŋ, eyik inya to rori daŋ, ojo odihu hiro bii daŋ. ⁸ Obe mune ecuŋ. Ati lowon hikilita, ofu iso hikikilita ade. lowon hirorita huna olufa, epitak iso isie. ojo lowan ofioroho, ofuo iso ade. ⁹ Nyo eyen iyohoi ŋati ojo iyohoi ekila taŋacio. ¹⁰ Ati la fanu hiro ino obis, nya obewan otuba owu iso ade. ¹¹ Nafa hara nayya ahiito, ero naŋ iyya hiito, egigilo naŋ iya hito, ojo hidofe ero nayya iyya hiito. Ifa abolo naŋ, ebusak naŋ hiro ino oŋeyahai adde. ¹² Iyania eriŋa iyohoi to miraya, ati hegonyu homomite iko homomite. Iyania amijak naŋ ŋacio, Ati amijak daŋ iyya nia omijahini naya. ¹³ Ati iyania arasa saŋ hunik: hiruk, higigilita no moi iko mune. Ati nobolo agalik inya mune.