¹ Ejo adi hohoi anyo ta hohonyi hohoi Abramo? ² Nyo kuyya itimwarani Abramo te ehanita honyi oremik inyi itadara ati obyaŋara ihosyere Hollum. ³ Ati ojori egyerita aŋai? “Iruk Abramo jyo Hollum, tania ihenuni inyi ahaliboroni.” ⁴ Kuyya igyama atulo, obeŋi edumiti honyi arai esyoryo, ati arai ihwa ahoros. ⁵ Ati jyo alya ol obeŋ’to igyama ati iruk inyi jyo lya al itimwarak arrohojak, ihyanani eruk honyi ihwa alibori. ⁶ Ihwa iramak Davide jo omuno adi lya al ihenu Hollum ahaliboroni, ati obeŋ ara te ehanita honyi. ⁷ Ojo Davide jo, “Hotomunohi hya hul ahohinie arrohojita hosi, Bwo fe imuhonie eyyata hosi. ⁸ Hotomunoi atulo ol obeŋ Hobu ihyanak eyyata honyi jihonyi.” ⁹ Onyurani aati Yudea hama emuniti hwa? Obeŋ, onyurani adi bwo fe paganohyen. Nyo ejo hohoi jo ihyanani nya alibori jyo Abramo ta neruk honyi. ¹⁰ Aŋai nya ihyanani alibori jihonyi? To ninya oŋotori inyi ahwan honyi kuyya hobeŋ inyi oŋoto? Ihyanani jihonyi hobeŋ inyi oŋoto. ¹¹ Ifwotu nya inyi aŋoto etamijani ono neruk honyi on owon’to jihonyi hobeŋ inyi oŋoto. Tania oŋida ara inyi ohohonyi heruhok daŋ dwadi bu hobeŋi isi oŋotoi jo oŋida oremehini ihyanana jihosi alibori. ¹² Ara inyi bwo fe hohonyi haŋotok hul ijifatye’to neruk ono hohonyi hohoi Abramo inya iruk’to hobeŋ inyi oŋoto. ¹³ Nyo obeŋi nya Abramo iko hutto woyo honyi ifwotuni ecoriti te ejifatyo hosi efahita. Ati ifwotuni isi ecorit ania ta neruk hosi an iyauno alibori. Ara inyi ecorit on ojo ifwotuni adi isi erre arryai jyo afau ana. ¹⁴ Nyo kuyya hya hul ijifatye’to efahita arai aharutak, ara adi neruk asai bwo obeŋ obo ayiji jyo ecorit. ¹⁵ Nyo iyaŋuno efahi abahyo ati al obeŋ efahi obeŋ bwo fe amesyo. ¹⁶ Olufa esiorio ono asai jio eyyau tulo abotie; nyio, iyaŋuno nyia eyyau tulo abotie aŋotonia “Ipali”; buo eyyata waati arriai iyaŋunie esiorio anna ara 'to asai ono, “Abiaŋan ipali!” ¹⁷ Hode, te eyyau tulo abotie, ilohittok aye jio aati 'daŋ te eram atulo alia. Ati ariŋ ninyia ihan atulo abotie, Yesu Kristo, agalik agolon honyi eram ania bebe! To Kristo, ogottierek adi hia nesu, hulle ifuotuni 'to ayiji taji Hollum onno obolo 'to iko esiorio honyi anna ara 'to asai enne itabisak 'to isi ihosiere honyi. ¹⁸ Owon Abramo iko eyihina dwadi obeŋ obo ariŋ jihonyi iyihiniere, ati odulo inyi iruk jo ottu adi inyi rahan amonye woi wati arryai ihwa ninya iramanierek jihonyi jo, “Obeŋ adi tulo ihenu awoi duri hoi.” ¹⁹ Obeŋ neruk honyi opwak to ninya omijyere inyi ahwan honyi, dwadi bu arai aŋasi honyi esiha abotye ihwa ilyaha aye jihonyi. Dwadi igigilo inyi te eholofi ono Sara, obeŋ neruk honyi opwak. ²⁰ Obeŋ nya inyi ikuyya ta abyaŋan iruk al igigilo inyi te ecorit ono Hollum ati oboboloruno neruk honyi ette inyi isyarana etahabuyo jyo Hollum. ²¹ Nyo omijak inyi ahode jo oremik Hollum ihanio erre hunya ocorok inyi. ²² Tania ihyanani eruk honyi jihonyi ihwa alibori. ²³ Ihwania obeŋi nya igyoroni erre huna te eram honyi.'' ²⁴ ati ara tohohoi bwo fe nyo ihyanani alibori jihohoi hul eruk’to jyo Hollum al itubuhu’to Hobu hohoi Yesu to ye. ²⁵ Nyo itinyyaŋani nya inyi iyeri te eyyata hohoi bwo ibuhu inyi itimwaraniere hohoi.