¹ Tania nyo ewon hohoi iko egyama ana bwo ihwa efwotu nya hohoi amehino ono Hollum, ebeŋ hohoi eboyo kuyya elafuho. ² Ati ebusak hohoi erre huno eloriri hun idimani, ebeŋ hohoi enyobyo laati, ebeŋ hohoi eloit ekyana ono Hollum agesemi, ati ettiyenio hohoi nelahode ihosyere Hollum itahutaniere ayiji hohoi jyo atajya wati daŋ. ³ Dwadi idimani asayyo hohoi, idimani isi jyo hul oyei’to. ⁴ Nyo itaŋodo hobu olo afau ana egigilita wati hul obeŋi iruhi, jo oŋida isi obeŋi igonyuni afaŋan ono asayyo hun oyiji’to huno akwatan ono Kristo, al iyyalarai’to iko Hollum. ⁵ Nyo ebeŋ hohoi ettiyenio erre hohoi ati ettiyenio hohoi Yesu Kristo al ara Hobu, bwo hohoi era apiti hatai te eram Yesu. ⁶ Nyo Hollum alya ol ojo nya, Ijara afaŋan hatafaŋa ihiji idumele, itafaŋ inyi bwo fe atajya hohoi isyoryere afaŋan ono amijana kwatan ono Hollum ihomom Yesu Kristo. ⁷ Ati ewon hohoi iko akwatan ana ihwattek huno aboro huna, jo oŋida adwaran ono Hollum on obolo bebe oleyo, obyaŋara adwaran hohoi. ⁸ Ewon hohoi iko ettigemita ta aŋaco daŋ ati obeŋi isi itihotye hohoi. Ewon bwo fe hohoi iko nekuyya ati eyihi hohoi. ⁹ Ittigemye isi hohoi ati obeŋ Hollum obusak hohoi. Oborye isi hohoi ati ebeŋ hohoi eye. ¹⁰ Edaha hohoi oŋitek daŋ iko edyahiti hun ojori ottohori hohoi, tania erryaha hohoi iko Hobu Yesu te ettigemita honyi, jo oŋida nesu ono Yesu oleyo ihwattek hohoi. ¹¹ Dwadi esu hohoi edulo hohoi yetyo oŋitek daŋ te eram ono Yesu, jo oŋida nesu ono Yesu oleyo ihwattek hohoi. ¹² Tania igyama naye ihwattek hohoi ati igyama nesu ihwattek hatai. ¹³ Ati ewon hohoi iko oloyiri ono neruk ihwo lya linya igyoro jo, “Eruk ni tania ekyana ni.” Eruk hohoi bwo fe, tania ekyana hohoi. ¹⁴ Emijak hohoi jo lya al itubuhu nya Hobu Yesu, itubuhu adi hohoi bwo fe iko Yesu, bwo iyaro inyi hohoi ikatai ihosyere honyi. ¹⁵ Nyo arai erre daŋ tetai jo oŋida al obolo amehino jyo laati arryai, oboboloro adi bwo fe ahumo hosi itahabuyere Hollum. ¹⁶ Tania ebeŋ hohoi eboyo kuyya elafuho nyo dwadi bu imarwahi ahwattek hohoi, lya ol owon’to itwajin hohoi itaŋejuhyo Hollum inyi oŋitek daŋ. ¹⁷ Nyo omutari ettigemita hohoi ta asaa ana, bwo igyamai isi jihohoi akwatan on obolo’to agalik, bwo obeŋ isid. ¹⁸ Nyo ebeŋ hohoi egigilo te erre hun egonyu hohoi ati egigilo hohoi te erre hun obeŋ tulo igonyu. Nyo erre hun igonyuni laati otuhunie adi, ati hun obeŋi laati igonyuni odulori adi tulaŋ.