¹ Ara ene tenya na locam to kigeno, kolowak tungani rahun kaririani, owak inyi tic na ijir. ² Ojir ha kaririani ida ara tungani na longon lobo tenya ken, retoni lo ngorwani Lobito, tungani na irie, na loric ken nenge, na liworati, na lifotunita welo, manyu na lotum kitiyena. ³ Na lida oruma na lida ingere ati orie ida ongolofa ida imaru robia ⁴ Ojir manyu oric kalenge otoc manyu ojir tee kunenge oningo inyi to kiwora dot. ⁵ Kalida tungani otum Rican kalenge aja ngoric inyi kanisa lo Lobanga? ⁶ Onjir manyu ida ara tungani na lorihe ara ngejuk oto cia itidara ourohino iyo lafa ngoto lo tenya lourohinore sitan. ⁷ Ojir manyu ongon ko karana na ijir iyo cio kulo kalele ojir ida ourohino iyo riri manyu iyo kume lo sitan. ⁸ Kalwahak manyu ojir ara cio kuna locam to kiwora, cio kulo dede ida ara kamatak kulo mere bebe ida otahitati kitimumuna cio. ⁹ Ojir oriciti tenya lo dede lo kiruk to taulo kuna inyuji. ¹⁰ Ojir many re otemi icieng kolodeuni oru lobo tohi irohoi iyo warita kuneicieng ofihahinorihin icieng ara kalwahak. ¹¹ Iya na manyu ojir ngorwo kuneicieng ara ngorwo kuna locam lo kiwora ida ara kakutuhak manyu kamomodok ati orieji manyu igenoroti iyo sangite fad. ¹² Ojir kalwahani ara retoni lo ngorwani Lobito na manyu loric tee kunenge ko kalenge otoc. ¹³ Cio kuna litii otoc orumu lowoitare na ijir manyu itigolo kiruk neicieng iyo Kristo Yesu. ¹⁴ kileng lawak nan lotuno diho ite deu agero nan kuno tenyi tenyi ojir ¹⁵ kileng ngarungo ba nan ojir ite iyen koditi na ngomanyare cio kaji hatwa lo Lobanga na lara kanisa lo Lobanga na iwar wiriti ko guri kulo dede. ¹⁶ Na lilany kilifa fad obolo ilitit kitongo lo Lobanga. Oboto afa inyi to ken itisaden manyu okorif odeu malaikahin ititimi manyu inyi iyo kofi kofi iruk kof fad inyi ifotori kai iyo deyo.