¹ Nang Paulo, Silas ho Timoteo, emanda nahoi ne dothai karik ohodting hule hosuduha di Tessalonika ara ekklesia n’Ojok Omonye karik n’Ohobu Yesu Kristo. Imandayo ohoi ithai hijan, alwahio, alibori karik elik n’ahwandek thoiwona hothai. ² Ifurak ohoi Ojok juui ahinwarang thoithai bukulung, karik ohoi ilecyo ithai juui ditha homojitha hohoi. ³ Aca iyihi ohoi dihithemi h’Ojok karik Omonye lohoi angai igyemarik ithai eruhon nathai, angai isarak ithai amuno egyema bebe karik angai oko eyihina nathai d’Ohobu lohothai Yesu Kristo. ⁴ Olarok, ahanerok hahoi, itek ohoi hijan omuno ithai Ojok, karik athuk anyimuna ithai ara honyong alefeng ⁵ aca eyahak ohoi ithai Arami Angejuho Hayyu, Ikara thocamitha ija, karik dang ti th’akolon thon’Ohoile Lodwa, karik th’atehan fodok tuhudik eladiri nanyong, ithai itek dang angai isuka ohoi, nanya esukarik ohoi hothai na. Isuka ohoi nya ara nayyu thoithai. ⁶ Emiru ithai nya thohoi karik th’Ohobu, karik juk emorwa nya ithai bebe, efothu ithai th’amuno ocame loyyu loindu th’Ohoile Lodwa. Inyong na ewon ithai fodok ara ariamara d’ohoiruhok fodok di Macedonia karik Acaia. ⁷ Ikara hijan aindu ocame l’Ohobu tho Macedonia karik tho Acaia hamaring, athuloro dang assayo h’eruhon nathai d’Ojok d’amasok fodok. ⁸ Aang aning nabo hathi do de necama ohoi, ⁹ Ocama ohothing hule fodok angai ifothu ithai ohoi orii lefwarik ohoi ithai idoryerek, karik angai iloitho ithai adi th’ajohi d’Ojok, digyema d’Ojok lomijo ¹⁰ karik dithilayo Olonyi lonyong Yesu diinduna tho paradise -Olonyi Lonyong lethabuhu inyong thoye karik lolwahu ohothai th’engere n’Ojok naindu.