¹ आय स्वतंत्र नाहा काय आय प्रेरित नाहा का आय आपू प्रभु यीशुलो वेयो नाहा काय प्रभु ई हीमे तुमा माआ काम हाय ने, ² आय बीहीरा केअता जर प्रेषित नैवेरी तेबी आय तेमा केहेता हाय आमे संशय नाहा तुमा प्रभुमे माआ प्रेषित पणाआ शिक्को हाय. ³ माआ चौकशी केअनाराने ई माआ उत्तर हाय. ⁴ आम्हाले खाऊलो पिवूलो अधिकार नाहा का? ⁵ बीईरा प्रषित प्रभु पाऊ नेते केया अे केअेता त्या प्रमाणे आम्हाले अेघी विश्वासी बोबही थेअे कीई लीने आरी लीजाआ अधिकार नाहा का ? ⁶ आजी एक माल आणे बगेबाले काम नेय केरूला अधिकार नाहा का ⁷ स्वत: खर्चा की सैनिक आखीन सेवा केणारो ऐहेडो केडो हाय केडो द्राक्षामोलो लागवेहे आणे तीया फोल खातो नाहा तेहकीज केडो टोलो राखेहे आणे टोलमेने गावडा दूध पीतो नाहा. ⁸ आयईया गोठया माहा चालीरीती की आखु का नियमशास्त्र ईज आखतो नाहा का ? ⁹ काहाका मोशेअे नियमशास्त्रामे लिखलो हाय की मोलबी केअतो वेरी त्या बोयलाल हिव्या बांधा नाहा देव बोयलाज कालजी केहे का? ¹⁰ का बादो काय आपु केअता तो ई आखे ई आपूज केअता लिखलो हाय यामे शौसो नाहा काहाका जो नांगरेहे तो आपु भग आवे ई आशा केअजो. ¹¹ आमा तुमावे जर का आत्माकी गोठया पोसल्या हाय ते आमा तुमाअ जगीक गोठया वाहुणी केऐये ते काम मोडाहाका ¹² जे बीहीरे तुमापेनी ईया अधिकार वाटो लेता ते आमा खेरे वाटा लेणारे काहा वेराने जोजे आणे ते बी आय या अधिकारा वापर केअेयो नेय पेण खिस्ता हारीगोठ ले आमा एडचण केरूलो नाय काहाका आमा खूप बादया सहन केअले. ¹³ जे मंदिरामेनी पवित्र वस्तु सेवा केअेने ते भवनामेरी ओन खातेहे आजे जे वेदी आगला उभे रेहेते ते वेदी भागीदार वेअेते ई तुमा जाअते नाहा का? ¹⁴ प्रभुये त्या होच आज्ञा देदली हाय का जे सुवार्ता वे हिकवुतेहे ते सुवार्तावे पोहते वेरी ¹⁵ पेण मामेनी केलाज गोठी आय किकधही वापर केयो नाहा तेबी माआ केअेता तेहकी करा म्हणून आय ईया गोठया लिखल्या नाहा काहाका ई माआ मोठेपण देखावा केडो नेय केरा पेक्षा माल मोरूलो हायेा पोटी. ¹⁶ काहाका आमे जेबी सुवार्ता आखुई तेबी अभिमान देखावुले माल कायजे नाहा काहाका माल ई केरूलो भाग हाय आय सुवार्ता आखनारो नाहा ते माल हाराप हाय. ¹⁷ काहाका ई माय मा मनोकी केअेयो तर माल मोरजी मीली पेण मा विरूध्द वेरी ते माये ओ कारभार होपी देवाम आलो हाय. ¹⁸ ते माय मोजरी काम ओतोज का , आय सुवार्ता आखु ताहा तो फुकट आखा जोजे आणे सुवार्ता विषयी मा अधिकारा खोटो वापर केहो नाहा ¹⁹ काहाका आय बादांहायने स्वतंत्र हाय तेबी खूब लोक मिला जोजे म्हणुन आय बादांहा मोजूर वेंयो. ²⁰ आम यहुमान मिलवाखातोर यहुदयाने यहुदयासारखो वेयो आय विमशस्त्र नेय तेबी आय नियमशास्त्रामे हाय ने. मिलवाखातोर नियमशास्त्रा हाय अेहेडो वेअयो. ²¹ आय देवा नियमा बारे नाहा पेण खिस्ता नियमशास्त्रामे नैय त्याहाले नैयरीया सारखो वेयो. ²² आणे आय कोमजोर आही त्याहाचे मिलदा खातोर कमजोर राहाने कमजोर सारखो वेयो आय होणाले होंगा होद वेअयो हाय म्हणने होगेा किईन आय जाहाकाले तारण केरा जोजे. ²³ आणे आय ई होगो काय सुवार्ता केहेता किईहु आय बी तियामे रीईन हाये. ²⁴ बादी दौवडफनारे होंगंज दौवडुतेहे पेण एकालुज बक्षीस मिलेहे तुमा जाआल नाहा काय आती तुमा ऐहेडा दौडा का तो तुमाले मिलवाहा. ²⁵ बादी केअेय मेहनत केहेणारा कोताक लोक कोतीक गेाठी मे ताीयारीम केअेहे तो पारवाणारा मुकुट मिलवाकेअता केअल पेण आमा नैरपारवाणारो मुकुट मिलवाकेअेता केअहु. ²⁶ तीया केअेता तेहकी आय दौवडुहू वायबार नाहा आय तेहकी मुष्टी प्रहार केहु वारगामे ठोवुलो केरूलो सारखो नाहा. ²⁷ पेण आय माआ डिले दाबाविईन दोडपी थोवुहु नै ते बीीहराणे आखुलो किईन आय सोतो काय केअेनारो पारजावुलामे उतलो वेरी.