¹ तुमा आमी माल लिखला गोठी केअता आय लिखीरिहीयो आपून बाठान माहिती हाय मूर्तीले देदल्या गोठीकेअता आपु जाअता, ज्ञानफुगवेहे पेण प्रिती उभी केअहे. ² आपु ऐघी गोठ जाअता अेहेकी केठाले होमजुता वेरी ता ती जेहेकी होमजा जोजे तेहकी आजीबी तो जाअतो नाहा. ³ पेण केडो देवावे प्रिती केअतो वेरी तो त्याआ माहाते देव वोहवेहे. ⁴ या केअता आमी मुर्तीले देदला वस्तु खाउलेा की आपु जाअनाका जगाम मुर्तीई काय बी नाहा आणे एका शिवाय बीहीरो देव नाहा. ⁵ काहाका होरगामे आणे तोरती वे देव आखीतेदला खुप वेरी काहाका खूब आणे खूब प्रभु वेरी. ⁶ पेन आमा केहता एकुज देव जो पिता तीया खातोर आमा जीवता आणे जीयोपेणे होगो दबजीगीयो आणे एकुज प्रभु जीया की आपु जीवतेहे. ⁷ बाठोजे माहाल ई ज्ञान वेरी अेहेकी नाहा काहाका कोताहाक जाआ लाग ते मूर्ती जे मानपान भोवताहा आणे त्याहा मानपान ओलको हाय ते ते अशुध्द वेहेता. ⁸ पेण माडा की देवा आगला आपु लायकी ठरती नाहा आपु नैय खाउलाकी की वेअता नाहा आणे खाउलाकी जाहाके ठरते नाहा.

⁹ पेण तुमा ई खातेय कमी वेरीता केलली प्रकारे अडखडनवेरा नै जोजे तीया कालजी ल्या. ¹⁰ काहाका मालूमान वेलोहाय जर तुल मुर्ती जागे मोडोता ऐघाम देखीलेदो आणे तोओ कमी थोलको वेरी तीया मोन मूर्तीले पुजलो वस्तु खावूला तीमरी वेरी का. ¹¹ आणे जीया केअता मोय गीयो ऐहेडो कोमी ओलकोवेरी तो पाहुले तोओ या मालुमाता की नाश वेरी. ¹² पेण तुमा जाहा ईया प्रकारे पाऊ विरूध्द पाप वीईन तीहाले कोमी आलको मोनकहाय तुमाले दुखावला हाय ताहा तुमा ख्रिस्ता विरूध्द पाप केअता. ¹³ हाती जाहा पऊले खाऊलाकी अडचण वेतो वेरी ता माआ पाऊल अडथळो वेरा खातूर आय तीया अडखळण वेरानेय जोजे याखातूर आय माहा खाणारो नाहा