¹ माय माहा आन दुवदुता बोली गोगतो वेरी पेन माअम माया नाय वेरी ता, माय वाजणारी थाली आण झंणझंण केअणारी झांजी होच हाय, ² माअम देवा गोठया आखणु शोक्ती वेरी माअम बाअदी गोअठी ग्यान वेरी, आन डोगुहु आलवी दिईव एहंडों विश्वास माअम वेरी, पेन जर माअम माया नाय वेरी ता माअय कायुज नाहा. ³ आन माय मा बांददा पोयसा गरीबाहान मांन्डो खा केअता दी दिईव, आन मा जिवतो शरिर बाअला केअता दी दिईव, पेन माअम मोंया नाय वेरी ता माअन कायज फायदो नाहा. ⁴ मोया माहन केअनारी हाय, ती केअला उपकार इतवुती नाहा, मोया हेवो केअती नाहा, मोया बोकाय नाहा केअती , ती फुगती नाहा. ⁵ मोया गैर रितीहीकी चालती नाहा, माअज हारो वेअरा जोजे एहकी नाहा, माअज हारो वेअरा जोजे ऐहकी इतवुती नाहा, चिडती नाहा, केअला उपकार आखी नाहा देखावती. ⁶ मोया खाराब गोठीम खुष नाहा वेअती, ता हारी गोठीम खुष केअहे, ⁷ मोया बादया गोठया सहन केअहे , बाददी गोठीप भोरूसों थोवेहे, बाददी गोठी आशा तेअहे, बादया गोठीम धरी तेअहे. ⁸ मोयाकीदीही खुटती नाहा,हा-या गोठया वेरी तेबी ते पारवाय जाअय,वेरी तेबी ते पारवाय जाअय आन ज्ञान वरी तो पारवाय जाअय, ⁹ काहाका आपु आपुरो जाअता आन , अपुरो भवीष्य आखताहा, ¹⁰ पेन जांहा पुरो तो आवी ताहा आपुरो पारवाय जाअय. ¹¹ जाहा आय हानो पोयरो आथो ताहा हाना पोयराहां होच गोगतोलो, आन आय पोयरा होचुज विचार केअतलो पोयराहा होचुंज होमजुतलो, पेन जाहा आय मोडो वेअयो ताहा हाना पोयराहा ते गोठया मायुय सोडी देदया. ¹² आपनेहेम आमी आरसाम चाखो चाखो देखहाय, पेन ताहा हुंबुर हुंबुर विअहु आमी मान होमजायहाय पेन आपुरोज, पेन फाचे माल जेहकी रितीहीकी ओअखुलाम आललों हाय, तेहकी आय बी पुरी रितीकी ओअखेहे, ¹³ आन आमी , विश्वास, आशा, आन मोया इ तिनी टिकणा-या हाय पेन इयामेने मोया मोडी हाय,