¹ देवाआ इच्छा की ख्रिस्त यीशुअ नीवडोलो चेलो वेरा केता हादयो तो पौल आणे पाउु सोरूचन या होवेने,

करिंथ शहराम रेणारी देवाआ मंडली, ताहा खिस्त यीशु पवित्र जाआ वेरा केता हादले हाय तियाहाल आणे आपु प्रभु यीशु ख्रिस्त.

² तेहकीज तिया व आमा प्रभु या नाव बाठा जागे लेनारे बाठा माहाय,

³ देव आपु आबो आणे प्रभु यीशु ख्रिस्त यापने कृपा व शांती रे. ⁴ ख्रिस्त यीशु तुमाहापे वेनारी देवाआ कृपाकेता आय केडीबीवेल तुमाकेता माआ देवाआ उपकार आय माने, ⁵ तियाय तुम्हाल गोठी बाबतीम बाठो गोगणू बाठा ज्ञानाम आणे भरपुरी की केले हाय, ⁶ जेहकी ख्रिस्ता विषयाम साक्ष खेरी हाय या खात्री तुम्हाम वेयी तियाय होस तियाय तुम्हालबी पुरे केले हाय, ⁷ ताहा तुम्हाल केल्ला बी आत्मिक दानाआ कमी नाहा तर तुम्हा आपु प्रभु यीशु ख्रिस्ताआ आवणु वाट वेरा. ⁸ तोच तुम्हाल शेवटलुग विश्वासाम मजबुत राखी जाहाकी आपु प्रभु यीशुअ ख्रिस्ताआ दिही आवी ताहा तुमा निर्दोष रा जोजे. ⁹ जियाय आपु पुत्र यीशु ख्रिस्त आपु प्रभु याआ आरी तुम्हाल हादले आथे, तो देव विश्वासु हाये. तर आमी पाउ प्रभु यीशु ख्रिस्ताआ नावम आय ताहा तुम्हाल विनंती किहुं की, तुमा बाठे एक बिहिरा आरी एक सारखा मोनाकी एकठेव्या आणे तुम्हामा मोनाम वाईट विचार नेय जोजे, तर तुमा एकाच हेतु की परिपूर्ण व्याहा. ¹⁰ काहाका माआ पाउ खलोवेआ माहापने माल एहकी आखाम आलो केी तुमामुच भानगुडया हाय, ¹¹ आमा आखणु एहकी हाय की तुम्हामने प्रत्येक माहु आखे. ¹² आय पौलाआ हाय आय अपुल्लोआ हाय, आय केफाआ हाय, आय ख्रिस्ताआ हाय, ¹³ ख्रिस्त जुदो जुदो वेलो हाय का पौल वधस्तंभापे तुम्हाकेता खिलाटलो आथेाका पौलाआ नावाकी तुमा बाप्तीस्मा वेलो हाय का ¹⁴ आय देवाआ आभार माणु की, क्रिस्प व गायह या शिवाय मायुय केडाच बाप्तिस्मा केयो. ¹⁵ याकेता की माआ नावाम तुमा बाप्तिस्मा केरा. आत्मे एहकी केडोच आखा नाहा. ¹⁶ स्तेफना को-या सुध्दा मायुय केडालच बाप्तिस्मा केलो हा तिया शिवाय बिहराल केडालुच बाप्तिस्मा केलो माल ईत नाहा हाय, ¹⁷ काहाका ख्रिस्ताय माल बाप्तिस्मा केरा केता नाहा तर हा-या गोठया आखा केता माल मोकल्यों ते सुध्दा मानवी ज्ञानाकी नाहा याकेता की ख्रिस्ताआ आडवा आठो उभा लाकडापने मरणाआ सामर्थ्य वाया वेरानेय जोजे. ¹⁸ काहाका जिया नाश वीरीयो तियाकेता वधस्तभां विषयी संदेश मुर्खपणाआ हाय पेन जिया तारण वीरीयो तिया केतां तो देवाआ सामर्थ्य हाय. ¹⁹ काहाका एहकी नियमशास्त्राम लिखलो हाय शाहानाआ शाहाणपण आय नष्ट केहे आणे बुध्दिवंताआ बुध्दि आय व्यर्थ केहे. ज्ञाना माहि की हाय विध्दान की हाय ²⁰ याजगाम वाद विवाद केनारे की हाय का नाही. ²¹ ताहा देवाआ ज्ञान रीन बी या जगाल स्वताआ ज्ञाना देवाल वोकी नाहा लेदो. ताहा आमा जो मुर्खपणाआ संदेश आखताह तियाकेता जे विश्वास थोवणारे हाय तिया तारण केराकेता देवाल हारो वाटी, ²² काहाका खुबुज यहूदी लोक ज्ञानाआ होद काडी. ²³ पेन आमा आडवा आणे उभा लाकडाप खिलाटे ख्रिस्त गाजवा केता ओ संदेश यहुदी लोकाकेता अडचन हाय आणे ग्रीक लोका केता मुर्खपणा ण्ह्रउो हाय. ²⁴ पेन जियाल हादलो हाय एहडा केता यहूदी व ग्रीक लोकाहाल बेण्या केता ख्रिस्त ओ सेदंश हाय तो देवाआ ज्ञान एहकी हाय. ²⁵ तियाकेता जिया तुमा देवाआ मुर्खपणा आखता तो माहा जाती शहाणआ तर जाहको शहाणो हाय, आणे जिया तुम्हा देवाआ कमीपणा कमीपणा होमजुते तो माहा जाती सक्तीमेने ते जाहकेा शक्तिशाली हाय, ²⁶ तर आमी देवाय तुम्हाल निवडुले हाय या विचार केरा माहा नोजरीकी तुमामने कोतेतेबी शहाणा सामर्थ्यशाली, उच्चे कुलामने नेय आथे, ²⁷ तिया केता जगामने जे मुर्ख तियाल देवाय निवडयेा याकेता की शहाणा माहाल फजितीम पाडा केता ²⁸ काहाका जगामने देवाय बगरीव आणे जियाल कायच इजत नाहा हाय ते उगडचे तियाल निवडुले हाय की या केता की जे कायतेबी हाय तियाहाल उगडये केराकेता. ²⁹ याकेता की केडोबी माहु देवाआगला मोडायकी केरा नेय जोजे, ³⁰ काहका तो ख्रिस्त यीशुम तुमा जीवनाआ उपजा रो हाय आने देवाआ देणगी ई आपु ज्ञान आपु नीतिमत्व, आपु पवित्रकरण आणे आपु सोडवुनारो एहकी वी गीयो. ³¹ याकेता की नियमशास्त्राम एहकी लेखलो हाय, जो अभिमान केह तियाय परमेश्वरा विषयी अभिमान केरा जोजे.