¹ Musule lyayaya ndakabona bangelo bone balinvwi azyoko zyone zyanyika, bajata mauwo one yanyika kutegwa luwo lutaungili ansi, nimuba mulwizi, nikuba kumusamu nuli buti. ² Ndakabona omwi mungelo wakazwida kujwe, kajesi ecidityo ca leza upona. Wakaongolola ejwi pati kulabo bangelo bone bakapegwa nguzu zyokunyonyona nyika olwizi. ³ "Mutanyonyoni nyika, o lwizi, naaba masamu, mane kusikila tubabike cididnto ankumo babelesi ba leza wesu. ⁴ Ndakaswilila mweelwe wababo bakabikwa cidinto: zyuulu zili myanda iili makumi one azine, aabo bakabikwa kuzwa kumishobo yeense ya bantu ba Isilaeli. ⁵ Zyuulu zili ikumi azibili kumushobo wa Juda bakabikwa cidinto, zyuulu zili ikumi azibili kuzwa kumushobo wa lubeni, zyuulu zili ikumi ezibili kuzwa kumushobo wa Gadi, ⁶ zyuulu zili ikumi azibili kuzwa kumushobo wa Asa, zyuulu zili ikumi azibili kuzwa kumushobo wa Nafitali, zyuulu zili ikumi azibili kuzwa kumushobo wa Manase. ⁷ Zyuulu zili ikumi kuzwa kumushobo wa Simiyoni, zyuulu zili ikumi ezibili kuzwa kumushobo wa Levi, zyuulu zili ikumi ezibili kuzwa ku mushobo wa Isaka, ⁸ zyuulu zili ikumi ezibili kuzwa kumushobo wa Zebuluni, zyuulu zili ikumi ezibili kuzwa kumushobo wa Josefa, ape e zyuulu zili ikumi ezibili kuzwa kumushobo wa Benjamini bakabikwa cidinto. ⁹ Musule akoku ndakalanga mponya kwali inkamu impati yatalikubalika naba omwi bazwa kuzisi zyeense, kumishobo, kubantu, mane abamishobo balinvwi kunembo lyacibbula cobwami okunembo lyo mwana mbelele. Bakwete majasi aatuba kumwi kabajesi a malala mumanza abo. ¹⁰ Ape bakoongolola ejwi ati bati "lufutuko ndulwa leza wesu, ukede acibbula cobwami, oku mwana mbelele. ¹¹ "Bangelo beense bakaima kabazingulukide cibbula comwami okuzyunguluka bapati zilenge zyone. Bakalibwala ansi cokuvundama kunembo lye cibbula cobwami. Bakomba leza, ¹² bati, Äkube namu! Atembaulwe, apegwe mulemu, busongo, alumbwe, alemekwe, enguzu, zibe kuli leza lyense lyeense akube namu ¹³ "Mponya umwi wabapati wakandibuzya, Ïno aabe bazwete majansi atuba mbani, ape ino bawai?" ¹⁴ Mebo ndakati kuli nguwe,"mwami ndiwe ozi,"ape wakati kuli mebo Äba mbabaya bakazwa mumapenzi mapati. Bakasanzya majansi akwatubya mubulowa bwa mwana mbelele. ¹⁵ Mukambo aka, bali kunembo lye cibbula ca lea, balamukomba sikati amasiku mu tempele lyakwe. Mponya oyo ukede acibula cobwami uyokala akati kabo. ¹⁶ Tabakoyofwa limbi nzala, niku ba nyota ape andilyo izuba talikoyobabala nikuba kupiya kwe tukuta. ¹⁷ Nkambo mwana mbelele, okubazulwida kutusensa twemaanzi abuumi, mponya leza uyosansamuna misozi yeense kumenso aabo.