¹ Ino nindakasika kuli nywebo, nobazyalwama, takwe nindakazida kuti nkambauke makani a Leza asisidwe mumajwi okucenjela nikuba mubusongo. ² Kambo ndakasala kutaziba cintu niciba comwi akti kenu pele buyo jesu kilisitu, oyo wakankaminya ampanda. ³ Ape ndali anywibo mubutetete, akuyowa okubimba kupati. Makani angu okukambauka kwangu tizyali kucitwa amajwi masongo okosongelezya. ⁴ Pele amajwi muya enguzu, ⁵ Kuti muzumino wenu kutabi mubusongo bwabantu, pele kuti ube munguzu zya leza. ⁶ Ino kuli abo akati kenu bakakomena mumuya wabo, tulaakanana busongo nikuba kuti tabwinsi busongo bwecindi ecino, nibuba bwa bendelezi becindi cino, belede kufwa. ⁷ Pele swebo tukana busongo bwa Leza buvumbidwe ape busisidwe, mbwakakanzya Leza cindi kuti butubede mulemu bwesu, zindi kazitano-legwa. ⁸ Takwe naba oumwi wabaleli becindi ecino wakabunvwisya, kambo nibakabunvwisya, nibataka mukankamina mwami wo bulemu. ⁹ Pele mbuli mbukulembidwe, kuti ''ezyo zitanobonywa elinso, na kunvwigwa okutwi, ezyo zitanonjila mu-moyo wo muntu, nzyezizyo Leza nzyababambilde abo bamuyanda. '' ¹⁰ Pele Leza wakazyubununa kuli swebo kwinda mu muya. Kambo muya ulalingula zintu zyonse, naba makani malamfu aLeza. ¹¹ Kambo nguni uzi mizezo yo muntu pele muya womuntu uli mu camba cakwe mweni? mbaya obo takwe muntu ukonzya kuziba mizezo ya Leza, pele muya wa leza. ¹² Pele takwe utwakata mbula muya we nyika pele muya uzwa kuli Leza. Kucita kuti tukanvwisisye zipego Leza zyakatupa. ¹³ Mpawo tulakanana zintu ezyo kutayinsi amajwi ayisigwa ubusongo bwabantu pele ayisigwa omuya, mpawo tulapandulula zintu zyo-muya kubantu bo muya. ¹⁴ Mpawo abo batainsi bomuya tabatambuli zipego zyomuya wa Leza, kambo zyo mbufubafuba kuli mbabo. Ape tabakonzi kuznvwiwa kambo zinvwigwa buyo o muya. ¹⁵ Oyo wumuya ulatweluka zintu zyonse pele tayatulwi omuntu naba omwi. ¹⁶ Kambo nguni uzi mizezo yo mwami kuti amuyusye? pele tulijesi mizezo ya kilisitu.