¹ Amwiye mebo, mbubonya mbuli mbweyiya Kilisito. ² Ndamulumbaizya nkambo mulandiyeya muzintu zyense, okujatisya ziyo zyense mbubonya mbuli mbundakamusila ezi. ³ Pele ndiyanda kuti mumvwisisisye kuti mutwe wo muntu ngu Kilisito, ape mwalumi ngo mutwe wo mwanakazi wakwe, mponya Leza ngo mutwe wa Kilisito. ⁴ Kufumbwa mwalumi ukomba nanga kusisima kalivumbide kumutwe ubausya mutwe wakwe. ⁵ Pele kufumbwa mwanakazi ukomba nanga kusinsima katalivumbide kumutwe ubausya mutwe wakwe wangelwa. ⁶ Kuti mwanakazi kalivumbi kumutwe, ulelede kugelamasusu akwe, pele kuti kacifwisya nsoni kuti mwanakazi wagelwa masusu akwe nikuba konyolwa, mponya welede kulivumba ntaulu. ⁷ Nkambo mwalumi taelede kulivumba kumutwe wakwe ne, nkambo inguwe ncikozyanyo ape mbulemu bwa Leza, pele mwanakazi ncikazyanyo comwalumi. ⁸ Nconzyo, mwalumi takwe nakalengwa ku mwanakazi, pele, mwanakazi wakalengwa kuzwa ku mwanalumi. ⁹ Ape mwalumi takwe nakalengwa mwanakazi, pele mwanakazi wakalengwa mwalumi. ¹⁰ Mukambo ako mwanakazi mwanakazi welede kuba citondezyo ce nguzu amutwe wakwe, ankambo ka banjele. ¹¹ Nikuba namuygi mu mwami mwanakazi tajesi lwangunuko ku mwalumi, naba mwalumi tajesi lwangunuko ku mwanakazi. ¹² Nkambo mbubonya mbuli mwanakazi, mbwakazwa ku mwalumi, anguwe mwalumi ulazwa ku mwanakazi, pele zintu zyense zizwa kuli Leza. ¹³ Amulebeteke nobeni. Ino kulelede kuti mwanakazi akombe kuli Leza katalivumbide kumutwe? ¹⁴ Ino moyo tautuyisyi kuti neensoni kuti mwalumi kajesi masusu malamfu, mbulemu bwakwe? ¹⁵ Nkambo masusu akwe akapengwa kuli nguwe oleza kuti chibe chivumbyo cho mutwe wakwe. ¹⁶ Pele kuti na muntu uyanda kukazya nkani ezi, ndamba kuti tatujesi chilengwa chimbi, niziba nsangano zya uza ne. ¹⁷ Pele munkani nzyeyanda kumulailila ino, nsikonzyi kumulumbaizya, nkambo nimubunyana tainsi kokubotyane, nkulumbizya buyo. ¹⁸ Nkambo cokusanguna, chindi nchimubungana mbuli lusangano, ndamvwa kuti kuli kwandana akati kenu, mponya kanini buyo ndazumina-zumina amakani aya. ¹⁹ Nchonzyo kulelede kuti kube kwandana akati kenu, kutengwa basyomeka akati kenu balibonye kabotu. ²⁰ Ino nimubungana antomwi, tainsi chilalilo co mwami ne. ²¹ Nkambo chindi nichasika kuti mulye, umwi oumwi wenu walya chilyo chakwe mweni, mponya umwi ulafwa nzala, umwi ulakolwa. ²² Ma! Ino tamujesi manda okulida okunywida? Na mulasampola lusangano lwa Leza okubasya nsoni bachete? Ino ndimbwambile buti? Ino ndelede kumulumbaizya. Munkani ezi msimulumbaizyi ne! ²³ Nkambo mebo ndakatambula kuzwa ku Mwami echo nchindakasila nywebo, chokuti Mwami Jesu masiku ayo ngonya ngakabwa, wakabweza chinkwa, ²⁴ mponya nakamana kulumba, wakachikomona, wakati, "Oyu ngomubili wangu ngwemukomweda, kamuchita namuya kundiyeya." ²⁵ Munzila njiyonya wakabweza nkomoko bamane kulya, wakati, "Nkomoki eyi nchizuminano chipya mu bulewa bwangu. Kamuchitanamuya, kufumbwa chindi nchimunywa, kuti mundiyeye." ²⁶ Nkambo kufumbwa chindi ncimulya chinkwa echi okunywa nkomoki eyi, mulambilizya lufu mMwami kusikila akabole. ²⁷ Mukambo ako, kufumbwa ulya chinkwa okunywida munkomoki yo mwami kataelede, uyoba o mulandu ku mubili okubulowa bo mwami. ²⁸ Ino amulebeteke nobeni, kwamana buyo amulye chinkwa okunywida mu nkomoki. ²⁹ Nkambo bense balya okunywa kuseswa kwabo. ³⁰ Ankambo ako bunji bwenu nchimuchiswa okuteteta, ape bamwi balafwa. ³¹ Pele kuti nitwalikulibeteka lwesu kabotu, nitwatalikubetekwa ne. ³² Pele chindi nchitwabetekwa omwami, twasubuwa, kutegwa tutakasinganizigwi antomwi nyika. ³³ Ino nobenzuma, chindi nchimubungana ntomwi kukulya, amulindilane. ³⁴ Kuti na timwide nzala alye kunganda yakwe kutegwa nimubungana antomwi, kutabi kusinganizigwa ne. Nkani zimwi ndiyomulailila ndakubola.