^{1 3} Paulu,ngamba ya Yesu Kilisitu,uje bathanene kupwa muluwa na ku mwandumuna amulonga wa muthzimbu wa ubwa wa Njambi. ² Ujoni wa kulahethele a kulinga kwitila mu tupolofita twendi a muthona a kuthzila, kwendeka ha Munendi uje wapwile wa ku chikota cha Ndavita kwetheketha na mubila. ⁴ Kwitila mundthzindthzime wa kuthzila bamwambulwile na bindthzili kukla Muna Njambi kwitila mu kuthanguka ku bathsi,Yesu Kilisitu mwene yetu. ⁵ Kwitila muli ikeye tuna tambula ngothzi na buluwa a mulonga wa kwononoka kukulahela hakati ka mafuti oshe, ha mulonga wa lithzina lyendi. ⁶ Hakati ka mafuti awa,neni lalo bana mithana ngechoni mu pandame kuli Yesu KIlisitu. ⁷ Kuli boshe mu Loma baje babathzema kuli Njambi na kubathana kupwa banu bendi ba kuthzila: ngothzi kuli yeni na kwoloka kwa kufuma kuli Njambi Tate yetu na kuli mwene Yesu Kilisitu. ⁸ Chaku bangelela,nji kandelela Njambi yange kwitila muli Yesu Kilisitu,a mulonga weni mubaboshe,mwafwa likulahelo lyeni balioni naku lyambulula mu kaye koshe. ⁹ Omu Njambi ikeyeni mukaleho wange,uje nji kapangela mu mundthzindthzime wange mu muthzimbu wa ubwa wa munendi, aku mitumbula ku njika mitambula thimbu yoshe. ¹⁰ Chojo thimbu yoshe njili na kulomba mumalombelo ange ngwe mungila imo nameme ikwabo njathe athimbu ino mu chithzango cha Njambi kwija kuli yeni. ¹¹ Mwafwa njitonda ku mi mona,mangana nji myane bwana bwa ku mundthzindthzime,ngechi njinakutakametha. ¹² Chojo,njili na kushwingwiya bgwe twa kulikwathe tubaboshe hakati keni,kwitila mu likulahelo lya umo na mukwabo,lweni nolu lwange. ¹³ Olonini ku njitondo mujeneke ku tanekeya,bandolome,ngwe lwalwingi njina thinganyekele kwija kuli yeni olojo njinonowele kwija kweta na thimbu bene ino), mangana nja kulaleko lalo,ngwe omwoni Cho,ngwe njinakele nabwo hakati ka bakamafutiba kwabo. ¹⁴ Chojo njili na likongo kwonshe na kuli ba Njentile na kuli maitandinda,kwoshe kuli baka maana kuli bilema. ¹⁵ Cho,ngwe kuli yangeni,njina hyana kwambulula muthzimbu wa ubwa na kuli yenyoni muli mu Roma. ¹⁶ Mwafwa kunjethzileho na shwanwa a muthzimbu wa ubwa,akulinga ukewo bene ndthzili ya Njambi ya kuyoboka kwa boshe baje bakakukulahela,kuputukile kuli ba Yunda na kweta kuli ba Ngiliki. ¹⁷ Mwafwa muli ukewo mu kunwowa mu na jombolola ku thungama kwa Njambi kutunda kuku kulahela,ngwe mujoni ba chothoneka ngwabo, "Baje baka kuthungama baka kuyoya na likulahelo." ¹⁸ Mwafwa bukalu bwa Njambi busholoka kutunda mwilu na kwija ali bubi bwoshe na ku pengapenga kwoshe kwa baje banu ba kupengapenga ba kashweke buthiunga. ¹⁹ Echi chinafu nuje mwafwa chije ba thzubuka ali Njambi china shi=oloka kuli bakebo.Mwafwa Njambi naba nangula. ²⁰ Mwafwa bifwa byendi bije kutwatha kumona,bya kupwa ngwe ndzthili yendi ya myaka yoshe na kufwa chendi cha bu Njambi,bana bimwononi bwino ,kutunda bene a thimbu ya tangele kaye,bana bithzibukila mu byuma bije bana tanga. Chojo ku bethyoni na kulithambetha embwe. ²¹ Echi chinafu ngachije mwafwa , nambe ba thzubukile bya Njambi,olojo kuba kel na kumulemetha ngwe Njambi,nambyoni ku mukundelela embwe. Namu kujeneka kulinga ngachije,cho bemukile bilema mu bithinganyeka byabo,chojo na bimbunge bya byabo bije bya kujeneka bithinganyeka bya bibwa bya thzibalele. ²² Cho bendekele ngwabo baka mana,olojo benukile bilema. ²³ Ba tumbathanene bumpahu bwa Njambi wa kwilila na bifwa bya chimwetho cha munu uje akayoyo kthaimbu kakndondo lika,nechi cha tuthzila awana,na chije cha byuma bije bya kalaba athi. ²⁴ Chojo Njambi wa bondomwenene ku mashungu byabo kijwela,manganoni mibila yabo bajeneek ku ithinganyeka akati kabo. ²⁵ Mwafwa bakebo ba tambuthanene buthunga bwa Njambi na makuli,na kulemetha na kupangela bijoni batangele ku tubakana babenyauje wabitangele,uje wa kukwithula a myaka yoshe. Ameni. ²⁶ Naha mulong wechi,Njambi wa bondamwenene ku mashungu a shwamwa,mwafwa banakathzi babo batumbathanene mwa ku lingila bya kuthzila. ²⁷ Mungila bene imo lika,na banalume lalo bathetela kukala na banakathzi na kukaloni na lishungu lyakama lya kulitonda na bakwabo banalume. Cho aba bapwile banalume bajoni ba lingile bije bya shwama manene na bakwabo banalume chojo ba wanenenemo milonga ije ya lipandele na kubilihitha kwabo. ²⁸ Akulinga bakebo kubatabele ku thzubuka Njambi,cho nendyoni wa bondomwenene ku bithinganyeka bya bubi,mangana bakale na kulinga byuma kupandelele. ²⁹ Chojo bana shulumo na ku penga penga kwoshe,na bukenya,na chipululu,na chithzindo. Bana shulumo na chipululu,na na kuthsa na lwothzi,na kukwita,na bithinganyeka bya bubi. Bapwa baka kufweya, ³⁰ na baka kutomba,na baka kuthzinda Njambi,nabaka likamba,na baka kuyongola bingila bya ku lingilamo bya bubi; baka kujeneka kwononoka bithemi babo. ³¹ Cho bakala kujeneka mangana,bakujeneka likulahelo,bakujeneka mema ku mbunge. ³² Bathzuka mashiko a Njambi,ngwabo boshe baje baka lingi ebi byuma bya kufwa ngachije banapande lika lika kuthsa.Olojo ntulika ngwabo baka tabetha na boshe baje ba kakulinga.