¹ Paulu na Timoteya,bangamab ba Kilisitu Yesu,kuli boshe banu ba Njambi bakuthzila muli Kilisitu Yesu baje bali ku Filipu hamolika na mambishopu na masasidoti. ² Kuli yeni kukale ngothzi na kwoloka na kwoloka bya kutunda kuli Njambi Tate yetu na Mwene yetu Yesu Kilisitu. ³ Njikakandelela kuli Njambi yange thimbu yoshe ije njika myanuka, ⁴ thimbu yoshe,mulilombelo lyange hali yeni mubaboshe,kulombela lilombelo lyange na kubwahelela ⁵ ha mulonga wa kupangela hamo kweni namge muchipangi cha muthzimbu wa ubwa kutunda bene litangwa lya kulibanga kweta na lelo lino. ⁶ Chojo njina kulahela ngachije ngwange uje be wa shangamukile echi chipangi cha chibwa muli yeni a twalelelaho na ku chimanethelela kwetoni na ha litangwa lije lya kwija kwa Yesu Kilisitu. ⁷ Chojo china fwila yange kulinga ngwabo nji thzibe ngachije hali yeni mubaboshe mwafwa mwa kala mu mbunge yange. Mubaboshe muna kala na kupangela hamo nange mu ngothzi hathimbu ya kunjaka mu kamenga na ha thimbu ya kunjohyela na kuthzameketha muthzimbu wa ubwa. ⁸ Mwafwa Njambi ikeye bene nukaleho ya thzubuka omwo munjamishakela yange na chikeketima cha Kilisitu Yesu. ⁹ Chojo eli likelyo lilombelo lyange: ngwange chithzemo cheni chi tumineko manene mukuthzubuka na muku thzibihitha kwoshe ¹⁰ ngechoni mwathe kwangula bije bya bibwa manene,mangana mukale ba buthunga na baje bakujeneka katenga kweta na ha litangwa lya Kilisitu, ¹¹ na kushulano na bushuka bwa kuthungama buje bwa kwitila muli Yesu Kilisitu buje butwala ku bumpahu na kushangathzala Njambi. ¹² Chonini njitonda yenioni muthzubuke ngechi,bandolome,ngwe echi china lingika kuli yange chi na kwatha mwa kama bene ku twala ou munthzinthzime wa ubwa ku lutwe. ¹³ Omu a mulonga wechi,baje boshe baka kunyunga lipela na boshe bakwabo lalo bana thzubukkoni bwino ngwabo ban nji kutila a mulonga wa Kilisitu. ¹⁴ Chojo bwingi bwa bandolome yetu balioni na likulahelo lwa kama muli Mwene a mulonga wa kunji kuta kubananji kutu yange,cholalo bana thimpi mu kwambulula lijwi a kujeneka lyoba. ¹⁵ Eyo bamo babo bali na kwambulula Kilisitu ku tundilila lika mu chipululu na mukulilwitha umo na mukwabo,olojo kuli lalo na bakwabo baje bali na ku chilinga mu bithinganyeka bya bibwa. ¹⁶ Chojo aba ba kukotokela bali na ku chilingila kutunda mu chithzemo,mwafwa bana thzubuka ngwabo bana njaka muno a mulonga wa kwamena muthzimbu wa ubwa. ¹⁷ Olonini aba ba kulibanga bali na kwambulula Kilisitu kutundilila mu kulishaka,kethi ngwe mu buthunga embwe.Mwafwa bali na kuthinganyeka ngwabo banatha kunji yandetha manene a in thimbu nji chili mu malyenge. ¹⁸ Chojo bationi? Nambe ngocho mungila imo na ikwabo - nameme kutundilila kubiyongola bya makuli indi nambe bije bya buthunga - Kilisitu bana banamwambulula bene,chojo nange njina bwahelela, ¹⁹ mwafwa njina thzubuka ngwange echi chitwala ku kupatuka kwange echi chitwala ku kupatuka kwange kwitila mu malombela eni na bukwathi bwa munthzinthzime wa Yesu Kilisitu. ²⁰ Chojo chinapukutalelela change cha ntwima na chinyangabili change ngwange kubaka njithzibitha shwama nameme kamandondo embwe,olojo nakuthimpa kwoshe,athimpu bene ino ngwe na ha thimbu oshe lalo,Kilisitu ba mujundule na ku mithingimika mu mubila wange,nambe mu kuyoya indi nambe mu kuthsa. ²¹ Mwafwa kuli yange kuyoya Kilisitu chojo kuthsa chinapu nganyo. ²² Olonini ngwe ngwabo nji yoye mu mubila,cho echi kuli yange chipwoni ku wethzelelako ku bipangi byange. Cho chilioni chinjangulaho tai? Kunji thzubka bwino. ²³ Mwafwa bana njithindakana manene mukati kebi byuma bibali. Bishungwiya byange kwa kuya naku kakala na Kilisitu,chije china hyana ku bwaha, ²⁴ olojo ku tumbama kwange muli ou mubila chakama lalo manene a mulonga weni. ²⁵ Chojo nakukala na buthunga obo,njina tanekaya ngwe njinapande kubandamena na kutwalelel neni mubwathe,ha mulonga wakauya kutwe kweni na a kumbwahelela kweni mu likulahelo, ²⁶ mangana kwitila yange mu wanioni a ku lyalethelaho muli Kilisitu Yesu omwo nji kaija lalao kuli yeni. ²⁷ Olonini munapande kuyoya mukutumbamenena kaje kana lipande na muthzimbu wa ubwa wa Kilisitu,managanoni nambe kunjethi neni,njathe ku thziba byeni,ngwe munemana mbee mu munthzinthzime, mubutumbe bumo lika boshe bya ku kwatelela na ku twla lutwe buthinga bwou muthzimbu wa ubwa. ²⁸ Chojo kethi bamithzibithe lyoba bitothzi beni mu chifwa choshe choshe. Omu echi chikechoni chipwa chimwetho kuli bakebo cha kunyonga kwabo,olojo cha kwoboka kweni - kuje kwa kutundilila kuli Njambi. ²⁹ Mwafwa yeni bana myana bwana a mulonga wa Kilisitu kethi lika ngwe mulonga wa Kilisitu kethi lika ngwe mu kulahele muli ikeye,olojo na ku mu yandela lalo, ³⁰ akulingoni neni nawa mulinakwita mu ndthzita ijeben i mwa mwene muli yange,cho eyi bene inji chilimo na lalo lino.