¹ Mutondo-tondo halitangwa lya kulibanga mu semana,bethzile ku mbumbo,banenele bing'undu biba bwaethele. ² Bawanene limanya banali tundithako ku mbumbo. ³ Cho bakobelelemo,oloni kubawannemo mubila wa Mwene Yesu Kilisitu. ⁴ Cho chalingiwile,oku banalikomokela,bwathi-bwathi,banalume babali banthzala buthalo bwaku byathzima manene bemanene kuyehi nabo. ⁵ Omwo baje banakathzi bathzile lyoba bakulumanene hathi,bendekele kuli baje banakathzi ngwabo,"omwo bikajo mushathzeka muka kuyoya ha kati kabathsi? ⁶ Wayimo muno,banamuthangula!Anukeni muje wendekele kuli yeni omu wakele mu Ngalileya, ⁷ ngwendi muna munu banapande ku mwana ku maboko abaka-bubi linga baka mu shukike,cho munima ya matangwa atatu aka thanguka lalo." ⁸ Cho baje banakathzi banukile majwi endi ⁹ batundile ku mbumbo cho bambulwile byuma byoshe ebi kuli baje likumi na umo na kubakwabo boshe lalo. ¹⁰ Maliya Mandelena, Njowana,Maliya baina ya yakomba,na banakathzi bakwabo lalo mubakelele hamo bambulwile byuma ebi kuli miluwa. ¹¹ Oloni ou muthzimbu miluwa ba umwene ngwe wakujeneka seo,kubaba kulaelele baje banakathzi. ¹² Oloni Petelu wa katukile na kushatukila ku mbumbo,cho,washumbilililemo,wa mwene lika binanga.Petulu welukile kwimbo lyendi,na kulikomokela a byuma bya lingiwile. ¹³ Taleni,baje babali lije bene litangwa bakele nakuya ku limbo limo libatumbwile ngwabo Emausi,nunda ya kwoo ya pwile likumi na imo kutunda ku Yelusalema. ¹⁴ Bakele na thimutwiya akati akabo a byuma byoshe bije bya lingiwile. ¹⁵ Cho omu chalingiwile,omu bekele na kwendeka na ku yongola,Yesu babenya wa shwenyene cho waile amo nabo. ¹⁶ olojo mesho abo kubawatabethele linga bamuthzibuke. ¹⁷ Yesu wendekele kuli bakebo ngwendi, "Bing'anda mukajo muli nakuthimutwiya eni babali oku mulinakwenda?" Bemanene cho basholokele kukala na buthiwa. ¹⁸ Cho umo wabo, lithzina lyendi lyendi Kilyopase,wamukumbulwile ngwendi,"yobe lika umungenthzi mu Yelusalema uje kathzibuka bika bina lingiwa kuje mu mutangwa awa ndi?" ¹⁹ Yesu wendekele nabo ngwendi,"Byuma bikajo?" bamukumbulwile ngwabo, "Bya Yesu waku Nazaleta,uje wapwile mupolofita,wanthzili,mubilinga na mulijwi kuli Njambi na banu boshe. ²⁰ Cho nomu bakulunu bamalombelo na bantwamena betu ba mwanene linga bamuthsiye na kumushukika. ²¹ Cho twakele nalikulahelo ngwetu ikeye aka patula Isilaele.Eyo,bika lalo bya bingi,linapu litangwa lya muchitatu kutunda aje alingiliwe byuma ebi. ²² Oloni, banakathzi bamo ba mbunga yetu batukomokethele,omu bamenekelele ku mbumbo mutondo-tondo. ²³ Omwo kuwanene mubila wendi,belukile,nakwendeka ngwabo nabakebo bamwene chimona cha tungelo baje babalekele ngwabo ali nakuyoya. ²⁴ Cho banalume bamo baje bakele netu baile ku mbumbo, bakawanene ngwe mujebene bendekele banakathzi.oloni kuba mumwene." ²⁵ Cho Yesu wendekele kuli bakebo ngwendi,"Eni bilema bakakwishwala kukulahele bije byoshe bibendekele tupolofita! ²⁶ Nkumani Kilisitu kapandele kuyanda ha byuma ebi,nakukobela mubumpahu bwendi?" ²⁷ Cho shangumuka kuli Mosesa kweta na kuli bapolofita boshe, Yesu walumbunwine kuli bakebo bije bendekele bya bya kutumbula ikeye mubisoneka byoshe. ²⁸ Omwo betele kuyehi na limbo kuje bakele na kuya,Yesu walingile ngwe atubakana kuya kulutwe. ²⁹ Olojo bamuthindiiye, ngwabo,"Unapande kukala netu,mwafwa chingwethzi litangwa linatoko."cho Yesu waile nakukakala nabo. ³⁰ Cho chalingikile,omwo watumbamene nabo na kulya,wanonele likende,nakulibethzikitha,cho walipujwile,wa lyanene kuli bakebo. ³¹ Cho mesho abo a shokolokele,cho bamu thzibukile, cho walabukile kumesho abo. ³² Cho balyendekethele umo na mukwabo ngwabo? "Nkuma bimbunge byetu kubyethzukile,omo nakele nakwendeka netu mungila,nakutu shokolwela bisoneka ndi?" ³³ Bakatukile athimbu ije bene belukile ku Yelusalema.Bawanene baje likumi naumo banalikungulula hamo nabaje bakwabo bakele nabo, ³⁴ bendekele ngwabo,"mwabuthunga bene mwene na thanguka,nalisholola kuli Simoni." ³⁵ Cho balangulwile bije bya lingiwile mungila, omwo Yesu walisholwele kuli bakebo mukupujwila likende. ³⁶ Omwo bakele nakwendeka byuma ebi,Yesu babenya wemanene hakati kabo,wendekele kuli bakebo ngwendi,"Kwoloka kukale neni." ³⁷ Bathzibile lyoba lyakama,omo bayongwele ngwabo banamono ndumba ya munu. ³⁸ 40 Yesu wendekele nabo ngwendi,"omwo bikajo munalijujukila?omwo bijajo muli na biihula mubi mbunge byeni? ³⁹ Kengeni maboko ange na myanja yange,ngechi yange bene. Njikwateni mutale. Mwafwa ndumba ya munu kakele na mubila na bithsiya,ngwe ebi mwamono njili na byo." ⁴⁰ Omwo wendekele ebi,waba mwethele mumaboko endi na mu myanja yendi. ⁴¹ Nameme ngocho kubakulahelele mwafwa ya ku bwahelela, cho balikomokela. Yesu wendekele kuli bakebo ngwendi, "Muli na byakulya ndi?" ⁴² cho bamwenene mbathzubwila ya ithi wakuteleka, ⁴³ cho wamwambatele naku mulya ha mesho abo. ⁴⁴ Wabalekele ngwendi,"Awa akeo majwi ange njendekele neni,byuma byoshe bije basonekele mu lishiko lya Mosesa na bapolofita na mu myatho binapande kulingiwa. ⁴⁵ Cho washokolwele mana abo, linga bathzibuke bisoneka. ⁴⁶ Cho wendekele nabo ngwendi, "Basoneka ngwabo,Kilisitu na pande kuyanda cho akathanguka ku bathsi munima ya matangwa atatu. ⁴⁷ Kutenguluka na kukonekela kwa bibi bakabyambulula mulithzina lyendi ku mafuti oshe,kushangumukila mu Yelusalema. ⁴⁸ Yeni munapu bakaleho ba byuma ebi. ⁴⁹ Taleni,njili nakumitumina bya kulahethele Tate.OLoni munapande kukala munganda noho bakamithzika nthzili ya kutunda kwilu. ⁵⁰ Cho Yesu wendekele nabo nomu betele kuyehi na Mbeteniya.Wajundwile maboko endi na kuba bethzikitha. ⁵¹ Cho bya lingikile,omu mwakele naku babethzikitha,walyangunukile nabo cho bamwambatelele mwilu. ⁵² Cho bamulemethele nomu mubelukile ku Yelusalema bapwile nakujolela manene. ⁵³ Thimbu yoshe bakele mu tembele,nakushangathzala Njambi.