¹ Cho wabatelele chithimo cha chakubalongetha mubanatela kulombela na kujeneka kujuka, ² wendekele ngwendi, "Kwakele nganda imo kwakele muka kusompetha uje katewele Njambi nambe kwana kathingimiko banu. ³ Cho kwekele fwile umo muje bene mu nganda,cho wakele na kwija kuli ikeye,ngwendi, 'Njikwatheko na kunjaakwila kuli uje chitothzi.' ⁴ Hathimbu yakama kashakele kukwatha uje fwile,oloni wayongwele mumbunga yendi ngwebdi, 'Nambe kunjethi kutewa Njambi nambe kutewa munu, ⁵ Mwafwa ou fwile ali na ku kunjana kalwa,cho njikamukwatha mukubatula mulonga wendi, kutewetha akatwaleleho kulipaketha kwija ija. ⁶ Cho Shukulu wendekele ngwendi, "Tolilileni bije byendeka uje muka kusompetha wa kujeneka kwamena. ⁷ Cho Njambi kakanene lalo kwa kwamena kuli bendi baje bangwile bakalilila kuli ikeye mutanya na muthsiki? kuma kakeshwala kubamena ndi? ⁸ Njimileketha ngwange anenankubamena bwathi bwathi. Nambe ngocho,omu Muna Munu akawanaho kukulahela hano hathi tahindi?" ⁹ Cho wabatelele lalo chithimo kuli banu baje balikulahelo babenya ngwabo baka buthunga nawa bakashaula bakwabo banu, ¹⁰ "Banalume babali baile mutembele na kuya na kulombela - umo wapwile ka Faliseo cho mukwabo wapwile muka kufwetetha lithimu. ¹¹ Uje ka Faliseo wemanene na kulombela ebi byuma ngwendi. 'Njambi,njakukanndelele mwafwa yange kunjalifwile ngwe aba banu bakwabo - bakakupungula,banu bakakulinga bubi,baka bupangala - nambe baje bakateletha lithimu. ¹² Njikathila kulya lubali mu chalumingu. I kana cha bu likumi.' ¹³ Oloni uje muka kufwetetha lithimu,wemanene hanjala,kathele nambe kwandula mesho endi kwilu,oloni walipupule ha nulo yendi,nakwendeka ngwendi,'Njambi,njithibileko ngothzi yange, muka bubi.' ¹⁴ Njimileka ngwange,ou munu welukile ku njubo yendi bamuthambethele kuhyana uje mukwabo,mwafwa woshe uje alyaletha babenya baka mukehetha,oloni woshe uje akaliketha babenya baka mwa metha." ¹⁵ Banu bamo bakele na ku munenela banike babandondo mangana abakambeke maboko,oloni omo bandongethi bendi bamwene ebi,baba bindikile. ¹⁶ Oloni Yesu wabathanene kuli ikeye, na kwendeka ngwendi, "Echeleni banike babandondo baije kuli yange,kethi mubabindike. Omwo bumwene bwa Njambi bunapu ngwe babaje. ¹⁷ Mwa buthunga njimileka,woshe ou kakatambula bumwene bwa Njambi ngwe mwanike wa mundondo kakabukobelamo." ¹⁸ Cho umo ntwama wa mwihwile, ngwendi, "Mulongethi wa mubwa,bikajo binjinapande kulinga njika swane mwonyo kuwekuhwa.?" ¹⁹ Yesu wamukumbulwile ngwendi, ''Bikajo unjithanene wa mu bwa? ku kwethi wamubwa wahi,kubanga lika Njambi lika lyendi. ²⁰ Utanekeya mashiko aje ngwabo - kethi ulinge bupangala,kethi uka thsiye,kethi wiibe,kethi ubangeye,thingimika baisho na banyoko." ²¹ Uje mukakuyula wendekele ngwendi, "Byoshe ebi byuma njabinyunga kutunda ku thimbu ya bukwanje bwange. ²² Omo Yesu wathzibile ebi,wendekele kuli ikeye ngwendi, "Una jeneka chuma chimo. Unapande kulandetha byoshe bije biuli nabyo cho ukabipangele ku bihutu,cho ukakala na bufuko mwilu - cho wije,unjikabangeye." ²³ Oloni uje ntwamamwathzibile ebi byuma,cho washolkele buthiwa manene.mwafwa wakele na bufuko manene. ²⁴ Omo Yesu,wamunwene nashulu buthiwa, " mbathzubwila na wendekele ngwendi,"Chachikalu manene kuli baka kufuka kaka kobela mu bunwene bwa Njambi! ²⁵ Mwafwa cha chathi ngamele kukobela mulisho lya nguya,kuhyana muka kufuka kukobela mu bumwene bwa Njambi." ²⁶ Cho baje bakele na kuthziba ebi byuma bendekele ngwabo,"Cho iyajo kumani akoboka?" ²⁷ Yesu wendekele ngwendi, "Byuma ebi byapwa bya bikalu ku banu cho byapwa bya byatrhi kuli Njambi." ²⁸ Cho Petulu wendekele kuli bakebo ngwendi, ''Eyo, tunathethze byoshe byetu na kukukabangeya yobe." ²⁹ Yesu wendekele kuli bakebo ngwendi, "Mwa buthunga,njimileka yeni ngwange, kuwethi uje na thsethza njubo yendi,nambe munakathzi wendi,nambe bandolome,nambe bithemi,nambe bana,ha mulonga wa bumwene bwa Njambi, ³⁰ uje akajeneka kutambula bya bingi muno mukaye, cho lalo na muje mulifutu likaija,na mwonyo wa kujeneka kuhwa." ³¹ Hanima ya kulingulula bandongethi likumi na babali kuli ikeye,wendekele kuli bakebo ngwendi, "Taleni,tulunakuya ndo ku Yelusalema,na bije byuma bibasonekele ba polofita binapande kulishulithilila. ³² Omwo baka mwana mu maboko aba kamafuti,cho baka muthompetha,na kumuyandetha na kumujekwila mate. ³³ Hanima ya kumupupa,baka muthsiya,cho ha litangwa lya muchitatu akathamguka lalo." ³⁴ Bandongethi bendi kuba thzibithithile wakele na kwendeka, mwafwa eli lijwi babashwekelelyo ,cho kubathithile byuma Yesu wekele na kwendeka. ³⁵ Omwo chaputukile, muje Yesu watondele kweta muYeliko,umo munalume wa kapuputwa watumabmene ku mukulo wa ngila na kulomba banu, ³⁶ cho wathzibile mbunga yakele na kwita,cho wehwile bika bili na kulingiwa. ³⁷ Cho bamulekele Yesu waku Nazalata ikeye ali na kwita. ³⁸ Cho uje munalume waka puputwa watambekele,na kwendeka ngwendi, "Yesu,Muna Ndabiti,njithzibileko chikeketima. ³⁹ Cho baje bakele na kwenda halutwe bamubindikile uje kapuputwa,bamulekele ngwabo oloke.Oloni walile maneni ngwendi, "Munu Ndabiti,njithzibileko chikeketima." ⁴⁰ Yesu wemanene na kwendeka na kubakambeya linga banene kuli ikeye.Omwo uje munalume wa kapuputwa wetele muyehi,Yesu wendekele ngwendi, ⁴¹ "Bika utonda linga njikulingilebyo?" cho wendekele ngwendi, Mwene, njitonda kumona lalo." ⁴² Yesu wendekele kuli ikeye ngwendi, "Tambula kumona kwobe.Likulahelo lyobe lina kukangwitha." ⁴³ Hajebene watambwile kumona cho wa mukabangiyeye,wathzumbayeye Njambi. Banu boshe,baje bamwene echi, ba thangathzalale Njambi.