¹ Yesu wendekele kuli bandongethi bendi ngendi, ''Mukemwo bene kukapwa byuma bije bikatulingitha kulinga bubi,oloni ngongo yendi uje woshe kuli uje akapwa banu kupwa baka kubulumuna! ² Chikapwa cha chibwa kuli ikeye ngwe bakamukutilila limanya muthingo yendi na kumumbila mu kalunga mwafwa nalingitha umo kulinga bubi. ³ Linyungeni yeni babenya.Ngwe ndolome yeni abulumuna, munangule,cho ngwe alitabele,cho muthambethe. ⁴ Ngwe akubukumwina bithimbu bitanu na bibali mu litangwa, na bithimbu bitanu na bibali na kwiloka kuli yobe,nakwendeka kuli yobe ngwendi, ''Njalitabela,' cho yobe watele kumuthambetha!" ⁵ Cho miluwa bandekele kuli Shukulu ngwabo, "Bwethzeleleko likulahelo lwetu." ⁶ Shukulu wabakumbulwile ngwabo, "Ngwe mwakelena likulahelo lwa mbuto ya masitala,ngwe mwatha kwendeka ku muti wa malumbeni, 'Tukuka,cho baka kukune mu kalunga,' cho chatha kumyononokela. ⁷ Olojo iya weni, uje ali nangamba ali nakulima nambe ali nakunyunga bamanga,tukendeka kuli ikeye muje akaija kutunda ku lihya ngwetu, 'Ija thzambulako tumbama ulye? ⁸ Cho kutukendeka kuli ikeye ngwetu, Njibwahethele bya kulya,cho thzitika mwiba wobe mubuthalo cho unjinyunga noho njikamanetha kulya na kunwa. Cho hanima yobe ukalya na kunwa'? ⁹ Kekukandelela ngamba mwafwa wa pangele bije bamukambeyeye,mwakalingi ndi? ¹⁰ Nambe yeni lalo,omwo mukalinga byoshe bamikambeyeye,mwendeke ngweni, 'Tabangamba bangocho. Mwafwa tunalingi bije twapandela kulinga." ¹¹ Cha sholokele omu wakele na kuya ku Yelusalema,waile mu museto wa Samaliya na Ngalileya. ¹² Omwo wakobelele mu limbo limo, kuje waliwanene na banulume likumi baje bakele na mbumba.Bemanene halako nendi cho bendekele ¹³ na majwi akukanguka,bendekele ngwabo, "Yesu,Mwene,tuthzibilko ngothzi yetu." ¹⁴ Omwo waba mwene,wendekele kuli bakebo ngwendi, "Yeni mukalisholole kuli tupilisitu." Cho omwo baile babajelethele. ¹⁵ Omwo umo wabo wamwene ngwendi bana mujeletha, cho welukile,na lijwi lya kukanguka wakuthzumbangeyeye Njambi. ¹⁶ Cho wawililile kumendi a Yesu, wamukandelele.Wapwile mu Samaliya. ¹⁷ Cho Yesu wendekele ngwendi, "Kumani kubukapwile likumi aba njikajeletha? bali kuli aba mutanu na bawana? ¹⁸ Kukwakele bakwabo baje bathele kwiluka na kuthzumbangeya Njambi,kubanga lika uje mungendthzi?" ¹⁹ Wendekele kuli ikeye ngwendi, "Imana,ya. Likulahelo lyobe lina kukangwitha." ²⁰ Litaangwa limo ba Faliseo bamwihwile ngwabo kumani bumwene bwa Njambi bukaija,Yesu wendekele ngwendi, "Bumwene bwa Njambi kubwekwija mungila eyi muli naku mona. ²¹ Nambe bendeke ngwabo, 'Kengeni,buno buli kuno!' nambe, 'Buje buli kuje!' Cho kengeni,bumwene bwa Njambi buli hakati keni." ²² Cho wendekele kuli bandongethi bendi ngweni, "Matangwa akaija omwo mukashungwiya kumona eli litangwa lya Muna Munu,oloni kumukalimono. ²³ Cho bakendeka kuli yeni ngwabo, 'Kengani,kuje,kuno! Oloni kethi mukayeko nambe kuya nabo, ²⁴ omwo muhyato ukabyathzima omwo uka hyatula ku mutambela umo wa mashelwa wa lilu,cho mukemwo muchikafwa halitangwa lya Muna Munu. ²⁵ Oloni hakulinga napandela tahi kuyanda ku byuma bya bilingi cho baka kuyengula baka chikota chendi. ²⁶ Ngwe muje chalingiliwe mu matangwa a Nowa, nambe ngocho chikalingiwa lalo mu litangwa lya Muna Munu. ²⁷ Cho balile,banwine,bambatele,cho bashombombwetha noho wakobelele mu bwato - cho libathzi lyethzile cho lyo banyungotha boshe. ²⁸ Mujebene,ngwe muje bene chasholokele mu matangwa a Lota - bakele na kulya na kunwa,bakele na kulanda na kulandulula, bakunine na kutunga. ²⁹ Oloni mu litangwa lya Lota aje waile ku Sondoma, kwanyukele tuhya nakuwa kutunda mwilu cho boshe baba nyongothele boshe. ³⁰ Mungila ya kulifwa bene chikafwa bene ngwe litangwa lya Muna lya Munu omwo akalisholola. ³¹ Halitangwa lije kethi mukatabethe uje ali helu lya njubo linga akashuluke na kwambata bitenga byendi muje munjibo, cho kethi mukakatabethe uje ali mulihya akeluke. ³² Anukeni munakathzi wa Lota. ³³ Uje woshe akanyunga mwonyo wendi akauthzimbaletha,oloni uje woshe akanyongetha mwony wendi baka u wobola. ³⁴ Njimileka yeni, mu buthsiki kukapwa banulume babali mu bulili. Umo bakamwata,cho mukwabo akathala. ³⁵ Cho kukakala banakathzi babali bali na kutwa hamo. Umo bakamwamabata,cho mukwabo bakamuthethza." ³⁶ Cho kupapwa banu babali mulihya; cho umo baka mwambata cho mukwabo baka muthethza. ³⁷ Cho bamwihwile ngwabo, "Kulijo,Shukulu?" Wabakumbulwile ngendi, "Kuje kuli mubila,kukekwo makubi bakalikungulwila."