¹ Omwo Yesu wamanethele kwendeka ebi byuma,wandwile mesho endi kwilu cho wendekele ngwendi, "Tate,thimbu inete,lemetha munobe linga lalo munobe akulemethe - ² Muje wamwanene binthzili ali boshe bali na mubila wa thitu linga ane mwonyo wa myaka yoshe kuboshe baje wa mwanene. ³ Ou mwonyo wa myaka yoshe: Linga bakuthzibuke,Njambi umolika wa buthunga,na uje iwatumine,Yesu Kilisitu. ⁴ Njakulemetha hano hathi.Njinamanetha bipangi bije wa njanene kubilinga. ⁵ Choni,Tate, njilemethe nobe babenya hamo na bumpahu buje bunjakele nabwo nobe hamo te kanda kaye bakatenge. ⁶ Njanasholola lithzina lyobe kuli banu baje wanjanene kutunda kuba ka kaye. Bapwile bobe,cho wanjan enebo yange,cho bana nyungu lijwi lyobe. ⁷ Choni banathzibuka ngwabo byuma byoshe biwanjanene bya tunda kuli yobe, ⁸ omwo njabanene majwi oshe aje uwanjanene.Bawatambwile mwabuthunga bene bana tanekeya ngwabo njatundile kuli yobe,cho banakulahela ngwabo yobe wanjitumine. ⁹ Njanabalombelela,kunjilomelela kaye oloni baje wanajnene,omwo bapwa bobe. ¹⁰ Byoshe njilinabyo byapwa byobe,cho byoshe ulinabyo byapwa baynge,cho banjilemethele muli bakebo. ¹¹ Kunjethi nji muka kaye,oloni aba banu banapu baka kaye,njilinakwija kuli yobe.Tate wakuthzila, banyunge lithzina lyobe eli unanjana linga bapwe umo,ngwe muje twapwa umo netu. ¹² Hathimbu njakele nabo,njabanyungile mu kwoloka mu lithzina lyobe,baje wanjanenebo. Njaba nyungile,cho naumo wahi wanyongele,kubanga lika uje muna wakunyonga,linga bithoneka bilishulithilile. ¹³ Cho njinakwija kuli yobe, oloni njilinakwendeka ebi byuma mu kaye linga kubwahelela kwange kuli thulithilile muli bakebo. ¹⁴ Njabana majwi obe,nabaka kaye bana bathzindi mwafwa kethi baka kaye,ngwe muje yange kunjethi njimuka kaye. ¹⁵ Kunjikulombe ngwange ubatundithe hano ha kaye,oloni ngwange uwa nyunge ku bitothzi. ¹⁶ Kubapwile baka kaye,ngwe omwo yange kethi njimuka kaye. ¹⁷ Bakundike kubuthunga.Majwi obe apwa a buthunga. ¹⁸ Ngwe muje wanjitumine mu kaye, njabatumu nange mukaye. ¹⁹ Cho bali bakebo njinalikundika yange babenya,linga babenya lalo balikundike kuli yobe mubuthunga. ²⁰ Kunjilombelela lika aba,oloni na beka baje ba kulahela yange kwitila mu lijwi ²¹ linga bapwa umo,muje njapwa,Tate,muli yange,nange muli yobe,Bakale lalo muli yetu linga baka kaye bakaulahele ngwabo yobe wanjitumine. ²² Bumpahu buje wanjanene,njanabanabwo,linga bapwe umo,omwo twapwa umo: ²³ Yange muli bakebo,nobe muli yange - linga bapwe bamutunu mulithzibathano,ngechi baka kaye baka thzibuke ngwabo yobe wa njitumine,muje wabathema ngwe muje wa njithema. ²⁴ Tate,njitonda baje boshe unjana linga bakale nange kuje kunjili,nakumonga bumpahu bwange,bumpahu buje wanjanene mwafwa wa njithemene thimbu kanda batange kaye. ²⁵ Tate wa buthunga,baka kaye kuba kuthzibukile,oloni yange njikuthzibuka; cho aba bathzibuka ngwabo yobe wa njitumine. ²⁶ Njasholwele lithzina lyobe kuli bakebo,cho hanga njilikabalaekethalyolinga chithemo chije wa njithema nacho chikale muli bakebo,nange njikale mulibakebo."