¹ "Njamileke ebi byuma mangana kethi mu kashenduke. ² Bakamisheka mu masinangonge. Oloni thimbu ikayija omoni woshe owo a kamithsiya a ka uongola ngwendi ali na kupangela Njambi. ³ Bakalinga byuma ebi mwafwa kuba thzibukile Tate nambe yange. ⁴ Njinendeka ebi byuma kuli yeni mangana muyakweta thimbu yabo, hyeni mukanuka ngweni nja milekelebyo. Kunja milekelebyo byuma ebi a kushangumuka, mwafwa njakele neni. ⁵ Oloni omo njili nakuya kuli ikeye wanjitumine, naumo wai wenu anjihula ngwendi, 'Uli na kuya kuli?' ⁶ Oloni mwafwa njamileke byuma ebi, bimbunge byeni bina shulu na buthiwa. ⁷ Oloni chili njimileka ngwange, chibwaha kuli yeni ngechi yange njiye. Mwafwa oshe kunjiyi, mukwathi kakija kuli yeni, oloni oshe njiya, njika mi tuminaye. ⁸ Cho omo akaija, mukwathi aka sholola kuluwa kwa kaye hamulonga wa bubi, a mulonga wa buthunga, na amulonga wa kuthompetha-- ⁹ amulonga wa bubi, mwafwa kuba kulahelele muli yange; ¹⁰ amulonga wa buthunga, mwafwa njili na kuya kuli Tate, cho kumu ka nji mono ho; ¹¹ cho amulonga wa kuthompetha, mwafwa muka kuyula wa ano akaye ba muthompetha laja. ¹² Njili na byuma byabingi bya ku mileka, oloni a thimbu ino kumwatha kubi nyunga. ¹³ Oloni omu ikeye, uje Sipilitu wa Buthunga, mwa ija, ikeye a kumi twamenena mu buthunga boshe, mwafwa ikeye kakwendeka bithinganyeka byendi. Oloni akwendeka byoshe obyo bya kathziba, cho a kumileka byuma bya kulutwe. ¹⁴ Akanji shangathzala, mwafwa a kambata kutunditha a bije byange cho akumi lekabyo yeni. ¹⁵ Byoshe ebi Tate ali nabyo byange. Choni, njinendeka ngwange ou Sipilitu akambata kutunditha abije byange cho a kamilekabyo yeni. ¹⁶ Athimbu ya indondo kumukanjimono, cho anima ya thimbu ya indondo ikwabo mukanjimona." ¹⁷ Choni bampo ba bandongethi bendi ba liwile umo na mukwabo, "Bikajo ebi ali na kutuleka, 'Athimbu ya indondo ku mukanjimono cho anima ya thimbu ya indondo ikwabo mu kanjimona,; na, 'Mwafwa njiya kuli Tate'?" ¹⁸ Choni bendekele ngwabo, ''Bikajo ebi a kendeka, 'Kathimbu ka kandondo'? Kutwathzibukile bika ali na kwendeka." ¹⁹ Yesu wathzibukile ngwendi ba shakele ku mwihula, cho wabalekele ngwendi, "Ebi bikebyo muli na kulihula mweni mweni, binja lumbununa mu kwendeka ngwange, 'Mukathimbu ka kandondo lika cho kumukanjimono, cho lalo mukathimbu kakandondo lika cho mukanjimona'? ²⁰ Mwabushunga, mwabushunga, njimileka ngwange, mulila na kulinyenga, oloni kaye ka kabwaelela. Mukapwa na kushula na buthiwa, oloni buthiwa bweni bukatenguluka muku bwaelela. ²¹ Omu munakathzi akukala a maboko akakala na buthiwa mwafwa thimbu yendi inete, oloni ngwe mwana na themuka, kethi kwanuka mishongo yendi mwafwa ya ku bwaelela chendi cha mwana na themuka ano a kaye. ²² Cho ano muli na buthiwa, oloni nja kumimona lalo, cho bimbunge byeni bika bwaelela, cho naumo wai akatha kwambata ku bwaelela cheni. ²³ Alije litangwa kumukanjihulao chuma nambe chimo. Mwabushunga, mwabushunga, njimileka ngwange, ngemukalomba chili choshe kuli Tate mulithzina lyange, aka myanacho. ²⁴ Kweta nalelo kumwa njilombeleo chuma chimo kuli Tate mulithzina lyange. Lombeni cho mukatambula, mangana kubwaelela cheni chikakale cha ku shulithiwa." ²⁵ "Njina mileke ebi byuma mubithimo, oloni thimbu ili na kwija omu ku njikamileke mubithimo, oloni njakumileka bya Tate mu mathzwi a muthzibithitha. ²⁶ Alije litangwa mukalomba mu lithzina lyange cho kunjethi na kwendeka kuli yeni ngwange njika milombelela kuli Tate, ²⁷ omu Tate ikeye babenya wa mishaka mwafwa muna njishaka cho mwafwa mwa nji kulaela nge njatundile kuli Njambi. ²⁸ Nja tundile kuli Tate, cho nji naija muno mukaye. Lalo, Njili na kuthethza kaya cho njili nakuya kuli Tate." ²⁹ Bandongethi bendi bendekele ngwabo, "Kenga, ano uli nakwendeka mathzwi a tuthzibithitha cho kuwethi na kuli kwathetha bithimbo. ³⁰ Ano oni twathzibuka ngwetu uthzibuka byuma byoshe, cho naumo wai napande ku kwiula biula. Mwafwa wechi, twataba ngwetu watundu kuli Njambi." ³¹ Yesu wa bakumbulwile ngwendi, "Ano mwakulaela oni? ³² Kengeni, thimbu ili nakwija, eyo, cho mukemwo inete, omu mukalishandoka, umo na umo kunjubo yendi, cho mukanjithethza angelika. Oloni kujethi angelika mwafwa Tate ali nange. ³³ Njamileke byuma ebi ngechi mukale mukwoloka muli yange. Mukaye muli na kayando, oloni thimpeni, njina fungulula kaye."