¹ Paulu,muluwa - kethi muluwa wakutunda kubanu nambe kuchithzango cha banu.oloni kwitila muli Yesu Kilisitu na Njambi ishe,ou wamuthangwile ku buthsi - ² na bandolome boshe bali nange,kubikungulwilo mu Ngalatiya: ³ Ngothzi ikale neni na kwoloka cha Njambi tate na Shukulu Yesu Kilisitu, ⁴ ou walyanene inenya habubi bwetu mangana atutunduthe ku bubi bwathimbu ino,kwetheka na kushaka kwa Njambi tate, ⁵ Kuli ikeye kukale bumpahu myaka na myaka.Ameni. ⁶ Njalikomokela kuwana mulinakutenguluka bwathi kutunda kuli ikeye ou wamithanene mu ngothzi ya Kilisitu.Njalikomokela kuwana muli nakutengulukila ku muthzimbu wakulyandununa, ⁷ kethi ngwabo kuli muthzimbu weka,oloni kuli banu bamo banakunena bukalu nakunda kulyanganetha muthzimbu wa Kilisitu. ⁸ Oloni nambe nga ngwabo yetu nameme kangelo wakutunda mwilu atha kwambulula kuli yobe muthzimbu kutubakana ou twambulwile kuli yobe,akakale wa kuthingiwa. ⁹ Ngwe omu tunendeka laja,choni njendeka lalo,"nga munu umo akambulula muthzimbu wakulithethza nauje watanbwile,akapww wa kuthingiwa." ¹⁰ Hanoni njitonda kushangala kwa banu indi kwa Njambi? Njitonda kubwaheletha banu? Ngachili na kwetheka kubwaheletha banu,cho kunjethi nji ngamba wa Kilisitu. ¹¹ Mwafwa njitonda yeni muthzibuke,bandolome,ngwe muthzimbu njambulwile kethi wa munu. ¹² Kunjautambwile ku munu woshe,nameme kunjilongethawo.Olojo,wakele kwitila mukuusholola cha Yesu Kiliositu kuli yange. ¹³ Mwathzibile buyoye bwabge bwa laja mu likulahelo lwa ba Yunda,omu najkele naku yandetha chikungulwilo cha Njambi kutubakanetha namutheteko yakushaka kuchinyongetha. ¹⁴ Njatwalele lutwe mu likulahelo lwaba Yunda kutubakana baje babengi bakele na myaka imolika nange,bakutunda mukati kananga yange.Omu mukemwo njalyakeleleko manene kwetheka na cjithemwa chaba tatetu. ¹⁵ Oloni omu Njambi,ou anjitundithile mwimo lyaba nana,na kunjithana kwitila mungothzi yendi, ¹⁶ wasuulukile hakusholola munendi muli yange,mangana njikathe longetha hali ikeye mukati kaba Mafuti,Hajebene kunjathele kwihula na mubila nambe maninga. ¹⁷ Kunjaile nakweta ku yelisalema kuli baje bethzile na kukala miluwa thimbu kanda yange. Olojo,njaile ku Alembiya cho kwiluka ku Ndamasikasi. ¹⁸ Cho hanima ya myaka itatu najile ku Yesusalema kuya nakuthzibuka Keyafasi cho njatumbamene nendi matangwa likumi na atanu. ¹⁹ Oloni kunjamwene muluwa weka wahi kubanga Yakomba,ndolome wa Shukulu. ²⁰ Muli ebi njothoneka kuli yeni,njinakumikulahetha ha mesho a Njambi ngwange na kulikwitha. ²¹ Cho njaile ku mityambela ya Siliya na Shiliya. ²² Olojo kubanjithzibukile kuchihanga kubikungulwilo bayku Yundeya ebi baykele muli Kilisitu. ²³ Bachithzibile lika banakuchendeka,"uje munalume watuyandethele thimbu imo alina nakwambulula muthzimbu waubwa wa likulahelo ou wethekele kunyongetha." ²⁴ Cho banene bumpahu kuli Njambi hamulonga wange.