¹ Paulu,muluwa wa Kilisitu Yesu kwitila mu kushaka kwa Njambi,kuli banu ba kuthzila ba Njambi mu Efeso,aba ba kulahela muli Kilisitu Yesu. ² Ng'eke kuli yeni na kwoboka kutunda kuli Njambi Tatetu na Shukulu Yesu Kilisitu. ³ Tulemetheni Njambi na Ishe ya Shukulu yetu Yesu Kilisitu,ou na tukithula na ku bethzika kwa muthzithzime wa mu byela bya mwilu muli Kilisitu. ⁴ Muli ikeye Njambi ikeye na tushakula tunde ku lubula lwa kaye,ngechi amo tukakale ba kuthzila na kwendeka katenga ku mesho endi mu chithzemo. ⁵ Njambi watushwakwile tekanda batutambule bana ba Yesu Kilisitu,kutwangula ngwe baana kwitila muli Yesu Kilisitu ,kwetheketha na bubwa bwa kushaka kwendi. ⁶ Kututambwila kwetu kwa sholokela muku shangala bumoahu bwa ng'eke yendi ya kama ije ya twanene kwa bwana muli uje umo ya shaka. ⁷ Muli Yesu Kilisitu tuli na bwobole kwitila mu maninga endi na kutetela kwa bubi bwetu,kwetheketha na chikeketima chendi cha kama. ⁸ Watumithile eyi ng'eke kuli yetu na maana endi oshe na mu kuthzibithitha kwenda kwoshe. ⁹ Njambi na sholalo kuli yetu ku komowetha chakama cha chithzango chendi,kwetheketha nomu cha mu bwahethela,cho chikecho chije cha sholwethelele muli Kilisitu, ¹⁰ na chithinganyeka cha chiyongola cha kushula kwa thimbu,ku nena byuma byoshe hano,byuma byoshe bya mwilu na ano hathi,kubyaka mwithi ya umo,nameme Kilisitu. ¹¹ Muli Kilisitu bana tushakula kuba kuba bengi,ba tushakwile na kutu bwabetha kwetheketha mu biyongola bya uje muka kupanga byooshe kwetheketha na bithinganyeka bya kushaka kwendi. ¹² Njambi watushakwile ngwe baswana mangana yetu,aba ba kushangumukilakao kukala na chinyangabili muli Kilisitu,tuka kale baku shangathzala bumpahu bwendi. ¹³ Muli Kilisitu,yeni lalo,omwo mwathzibile lijwi lya buthunga,bing'anda bya bibwa bya kwoboka cheni,mwa kukulahela muli ikeye cho ba myakele kathzibukitho ka mundthzindthzime wa kujela uje wa kulahethele, ¹⁴ ikeye chimbikiya cha bushwana bwetu noho tuka wana bwoboke bwa kutambulwa,kweta kukushanga cha bumpahu bwendi. ¹⁵ Mwafwa yechi,kutunda hanja thzibilile ku kulahela kweni muli shukulu Yesu na chithzemo cheni cha banu boshe ba kuthzila ba Njambi, ¹⁶ kunjechele kukandelela Njambi a mulonga weni omu njika mitumbula mu malombo ange. ¹⁷ Nji kalombo ngwange Njambi ya shukulu yetu Yesu Kilisitu. Ishe ya bumpahu a myane mundthzindthzime wa maana na kujombolola mu mangana endi. ¹⁸ Njilomba ngwange mesho a bimbunge byeni athe kumonethetha,mangana mwthe kuthzubuka chinyangabili echi kwa namithanena na kubufuko bwa buswana bwendi bwa bumpahu hakati ka banu ba Njambi boshe ba kuthzila. ¹⁹ Mumalombo ange njikalombo ngwange mwathe kuthzibuka bukama kutwatha kwetheketha bwa bithzili byendi kuli yetu twa kulahela,kwetheketha ku kupanga kwa bindthzili mu bukama bwendi. ²⁰ Ebi bikebyo bindthzili bimo lika bije Najmbi wa pangethele muli Kilisitu omu wa mwindwile kubathsi na ku mutumbika ku liboko lyendi lya chilyo mu byela bya mwilu. ²¹ Natumbika Kilisitu helu manene ya bikebyo byoshe na mooko na ndthzili na kulyatelela,na lithzina lyoshe lije liliko. Kilisitu aka yula,kethi ngwe athimbu ino lika embwe,oloni na hathimbu ili na kwija lalo. ²² Njambi naka byuma byoshe mwithi ya mendi a Kilisitu na kumwana ku chikungulwilo ngwe mutwe wa byuma byoshe. ²³ Chikungulwilo chikecho mubila wendi,kushulilila kwendi ou aka shulitha byoshe mu byoshe.