¹ Eni bashukwaina.anenei kuli ba ngamba beni bije binapande na kulumbunuka,ngwe omwo munathzibukilamo ngweni neni nawa muli na shukwanyoko mwilu. ² Twaleleni kukwatelele mu kulomba thimbu yoshe. Lyalanyeni mu kwana kukandelela. ³ Tulombeleleniko hamo netu lalo,mangana Njambi ashokolole chikolo cha lijwi,mu kwendeka chithing'iko cha Kilisitu.Mwafwa webi,bananjikutu mu malyenge. ⁴ Lombeni mangana bipwe bya ku lumbunuka,ngwe omu njinapande kwendeka. ⁵ Endeni mu maana kuli baje ba banja,cho nawa patuleni thimbu. Echeleni majwi eni akale na ng'eke thimbu yoshe. ⁶ Echeleni babibwahethe na mongwa,mangana mu kuthzubuka omwo mwatha kukumbulwila munu umo na mukwabo. ⁷ Ngwe ku byuma binanjipandama,Taikikase aka mithzibukitha byo. Napu muka chithzemo ndolome,ngamba wakukulahela,cho wapwa mukwetu ndungo mutukapangela kuli Njambi. ⁸ Njina mutumu kuli yeni mwafwa wechi,linga mwthe kuthzubuka mithzimbu wetu,linga athse kutakametha bimbunge byeni. ⁹ Njinamutumu hamolika na Onesimasi,ndolome muka chithzemo na likulahelo,uje umo hakati keni,bakamikela byoshe obyo binalingiwa hano. ¹⁰ Alisitase,mukwetu chindthzinda,namimeneka,hamolika na Mako,mushoni wa Banambasa (Ikeye uje wamikambeyeye;nga aija kuli yeni,mutambuleni), ¹¹ cho nauje lalo Yesu uje ibathana ngwabo Yusitase.Aba likalyabo banatuhuuka ngwe bakwetu ku bipangi bya kubumwene bwa Njambi.Bnapu baka kunjithzembeleka kuli yange. ¹² Epafalase nami meneka.Ikeye umo weni ndungo ya Kilisitu Yesu.Ikeye thimbu yoshe muka kumilwila mu kumilombelela,magnga mwathe kwimana mbe na kukoletha mu byuma bya Njambi. ¹³ Mwafwa njatha kwmbulula bukaleho ngwange amipangele na ndthzili yoshe,kuli baje bali ku Laondesiya,na kuli baje bali mu Halapolise. ¹⁴ Luka bakachithemo,na Ndemase bana mimeneka. ¹⁵ Aneni kumeneka kuli bandolome bamu Laundesiya,na kuli Nifa, na kuchikungulukilo chije chili mu njubo yendi. ¹⁶ Omu bamitandela ou mukanda,utandeni lalo na kuchikungulukilo cha baka Laondesiya,cho taleni ngweni ou mukanda munautanda kutunda ku Laundesiya. ¹⁷ Endekeni kuli Achipase ngweni, "Kenga kuli bulongethi buje unatambula kuli Shukulu,linga wathe kubushulithilila." ¹⁸ Echi kumeneka chili mumaboko ange - Paulu. Anukeni malenge ange. Echeleni ngothzi ikale neni.