¹ Ngwe Njambi lalo namijundula yeni hamo na Kilisitu,shakethzekeni byuma bya mwilu kuje watumbama Kilisitu ku liboko lya chilyo lya Njambi. ² Thinganyekeni ha byuma bya mwilu,kethi ha byuma bya hano hathi. ³ Mwafwa yeni munathsi,na mwonyo wobe banalishweke na Kilisitu muli Njambi. ⁴ Omwo Kilisitu akasholoka,ikeye mwonyo weni,cho mukashokok lalo hamo nendi mu bumpahu. ⁵ Akeni kukuthsa,cho, banu bali hano hathi - bilinga bya bupangala,mathzilo,mgothzi,biyongola bya bibi,na lithsita,bi binapu kulemetha kumponya. ⁶ Mwafwa wa byuma ebi butenu bwa Njambi bulinakwija ku bana bakujeneka kwononoka. ⁷ Chinapu muli ebi byuma bije mwendekele hathimbu imo ije mwakelemo. ⁸ Oloni lolo munapande kubitunditha ebi byuma byoshe - bukalu,kukubala,bihinganyeka bya bibi,kushaula,na binganda bya makuli kutunda kutunwa tweni. ⁹ Kethi mulikwithe umo namukwabo,omwo munatunditha munu wa laja na bilinga byendi. ¹⁰ Cho munathzala munu weka mumuha uje ibana bumbu mu mana a maha kwetheketha ku mundthzindthzime wa umo uje wabumbile. ¹¹ Aha hakebo kuhethi ba Ngiliki naba Yunda,kutuhuka nameme kujeneka kutuhuka,baka Mbambaliya,baka sisiliya,ngamba,banu bakuthzituka oloni Kilsitu ikeye woshe,cho wakala mu boshe. ¹² Cho ngwe baje bamo bana ngula Njambi,kuthzila na chithzemo,thzaleni mbunge ya ng'eke,bubwa,kuli lumbilitha,na kuthimpa. ¹³ Kaleni hamo umo na mukwabo. Kaleni baka ng'eke kuli umo na mukwabo nga umo ali na kuyayabala hali mukwabo weka.konekeleni mu ngila imolika ije Shukulu na mikonekela. ¹⁴ Chakuhyana byuma byoshe,kaleni na chithzemo chkecho kulinga kwa kwoloka. ¹⁵ Echeleni kwoloka kwa Kilisitu kuyule mu bimbunge byeni. Chakele omu mu kwoloka mukemo bamithanene mu mubila umo. Kaleni baka kukandelela. ¹⁶ Echeleni lijwi lya Kilisitu likale lya kufuka manene muli yeni,longetheni na kulikwatha umo na mukwabo na mana oshe, kwimba myatho ya ku mukanda wa myatho na myatho ya Mukakwimba ya muthzindthzime na kukandelela manene mu bimbunge byeni kuli Njambi. ¹⁷ Choshe ocho chimulinga mulijwi nambe mubilinga lingeni byoshe mu lithzina lya Shukulu Yesu. Aneni kukandelela kuli Njambi Tate kwitila muli ikeye. ¹⁸ Banakathzi lyaneni kuli baka limbo lyeni,ngwe omwo chinapandama na Shukulu. ¹⁹ Banalume,thzemeni banakathzi beni,cho kethi mulubale nabo. ²⁰ Bana, ononokeleni kuli bithemi beni mu byuma byoshe,mwafwa echi chikecho cha chibwa kuli Shukulu. ²¹ Baka Tate,kethi mushangumune bana beni,mangana bajeneke kwilukakila hanima. ²² Bangamba,ononokeni kuli ba shukwanyoko mu kwetheketha na mubila ku byuma byoshe,kethi na bipangi bya mesho,ngwe mukushaka ka banu,oloni na mbunge ya kulyana muthzibeni lyoba Shukulu. ²³ Byoshe obyo bimulinga,pangeni kutunda ku monyo mgwe kuli Shukulu cho ngwe ku banu. ²⁴ Munatanekeya ngweni mukatambula fweto ya buswana kuli Shukulu. Ikeye Shukulu Yesu imukapangela. ²⁵ Mwafwa woshe umo uje alinga bya kujeneka buthunga akatambula kwetheketha na kujeneka buthunga buje walingile,cho kukwethi ngothzi.