¹ Twashangumuka kuli shangathzala yetu babenya lalo ndi? kutwapandele kukala na mukanda ya bukaleho kuli yeni nambe kutunda kulinyeni,ngwe banu beka,indi bati? ² Yeni bene munapu mukanda wa bukaleho bwetu, uje bathoneka mibimbunge byetu,ubathzuka na kutunda kuli banu boshe. ³ Mwa mwetha ngweni yeni mukanda wa kutunda kuli Kilisitu,kutundilila mu buntwama bwetu.Uje kubathonekele na bulombo oloni na mundthzindthzime wa Njambi wa ku yoya.Kubauthonekele ha butale bwa limanya,oloni ha butale bwa bimbunge bya banu. ⁴ Olu lukelwo lukulahelo tuli balwo kwitila muli Kilisitu kuli Njambi. ⁵ Kukwethi chuma chimo chituthzibuka chai ocho chinatha yetu kulitangala ngwee kuli chimo chinatha kutundila kuli yetu.oloje,kuthzubuka chetu chili na kutunda kuli Njambi. ⁶ Omu Njambi ikeye na twathetha yetu kupwa ba ngamba mu litabathano lya liha.Eli likelyo litabathano kethi ngwe lya mukanda oloni lya Sipilitu.Mwafwa mukanda uthsiya,oloni Sipilitu yana mwonyo. ⁷ Chojo buntwama bwa buthsi - bu bathoneka a mamanya- bwethzile mu bumpahu bwa kulinga bana ba Isilaele kubathele nameme kulitala chitonamesho na Mosesa.Echi mwafwa ya bumpahu bwa ku mesho endi,bumpahu buje bwakele na kulithsithzibala. ⁸ Kuma bumpahu bwa buntwama bwa sipilitu bunapu bwa kama ndi? ⁹ Osheni buntwama bwa chiitho bwakele na bumpahu,chojo bumpahu bwakufuma bati obwoni bu bunapande kukala mu buntwama bwa kuthungama! ¹⁰ Mwafwoni chije chalingithile hakuputuka kukala chabumpahu kechethiho cha bumpahu muchifwechi,hamulonga wa bumpahu bwakama bana butubakana. ¹¹ Oshojo ngwe chije chapwile chathimbu ya indondo chakele na bumpahu,chojo bumpahu bwafwa bati bukala na chijoni cha myaka yoshe! ¹² Omwo tuli nachinyangabili echi,cho tunapu ba kuthimpa manene bene. ¹³ Yetu kutwethi ngwe Mosesa,uje wa fwikile nanga ku chihanga chendi manganoni baje bana ba Isilaele bonowe kutala chitona mesho ku ma manethelo abuje bumpahu bwapwile bwa kathimbu ka kandondo. ¹⁴ Oloni ba kaluwithile mana abo.Mwafwa kweta na kulitangwa lya lelo,omwo batonda lije litabathano lya laja,ije nanga yathalelemo.Ku baitundithule,mwafwa kubanga kwitila muli Kilisitu lika athinoni itunda. ¹⁵ Oloni nameme lelo,athimbu ije yoshe batanda Mosesa,ije nanga ika fwiki bimbunge byabo. ¹⁶ Olojo ngwe munu atengulukila kuli Shikulu,cho ije nanga bai tundithaho. ¹⁷ Oloni shukulu ikeye sipilitu.Ikeye kuli sipilitu wa shukulu,kukekwo kuli kuthzituka. ¹⁸ Anwoni tubaboshe,na binanga bya kufukula,tunamono bumpahu bwa Shukulu.Bali na kutwamena mu bumpahu bumo kuya ku bukwabo,ngechi bene bwatunda kuli shukulu,ou napu Sipilitu.